ر روس

فكرة هدايا للعريس
جيبي له سبحه مطعمه بالفضة برائحة الورد أو الفل من فتيحي ,,
اسعارها 500 و 300 و 250 فيه ب 150 الظاهر واتوقع عليها خصم
أو في محل السبحه على طريق الملك فهد مدري العليا العام ناسيه
خطير وفيه انواع واشكال واسعار متفاوته توصل الى ميه الف للسبحه
عندك رباعيات فيه اشياء حلوه ,,
اسكارف مع قميص مع شنطه سبور ممكن
+ سوي له اشتراك في نادي الأنتر
أو أبل فيتنس ,, حلو ورايق
او فيتنس تايم ,,
او اي نادي راقي ,,
مع جلسات مساج او حمام مغربي مثلا
وحطي ايصال الأشتراك في ظرف مع السبحه او هديتك + ورد
بيطلع شي مرتب
فيه قلم رهيب فرزاتشي اختي شرته لزوجها للعيد
ب 1500 بس فخم مرة لونه ابيض ومحدد بالذهبي كان ب 3000 وخصموا عليه يارب تلقينه
القلم يحكيي
تلقينه في محل نسيت اسمه بس هو تبع الحميضي
في حياة مول جنب الحميضي اللي في الزاوية بوابة 7

العنايه بقمصان النوم
*الغسيل:
معروف ان قماشها خفيف + ماراح تتوسخ لا بأكل ولا بشرب
ماتحتاج نشاف لأنه بيهريها+ وبعد ما تحتاج لغساله
بكذا ماراح تحتاج الا تنقيعه خفيفه بشمبو او اي صابون زي اريل وافركيه على يدك واعصريها وانشريها
*الكوي :
طبعا بكوايه البخار مناسبه لها اما الكوايه العاديه ممكن لو كانت حاره مره تمسك فيها وتشقها لك
وانتي اذا غسلتي انفضيها زين وعليها بمعلاق وماحتاج الا مر خفيف عليها بكوايه البخار
*اما كيف بتحطينها بشنطه السفر :
لفيها زي الشاورما وحطي شريطه عليها لأن حتى لو سفطتيها ببتعفط
*اما كيف تكوينها بالسفر :
اغلب الاوتيلات يحطون كوايه بخار او تطلبونها
واذا مافيه ياتشترين كوايه كبر اليد - او زي ما قالت وحده قبل كم رد تستعملين استشوار الحمام

ترتيب التسريحه و دورة المياه
كثير من العرآيس يحتارون في ترتيب شكل التسريحة والأدوآت اللي عليهاا . . .
وهالشي ينعكس عليها وعلى ذوقها قدآم ويعطيه إنطباع حلو أن شريكة حيآته ذويقة
وآثناء ماآنا أتصفح طرق جديدة في تنسيق آغرآضي
عجبتني هالمقاطع من اليوتيوب وحيل حيل ب تخدمكم
طريقة ترتيب الBathroom
https://www.youtube.com/watch?v=TPMRp...eature=related
طريقة تنسيق آدوآت ال Make - up
https://www.youtube.com/watch?v=BZOir...eature=related
طريقة ترتيب ال تسريحة
https://www.youtube.com/watch?v=Ma4uF...eature=related
وتقدرون تتفرجون على باقي المقاطع اللي ع اليمين من كل مقطع ذكرته

للعروسات
هالنقطة_(للعرايس بس)
1/ عند نكتارغسول اسمه(مجموعة العروسه) خاص رووعه.. بالفانيلا و التوفي
2/ وعند لاسنزا روائح تسطل بعد فروانه و شوكولاا..
3/ عند نكتار بعد غسول بريحة التوت روعه ومع الاستعمال المتكرر يبض المنطقه..
بس حبايب قلبي حاولوا ما تكثرون إستخدامها.. لانها عطريه ..بس اذا تبونها ليله خاصه وهيك شي

بنبدأ من البدايه
إذا تقدرين تحضرين دورات عن الزواج والمقبلين عليه لاتترددين ,
والله من تجربه حضرت العام قبل زواجي بمركز دار آسيه دوره أسمها ( ليلة زفاف )
أستفدت منها بأشياء كثير أختصرت لي مراحل كثير ممكن نطيح فيها ..
ونصايح الدورات عاده نصايح ناس واعيه وفاهمه يعطونك زبدة تجربتهم بشكل صحيح مو مثل هالنصايح اللي تجيك من كل مكان !
والاحلى لو قلتي لزوجك يحضر معاك إذا هي قسمين وربي الرجال يجهلون بشكل مو طبيعي عننا
زوجي حضر العام وربي تنبه بنسبه كبيره أشياء كثير مايعرفها وهو عنده أخوات بس معروف المرأه كلها أسرار وضعها وهي بالدوره تكرمون والحمل كيف يتعبها وكيف تتعامل معاها أشياء كثير بتفيدكم وبتخليكم تبدون حياتكم بدايه إن شاءالله صحيحه
..
المراكز اللي أعرفها تسوي دورات مثل كذا
دار آسيه و مركز مطمئنه لل د: سليمان الحبيب
..
وإذا ماتقدرين تحضرين أشتري كتب تنورك تفتح عينك عن أشياء بالرجل ماتعرفينها
مهما كنتي تتعاملين مع شباب الزوج غير
فيه كتاب الرجال من المريخ والنساء من الزهره
رايق ومفيد بس عيبه أختلاف البيئات والمجتمعات بينا بس يظل مفيد جداً
ولو حبيتي ك فكره حلوه تقرين الكتاب وبقلم تخططين الأشياء الصحيحه اللي تخصك وتهدينها إياه تختصرين
له وإذا عجاز ومايحب يقرا مثل اللي عندي تصيرين سهلتي عليه وعطيتيه المفيد
ولاتنسين الإهداء له دور طريقة كتابتك له وتبريرك للهديه لأن كثير رجال تفكيرهم وش قصدك إني جاهل ومن هالحكي

تعطير الفم

قبل تجهزين جهازك .. جهزي نفسك
اقول مبروك لكل المخطوبين..وعقبال فرحتهم الكبيره..يوم ما يتزوجون على سنة الله ورسوله..
مبروك لكل شاب وبنت جمع بينهم النصيب..وبدأو في رحلة تأسيس شركة زواج ناجحه باذن الله..
وندعي لهم جميعا..بظهر الغيب بالتوفيق والسعاده والرضا وبالذريه الصالحه مستقبلا..
وبما اني انثى .زي ماهو مكتوب في جوازي ...راح اوجه موضوعي لبنات جنسي..المقبلات على
الزواج..وطبعا حتى اللي ما انخطبن
يعتبر استفاده..واضافه ..لهم..فان شاء الله نستفيد منه كولنا..
وطبعا ماراح نتكلم وين تروحين تسوين برنامج العروس..ولا من تحجزين من الكوافيرات..ولا احسن مصوره...
ولا فستان العرس ابيض ولا ديرتي وايت....ولا راح نقول روحي السوق الفلاني..ولا المحل العلاني..
لالالا...
هناك ماهو اهم...
الاعداد النفسي...
شخصيتك..
تصرفاتك .
ردات فعلك..كل هالامور كيف بتصيغينها بعد الزواج..
وش اللي ممكن تطلبينه من نصح وانتي تدخلين لعالم جديد ..مع انسان تجهلينه
(حقيقه..حتى لو سولفتو اليين توالي الفجور في الخطبه..لايهمك..الركّ بعد الزواج..الرك على الحياة الواقعيه )
اضافه لانخراطك وسط مجتمع غريب..ماهم اهلك ولاتربيتي معاهم..وتجهلينهم...
كل هذا يسبب ربكة للبنت..وتساؤل..وضرورة تحضير نفسي....وعقلي..وسلوكي..
لا تقولين باخليها زي ما تجي تجي.
او بتعامل بالبركه..
او على سجيتي..
ما اظن هالتفكير صحيح او عقلاني...
على سجيتك مع ناسك اللي اتربيتي معاهم وعرفتيهم..بس كانسان اول مره تعاشرينه ومجتمع اول
مره تتعاملين معاه..التعامل بالبركه وبالسجيه..فيه نوع من قلة الخبره والسذاجه..والتخبط..وعدم النضج..هذا رأيي
انا حاكيت وتناقشت مع متزوجات من وقت قريب اقلّ من سنه..ومتزوجات من شي خمس سنوات واكثر شويه..
ومتزوجات لهم فوق العشر سنوات...يعني تدرجت في نقاشي ..في مستوى الخبره..طبعا فوق هالمستوى الخبراتي اعتبرهم عجز ..وما ادخلتهم في بحثي..
وطبعا اضافه لفهمي انا ورؤيتي الحاليه...طلعنا بعدة نقاط..واتمنى بعد البنات سواء المتزوجات او اللي لسه محمضات. .قصدي لسه على البر..
يفيدوننا برؤيتهم ونظرتهم وخبرتهم ان وجدت...واذا بضرب امثلة او رواية مواقف ترى بيكون احسن واكثر فائده... ..
طبعا من ناحيتي انا صغت لكم نقاط ..تعالو معاي :
1_الغموض.مطلوب..ويساعدك على تكوين شخصيه وتعامل على مستوى عالي من الجاذبيه والاحترام والهيبه والمحبه ايضا .
لا تفكين شفرة شخصيتك لزوجك من اولها..اكثرية المتزوجات يقولون كذا...الا كلهم.. ..واللي اندلقت على رجلها من اولها وخرتّ كلبو الاشياء ..
وصارت كتاب مفتوح..وافصحت سواء بالقول او الفعل عن نقاط ضعفها امام زوجها..عودت وتحسفت وقالت ليتني كنت ثقيله..
ولكن ما ينفع الصوت الى فات الفوت .
ويجي سؤال هنيا..يعني كيف اصير ثقيله..ولا ابين نقاط ضعفي..للزوج او اهله..
دلوني..نقول..هذا يرجع لكل وحده وشخصيتها وتكوينها..وثقافتها..وذكائها..اهم شيء..
2_ لا تستفزين من اية شيء...فعلا..لا تستغربين...كوني هادئه وضابطه ردات فعلك على الاخير.. .
هالكلمه قالتها لي وحده واعجبتني جدن..لا تتركين سواء للزوج او احد من اهله يستفزك..حتى لو ماكان يقصد ..
لان استجابتك للاستفزاز يكشف عن حساسيتك لامور ما..قد يتخذها الطرف الاخر نقطه
يدق فيها على الوتر الحساس..كلما دق عودن حصاة ..مستقبلا..
3_ لاتعودين زوجك على شيء في اول مراحل الزواج.ثمين تهونين بعدين..لأية عذر...مثلا تكتشفين انك
ما لقيتي اللي تتوقعينه منه.او حسيتي ان اللي سويتيه في البدايه ما جاب نتيجه..ترجعين وتغيرين طبعك
وتقطعين طبع او شيء اتعود عليه منك..ترى هذا شيء مو سهل ويهدم كثير من العلاقات..افضل شيء...
ترسمين خط في التعامل يبدأ بالتدريج مع زوجك..حبه حبه..يعني لاافراط ولاتفريط..عشان ما يلومك مستقبلا
اذا اتخليتي عن بعض تصرفاتك او حركاتك اول الزواج... .
وخلي هالتدرج مناسب لما تجدينه من زوجك وما يتلائم مع شخصيته..اريح لكم اثنينكم..
4_كوني من البدايه ذات شخصيه واضحه.وقويه...تقولين لأ وقت ما يلزم ينقال لا وتقولين نعم وقت
مايلزم ينقال نعم..يعني بالعربي..المجامله مرفوضه في اي شيء يتعلق بشخصيتك او رغباتك.. ..
في التعامل والاسلوب المفروض يكون هناك ذوق ونوع من المجامله..اما اذا جت على الشخصيه والاختيارات والرغبات..
فاعلنيها دايما واضحه وصريحه..ولا تظنين ان المجامله على حسابك شخصيا ان هاذي سناعه. .
لأن اذا كنتي من البدايه ذات شخصيه قويه وواضحه..راح يتعودون عليك ويحبونك كما انتي..ل
كن لو ادعيتي وجاملتي وسايرتي على حساب نفسك ..بيجي يوم وتزهقين..وتتخذين تصرف قد يشكل صدمه لزوجك او اهله ..
فيحدث نوع من الجفاء او التحفظ .وتتوتر العلاقه مستقبلا....فمن البدايه كوني واضحه..صادقه..
والكلمه اللي تستحين منها بديها على قولتهم..ترى والله الانسان الصريح والواضح
وقوي الشخصيه واللي يفرض نفسه لاحظت هو المحبوب والمحترم والمهاب.. .
لكن انتبهي مايعني هذا تكونين فظه..او ماعندك لباقه..فيه ناس تظن ان قوة الشخصيه او
الوضوح هو السلاطه والتهجم على الناس..غلط....قوة الشخصيه ووضوح معالمها
وتصرفاتها ورغباتها..ما يتنافى مع اللباقه وحسن الخلق والمنطوق..
5_ابتعدي عن تبرير اقوالك او تصرفاتك سواء لزوجك او اهله....ترى اسوأ شيء تواجه به ناس يعرفونك لاول مره..
تقعد تبرر لهم تصرفاتك او كلامك حتى لو كان تصرف عفوي منك..لان هالتصرف يهزّ شخصيتك ويضعفها..ويعطي انطباع مو كويس.
اضافه الى ان يجري الناس عليك.لا شعوريا ويجعلهم يتمادون..حتى لو بحسن نيه...ويسقط من مهابتك.. ..وخل اضرب مثال :
عروس انعزمت بمناسبه..مع حمولتها..زواج او عزيمه..المهم وصلت متأخره..وبدت تسلم..ممكن وحده من حمولتها _عن حسن نيه_
تسألها وهي توها تحبحب الحريم ..هو..وراتس صيفتي..قلنا عسا ماجاهم شيء الله يكفينا الشر..
انتبهي.تقعدين تجاوبين وتبررين وانتي مستمره في مسلسل الحبحبه.. ..منظر سيء ومهزيء لك على الاخير..
ويخرب الشخصيه مرره..(لأني شفت هيك موقف لايف ) تقولين وش اسوي؟ ولاشيء.لاتردين وواصلي السلام بهدوء وابتسامه ناعمه..
ولاكن احد يحاكيك وصدقيني هاللي تسأل بتشوفك سافهتها بتسكت ..
حتى لو جلستي وعاودت تسأل: ابتسمي..وقولي : ابد..راح علينا الوقت..واختميها بابتسامه ووجهي نظرك للجهه الثانيه ..
طبعا هذا مثل عادي وبسيط.بس جبته لتقريب الفكره..
6_لا تنبهرين امام زوجك لأية شيء..اتقبلي كل شيء بشكل طبيعي..خلي عينك مليانه. .دايم ردة فعلك خليها تكون طبيعيه.
مافيها مبالغه في الشكر والعرفان والفرح..ولا تكونين بارده.وفاتره ايضا....او تسوين فيها ماهمك..
الاعتدال مطلوب..والذكاء الاجتماعي مطلوب هنيا بالحيل
7_انتبهي ثم انتبهي ثم انتبهي.من الحوارات والجدل مع زوجك..صدقيني مامنها طائل...
قلنا في البدايه هناك خطوط للتعامل المفروض ترسمونها مع بعض من الخطبه..واتعاملي من اول يوم باسلوب التدريج.
لاتجين كلبوك...ومن هنا بتكون الامور واضحه ولا انتو بحاجه للجدل والحوارات الطويله..(حتى لو كانت وديه)..
اللي تختلفون عليه وتحسين انك شديتي او هو شد..اقطعي الموضوع على طول..واجعلي حديثك فيه بعد فتره من الهدؤ..
صدقيني تكون مكاسبك اكثر. .دايما اوحي لزوجك انك تكرهين النقاش والجدل..وتفضلين وضع نقاط محدده .للتصرف.بدل اسلوب( رده هاته) ..
اذا كان فيه شد او وقفة نفس.خليها تعدي..ولا تحاولين تناقشينه بزعمك عشان تتفاهمون وانتو في عز المعمعه. .
خلي فتره من الهدوء والتفكير تمر فيك وفيه..ومن بعدها بتتفاهمون بطريقة اكثر سلاسه وبدون جدل وكثرة حكي وقلبة رأس .
8_اذا تبّين لك ان زوجك من النوع العصبي اللي يطول لسانه ويصارخ عند الاختلاف والخلاف..لا تطاولينه ولاتردين..
نصيحه اخويه مافيه شيء يروض الرجالّ..الا السفه وهو في عز غضبه. .لان الغضب زي النار..كلما جاريتيه يزيد استعار..
خليه يبدأ يصارخ ..ولا تردين حتى لو طالبك بالرد..اسفهيه.وبتلاحظين انه تخف حدته ويضعف منطقه تدريجيا..
منه اليه بدون بذل اية مجهود منك..واذا خلص.كلها فتره قصيره وبيندم ندم..ما تتصورين قد ايش..وبيجيك نادم ومعتذر عن مابدر منه..
لا تقولين ارد عليه اخذ حقي..لالا..خليه هو اللي يجيب اقصى ماعنده.وانتي اطرقي بعيونك الحلوه الى لارض..
ولو حصل كم دمعه صامته تمسحينها بسرعه..ترى تأثيرها يهد جبال ..
واذا قالك ليه ماتردين علي تو وانا احاكيك.قولي: ما اتعودت احد يحاكيني كذا او احاكي احد بهالحاله اللي كنت فيها..
خليه اسلوبك اللي تعودينه عليه.. .بس لا اوصيك بعد ما ينفض كيسته من الصراخ ويجيك نادم..يعتذر..لا تفقين الكشره وتقولين سامحتك.
هنا عاد لعبتك..عاتبيه..وأنبيهّ..وكوني واضحه وحطي النقط فوق الحروف..وطالبيه بعدم تكرار ماحدث ..والا راح يكون هالشيء ف
ي غير صالح علاقتكم واستمراركم مع بعض..(خوفّيه )هذا هو اللي يعدل الشخص النزق العصبي.ويروضه .
9_اصحي يبان عليك الزعل او كسرة الخاطر او الاهتمام لو زوجك بقصد او غير قصد انتقد شيء في شكلك او لبسك..او جسمك..
اتقبلي الأمر بروح مرحه وابتسامه ولا كن انقالك شيء...ولا تعاتبينه او تسرعين من تعديل ما انتقده..ترى الرجل احيانا يقول كلام مايعنيه هذا اولا .
ثانيا مو حلو يكتشف انك تنهزين لأية نقد لشكلك او حكيك او لبسك..الرجل يحب البنت الواثقه من نفسها.
لانها بالتدريج تجعله يعجب بشخصيتها الواثقه ويؤمن بهالشيء وماعاد يشوف عيوبها
ولا ينتقدها مستقبلا ويبدا يتشكل ذوقه حسب ذوقها هي ونظرتها للامور ولاشياء..
وينطق بلسانها لاشعوريا(الله يسخر لنا يارب ).والعكس صحيح
لو قلتي مثلا له على سبيل الدلع المحمض <<<== كل شيء عندي محمض ..مثلا قلتي. بذمتك يا حوبي مو انا قمر وملكة جمال؟
ممكن يرد عليك : ايوالله ماعليك قاصر بس لوك اطول من كذا شوي كان كامله والكامل وجه الله .مو تمتقعين ويصوفر وجهك..
وتبان فيك الشرهه ..ولا تقولين له: وش قصدك انا قصيره؟ عاد من طولك انت ولا زين جسمك..ولا تقولين بغباء: لا مانيب قصيره..
حراام عليك..قل والله انا قصيره.؟. ..فيقعد عاد يرقع ويدور حكي يمين وشمال عشان يعدل من قسوة كلامه عليك .
عادي..اتقبلي الكلام برحابة صدر .ولا تتوقفين عند هالنقطه...وقولي له مثلا: ياحبي لك..الله يحلينيّ بعيونك كمان وكمان.. ..
ولو مستقبلا جات لك فرصه للكلام.بس بعد مده من هالموقف حاولي تبينين انك ما تحبين شكل البنت الطويله..
وانك تحبين البنت الوسط..تكون اكثر انوثه واحلى(يعني كلي بعقله حلاوه ).وقولي: وع ما احب البنت تكون طويله.
تعطي انطباع بالاسترجال عندي..حلاة البنت صغيرونه ولا وسط زي اللعبه..مهوب كنها لاعب سله الحمدلله والشكر .
ترى فعلا بهالطريقه تعملين له غسيل مخ وبيتشكل ذوقه تدريجيا بذوقك..وبتعجبينه اكثر كونك واثقه من نفسك
وكونك انسانه مرنه ولينة الجانب ومو نكديه كل كلمه عندها بألف معنى وتفسير
10_اصحي تدخلين حياتك وانتي فاهمه انو الزواج هو انك تكتمين نفس الرجل وتلزقين له..وتخضعينه للتحقيقات..
وينك؟ ليه مادقيت عليّ؟.ليش تو تلفونك ويتينق ؟ ليه ما عزمتني برا نتعشى ؟ لا تطلع..لاتسهر..لاتخليني لحالي ..
لاتتاخر..وان تاخر ربع ساعه عند الشله..قعدتي تدقدقين عليه.عيب..عيب تبانين انسانه بغيضه ونكديه. .وغيارهّ
.تمللينه منك..حتى لو ماقال..خليه يتصرف في هامش من الحريه ..هذا اللي يجذبه لك اكثر ويرغبه انه يجلس وياك.
ويحب وقته اللي يقضيه وياك...لا تصدقين ان كثرة اللزقه والمقابل لبعضكم حب وسعاده وتفاهم..الا ملل ورتابه..وضيقة صدر...
ترى بعض البنات توصي بعضها بوصايا دماار..كلها تصب في الالتصاق في الزوج وكتم انفاسه..ومراقبته...تحسب
انها كذا مسكته وملت يدها منه وهاذي والله اول اشارات هروبه منها مستقبلا..
انتبهو يا بنات..لا افراط وتفريط..
يمكن هالنقاط وغيرها ..ترسم لك شخصيه ناجحه في ادارة حياتك الزوجيه..باذن الله

مصاريف مابعد الزواج
اذا كان لك دخل مادي .. راتب من وظيفتك أو مكافأة دراسية ..
هل تشاركون أزواجكم فيها بعدين ؟
يعني تساعدونهم بمصاريف البيت والاجارات وكذا ؟
يعني حتى لو كان قادر على حمل هالمصاريف لحاله ؟
<< أقصد ب قادر ،، يعني مو مرتاح جدا ماديا ،، لا معناه راح يقدر يغطي المصاريف بس احتمال مايبقى من راتبه شي يوفره لبعدين يعني !!
طيب الزوج ملزوم بالصرف على زوجته حتى لو كانت مو محتاجة !
لو أنتي عرضتي على زوجك المساعدة المادية ،، مو مشكله هذا قرارك واختيارك !
بس لو هو طلبها .. ايش موقفكم ؟
خلينا نبدأ وحده وحده .
أولاً / الآجارات :
أنتِ مو ملزومه بسالفة الآجارات لأن هذا على الرجل ولا يختلف عليه اثنين , لكن في حالة وصل زوجك لمرحلة ما يقدر يسدد الآجار هل أنتِ بقرارة نفسك تعتبرين إنه من الإنسانية إنك تتركينه يتديّن مبلغ و أنتِ عندك مبلغ تقدرين تساعدينه فيه ..؟
ثانياً / مصاريف البيت :
إذا أنتِ طالعه مع زوجك تشترون أغراض البيت بديهي ما راح تدفعين شيء , لكن أحياناً مثلاً ينقص 15 ريال و هيك ما يكون معاه كاش يضرّ مثلاً إنه تقولين له لا تسحب بالكريدت معي 15 ريال ..؟
أما أحياناً تكونين طالعه بروحك تشوفين صحن حلو طقم للبيت حلو هل تبخلين على نفسك فيه بحكم إنه لازم يدفعها زوجك ..؟
ثالثاً / مصروف الزوج ع زوجته :
هذا ملزوم فيه شرعاً , لكن فيه زوجات معاهم راتب أو ماعليها ماديّاً ف ماتبي تكلّف على زوجها تقول له مستغنيه عن المصروف .
رابعاً / مساعدة الزوجه لزوجها برضاها :
أتذكر وحده زوجها نهاية الشهر ما يصير معاه شيء ينتظرون الراتب ينزل و هي مو موظفه ولا شيء , و لا عنده رصيد مدخرّه , و عليه التزامات من بعد الزواجات بما يقارب ال 80 ألف .
كان يعطيها كل شهر 1000 ريال مصروف و يقول لها الآن حاط لك ليميت معيّن لغاية ماتتحسن الظروف .
تقول يتقطّع قلبي كل ما يعطيني لأن ما ودي يضغط على نفسه و أنا مو محتاجه مرره أقدر أدبّر نفسي باللي عندي مو ضروريأجدد كل شيء .
كانت تخبي 500 ريال برصيدها و 500 ريال تخليها للصرف لو احتاجت , تقول جمعتهم لغاية ماوصلوا مبلغ محترم قامت سحبت المبلغ و عطته زوجها حتى يسددّ جزء من الإلتزامات اللي عليه .
تقول لما عطيته المبلغ تفاجأ وصار يسأل من وين لك و كذا , قالت له التفاصيل تقول ما أخذ منهم ولا ريال قال خليها عندك ووقت الأزمه نحتاجها خليها زي العون لنا بعدين .
خامساً / مساعدة الزوجه لزوجها ب طلبه :
الرجال يختلفون و مو كلهم زي بعض في رجال مستحيل حتى بالشديد القوي ما يطلب مساعده من زوجته , و رجال لو مره تأزمت الحاله طلب المساعده , و رجال 24 ساعه يبغى زوجته تساعده .
- الرجل المستحيل :
ممكن تعرضين عليه لو حسيتِ إنه الأزمه مره شديده و مستحيل يعديها بسرعه بدون مساعده .
و احرصي دائماً إن الأزمات الماديّه تعدونها بأسرع وقت ممكن حتى لو تطلب ذلك مساعدات منّك لأن الأمور الماديّه هذي الأيام مره صعبه عند الجميع .
- الرجل الوسطي ( ممكن يطلب مساعده في حال احتد لهذا الشيء ) :
إذا زوجك من هالنوع و طلب منك أول مره ساعديه , إذا أنتِ عارفه إنه مو من النوع اللي فلوسه تطير بسرعه على ولا شيء .
لكن إذا هو من النوع اللي يطيّر فلوسه بسرعه لا تساعدينه بإنك تعطينه مبلغ لا .
ساعديه بإنك تقدرين تقسمين له راتبه من حيث :
قرض مثلاً لو عنده / إدخار / مصروف / قضاء دين لو عنده .
- الرجل كثير الطلب :
مع احترامي بس مو رجّال , بما إنه مو قادر يتحمّل مسؤوليه ليه يتزوج ..؟
هذا أرى من ناحيتي إنه ما تساعده زوجته بصوره سهله , أول مره ممكن تساعده و ثاني مره ممكن , ثالث مره تحاول ترتب معاه راتبه ما مشى على هالشيء ولا تاب و هيك و هيك , خلاص أنتِ مو ملزومه , بس انتبهي انتبهي إنه يتديّن من ناس .
ممكن ياخذ قرض و البنك راح ياخذونه من راتبه لكن من الناس راح يتعوّد و يستمر و يجمّع دين على دين و الله يستر .

الغسول المهبلي
ياحلوات ..
بخصوص ( الغسول مهبلي ) وهالحركآت
نصيحة ابتعدوا عنها .. وممكن تستعينو بدالها بالمويا والملح .. ومره بالشهر فقط ...
بقولكم شي عشان تفهموآآ
الان يوجد بكتيريا طبيعيه .. بالمهبل .. واخرى بِ عنق الرَحم
الغسول المهبلي .. يضخ الغسول + الاشياء الي موجوده في المهبل الى فوق .. اي الى عنق الرحم
وهذا الي يخلي كثير بعد الزواجات يراجعو دكتوره النسَآآء يشتكو من الالتهابات والأآآلام
سبحان الله ربنا لمن خلق الاعضاء حماها كمآآن
فخلق هالعضو مفتوح الى الاسفل عشان الاشاء تخرج منه .. وخلق فيها افرازات تنضف المكان وتخرج الى الخارج
نقوم احنا نجيب اشياء وندف الي خارج الى الداخل ...!!
فاهميني ؟
ترااه كلام دكتوره نساآآ .. نصحتكم لاني خفت عليكم وانتو زي اخواتي ..