زبت جوجوبا

من يومين كان فيه برنامج على الفضائية وكانوا جايبين خبيرة تجميل متخصصة فى الشعر واتكلمت عن فايدة الزيوت للشعر زى الزيتون واللوز وغيره
بس قالت انه فيه زيوت مش معروفة بس فايدتهما كبيرة ومنها زيت جوجوبا
قالت بتجيبه من اى عطار كويس وقالت عن فايدته :
انه بيشيل القشرة اللى بتبقى على فروة الراس بسبب الشامبو او اى اسباب تانية.. خاصة ان القشرة ديه بتمنع من وصول الدم والتغذية للشعر ... ( هى قصدها على القشرة بكل انواعها ) المهم قالت ان الزيت ده بيشيل القشرة وبالتالى الدم والتغذية بتوصل لفروة الراس وفى نفس الوقت مش دهنى وبالتالى مناسب لكل انواع الشعر لان فيه ناس مش بتحب يكون شعرها عليه اثر زيت ويبقى دهنى
نتيجة استعمال زيت جوجوبا
انه بيغذى الشعر وبيمنع تساقطه مع الاستمرار عليه وبيشيل القشرة وبيمنع تقصفة وبيخليه صحى
طريقة الاستعمال
انك تعملى مساج لفروة الراس بالزيت فى حركات دائرية لمدة ثلث ساعة وبعدها تدخلى تغسلى شعرك
بالنسبة لو شعرك متبهدل اوى ومحتاجة نتيجة اسرع يبقى مساج بالزيت يبقى كل يوم وتسبيه وممكن تغسليه او لو عايزة تسبيه من غير غسيل مفيش مشكلة لانه ملهوش ريحة ولا اثر دهنى
انا لسه حاجربه ولسه حاشترى الزيت بس حبيت اقولكم عليه