زفات لااحلى عرايس

1. انا سحرتني مدري وش سوت فيي ههه


2. وكلكم البسوو زي بعض..ودورو لكم اغنيه حركات وارقصوو عليها..


3. وترى كل ماكانت الحركاات عفويه كانت الزفه احلى

هلا حبيبااتي
انا عندي افكار حطيتها من قبل في المنتدى وبحطها اللحين للي ماقراها وبزيد عليها بعد
وان شاء الله تعجبكم _ تسون زفه فتيات اول بنات يعني .. تدخلون صاحباتها وخواتها كل الصبايا وهي بينكم مميزه ,, وتخلونها مثلا تحمل قرآن بدل الورد ..
او مثلا قبل ما تدخل تخلون اسماء الله الحسنى كلهم وتدخل بنوته بالقرآن وبعدين تدخل العروس على زفه لطيفه ..

• شفت والعروس تمشي عالممر تطفي شمووع طول الممر لين توصل للكوشه .
• بناات يوقفوا على جنب الممر او الجسر صديقاتها مثلا و يفقعوا هذي العلبه الا داخلها زينه وهي عابره ماادري ويش اسمها العلبه و فيه بعد يمسكوا شمس الليل تطلع حركات اوو ورد مقطع
• في ناس يسوو عرض قبل ماتدخل العروس تقريبا 3 عروض كل مره بزي غير .. طبعا بنات
• وفيه بعد شاشه العرض الا يحطوها قبل ماتجي يعرضوا فيها صور العروس من يوم هي صغيره الى خطوبتها ويعرضوا عبارات حلوه
• في وحده دخلت اختها قبلها واختها كانت لابسه لبس ساحره!!..بس يهببل وماسكه عصاه وتدور عالصاله والموجودين وتسحرنا بذيك العصاه

انا سحرتني مدري وش سوت فيي ههه

وبعدين وصلت عند كرسي الكوشه واشرت بعصاها وطلعت العرووس...مره حلوه الفكره

• في بعد ساعات الي يدخل العروس يكون اخوها يوصلها ويتقلقل يطلع او ساعات يرقص معاها بعد
• في حركه حلووه شفتها ان العروسه اول ماتوصل ع المسرح يطيح عليها ورد مجفف من شبكه تترتب تبع الكوشه (يعني وحده تسحب خيط او شيء كذا وتنفتح الشبكه شوي شوي يطيح الورد بطريقه حلوه ) وهي الحركه بتكلف العروسه لان تترتب كاضافه تبع الكوشه
• في حركه عملناها في زواج قريب ان قبل ماتدخل العروسه في بنتين (مو أطفال طبعا كذا اعمارهم 16 او 17 )دخلوا بلبس اميرات كامل والموديل كان مره حلو ورااقي "وشاح الاميرات وتاج وعصايه حسب الي اذكره" وحطوا لهم موسيقى ملكيه كمان مره حلوه جايبين الشريط من بره كانوا ويبي لها لكن بنات رزه يتقنوا الدور مايطالعوا في الناس مثلاً واهم شيء مو مرابيش خ ..
• و لو تشوفون لكم كم بنوته ويعملووا شااوو على اغنيه محدده وبرايي عراقيه بحكم انه الدارج سوقه هالايام خ سواء دبكه او مثل الحركات الي بالفيدبو كليبات والبرتقاله ماتقصر خ يمدي تقتبسوا لكم كم حركه بشرط ان يضبطووها لان الشااوو تعرفي كفكره مو جديده طبعا لكن الحركات لو كانت حلووه ومتناسقه ومضبوطه تماام هي الي راح تقيم الشاوو ...ولو جربتوا وما ضبطوا لا تغامروا كنصيحه ...
• الحين طالعه موضة الياباني.

اشتروو اليكم حق الزفه انتوو البناات..قماش يابااني..المتر 10 ريال هيهي عشان لاتفلسوههه

وكلكم البسوو زي بعض..ودورو لكم اغنيه حركات وارقصوو عليها..

وترى كل ماكانت الحركاات عفويه كانت الزفه احلى

• وتقدر تحط العروس ضمة ورد بسلة وترقص وتوزع الورد على الاحباب وبالاول عريسهاا
• وتقدر تعمل ملبس وحلااوه وطبعايكون مزين ومرتب وترميه على الناس
• وتقدرتعمل رقصة خاصة لهاا ولصديقاتهاا بالشموع هم يكونوا ماسكين شمع صغير وهي شمعه كبيره ...طبعا لازم يكون مزين الشمع...بشرايط او أي شي
• العروس قبل تدخل تدخل اخوانها الصغار عمرهم سبع وثمان سنين وتلبسهم لبس البحارين الوزار واغنيه حقت اهل البحر يمكن سمعتيها بالمسلسلات القديمه والكوشه والمسكه على شكل صدفه وقواقع والصدفه مفتوحه وطالع منها نور وورد تجن روعه
• وفي حركه حلوه بس ماادري يمكن قديمه وهي انه تدخل بنت صغيره بس مو واايد صغيره مثبتين بأكتافها

قماش طويل ويزفونها ويرشون ورد على ذا القماش لين توصل الكوشه وبعدين
فكوا القماش ونزلوه على الأرض ويطلع ذا القماش الي تمشي عليه العروس

• وهذا رابط حق موقع لاغاني الزفاات

http://www.zefaf.net/Music.htm
http://www.**********/33.html
وهذا كل اللي عندي اتمنى انها تعجبكم
دمتم بوود