زواجي قرب ساعدوني

1. كيفكم بنات


2. حاسة طلبي مستحيل

السلام عليكم

كيفكم بنات

زواجي خلاص قرب والنفسية لكم الله في الحضيض ، احس اني مرة خايفة وبطني تعورني ،بس مو هذا موضوعنا
الموضوع اني ان شاءالله بروح خلال الفترة دي اصبغ واقص شعري ، انا عارفة ايش الصبغة اللي ابغاها والقصة كمان ، لكن المشكلة في الفلوس معايا بس 800 ريال ومو مشكلة ممكن اهلي يغلقولي فلوس حوالي 200 ان احتجت ، بس السؤال هل تكفي 1000 ريال لصبغ الشعر ؟؟؟ لأنه شعري ماشاءالله تبارك الله طويل الين المؤخرة ، وانا بسويه هايلات ولازم طبعا اصبغ الارضية ، بس خايفة الفلوس ما تكفي ،،، في بنات هنا حطوا ارقام كم وحدة تصبغ بالبيت بس ما ارتحت وحسيت الموضوع دعاية مو اكثر، وبصراحة ياخذوا فلوس وهم مو ذاك الزود في الصبغ ولا هم شطار يعني كمان بخاف على شعري منهم ، عشان كدا بنات ساعدوني فين اروح اصبغ صبغة حلوة وماتخرب شعري وفي حدود 1000 ريال

حاسة طلبي مستحيل

بس سبق رحت صالون في التحلية بلاش اقول اسمه، شفت على الحرمة اللي تصبغ الشعر صبغة تاخذ العقل ، قولتلها لو ابغى زي صبغتك بالضبط بكم على طول شعري ؟؟ قالت 900 ريال ، انا فرحت ، فلما شافتني فرحانه راحت قالت بس لازم تجيني كذا مرة اسويلك كذا صبغة على فترات عشان يطلع اللون المطلوب، حسيتها نصابة وتبغى تسحب فلوس ، فبطلت منهم ، لأني اكره السرقة واستغفال الناس
عشان كدا اتوقع انه ممكن في صوالين تسوي بسعر حلو بس المشكلة ما اعرف فين ،، طبعا انا من جدة
الله يسعدها اللي تدلني على مكان حلو ، وعادي لو كانت تعرف اصحاب المحل او هي تشتغل عندهم ، بل بالعكس ياليت تتوصالي واكون ممنونة لها
الله يوفق وينصر ويبارك ويسعد اللي تساعدني