زواجي قريب وراح اموت بليز بليز تساعدوني لان عندي تسائولات كتيرة

1. السلام عليكم ورحمة الله وبركاتة

السلام عليكم ورحمة الله وبركاتة

اخواتي انا مشتركة جديدة با هل منتدى الرائع وحبيت اخد رايك واستشيركم انا من المدينة وزواجي بشهر محرم ولي الان ما خلصت لان كل ما انزل السوق ما القى اشياء حلوة وبصراحة شايلة هم مرة وحالتي النفسية واصلة حدها موعارفة ايش اعمل انا تقريبا الشي الوحيد الي جبتو وخلاص ملابس النوم وفساتين بسيطة يعني حقت سهرات خفيفة والشوزات الله يكرمكم وشويت شنط لان باقي شنط مع الشوزات يعني البقها مع بعض ولله انا محتاسة حاسة انو لسى باقي لي اشياء كتير يعني ملابس للزيارات وملابس البيت وعبايات وعطور ومكياج والطقم تبع الحمام الله يكرمكم والملابس الداخلية (ازمتي ) من زمان متعبتني فااتمنى منكم تنصحوني با الاماكن الي با المدينة ممكن اروحها والقى فيها اشياء حلوة با الزات الملابس تبع الطلعات ولله ما اشتريت ولا واحد وانتو زي ما تعرفوا بعد الزواج تكتر الطلعات والعزايم
والشي التاني انا بعد الزواج راح اسافر ومو عارفة ايش اخد معايا مسلن ملابس ووحجاب وكدا
كمان شي تاني اسفة راح اتعبكم معايا انا سمعت عن التفتيت الحراري للدهون او( التكسير الحراري) وحبيت استفسر عنة كيف وهل في احد جربة ولو كويس اقدر اعملو في اي مركز او مراكز معينة ولو مراكز معينة ياليت تعطوني اسمائها وبس ادري كثرت اسئلتي بس استحملوني وطولو بالكم عليا
ساعدوني واعطوني اقتراحاتكم وافكاركم وحطو كل مجهودكم معايا الله يسعدكم ولكم مني جزيل الشكر ولله يجزاكم كل خيرويجعلة في ميزان حسناتكم يارب