زوجه مع وقف التنفيذ

السلام عليكم ورحمة الله وبركاته
والله ترددت كثير اني اطرح مشكلتي بس تعبت والله تعبت
وقلت مالي الا الله ثم اخواتي الفراشات مابي اطول عليكم
توني متزوجه قريب يعني لي سنه ونص
((( متزوجه مع وقف التنفيذ )))
زوجي وجوده مثل عدمه
ماله اي تاثير الا بالامور السلبيه
قبل الزواج كان حيل معجب بشخصيتي وتفكيري واسلوبي
وهالشي ولله الحمد بشهادة الجميع يعني كان طاير فيني ومو مصدق اني وافقت عليه
تزوجني عن حب وبنفس الوقت يسير قريبي
هوطبعا هادي وروتيني لدرجه غير طبيعيه24ساعه ماعنده اي سالفه
ولا اي شي جديد لاتقولون كل الرجال كذا
لان كل اللي يعرفه يلاحظ هالشي بصوره مو طبيعيه
وقبلهم انا لاحظت حتى لما نطلع يوم خميس تلاقينه ساكت ونبرة صوته بارده
نايم ع طول يعني ممكن ينام من الساعه9الليل ويصحى الظهريرجع ينام
الين العصر ويصحى ويقعد يتثاوب وفيه نوم الين بعد صلاة العشاء
اروح اسوي عشا واجي والاقيه نايم
اضيفي لهالشي انه ما يفكر يجيني بالفراش!!!
والله يابنات اروابي اطالع فيها بالدرج واتحسر عليها لاني ما تهنيت بها
كم لبست ومايعطيني بال سويت له عشا رومنسي وشموع ولبست لبس اول مره يشوفه
اكل وراح نام
احس اني متزوجه ومو متزوجه
صارحته كم مره وما فكر بالموضوع بجديه
اساسا لمن نتناقش حتى بمشاكلنا ما يرد يسكت!اقسم بالله ما ابالغ
تفكيري غير وتفكيره غير
الشي اللي يجي منه وشاطر فيه انه يحاول يهز ثقتي بنفسي ما يبين اعجابه بي
اوبلبسي اويتغزل او اي شي من هالقبيل ما كانه الانسان الاول
يعصب ويثور لاتفه الاسباب
والله تعبت ومدري اش اسوي
طبعا اول شهر الزواج كان يجيني بس مو كثير وانا كنت مستانسه
ابي الفكه وانتوا فاهمين ليش
يعني طول ما انا متزوجته نفس الوضع ما عدى اول اشهر الزواج كان اهون شوي
وانا صابره والوم نفسي اقول ممكن التقصير مني
واحاول ابدع واغير وما اياس لكن لاحياة لمن تنادي
اهتم بنظافتي الشخصيه حيل وبلبسي واحاول اكون متفاعله معه عشان مايمل
واغير من الاوضاع يعني احاول اني اسوي اللي يتمناه اي رجال الا ما حرم الله
ما اتوقع يكون له علاقات لانه بيتوتي ودوامه يتعب ما يمديه_والله اعلم_
سالته قبل كذا اش اللي فيني مايريحه عشان ينفر مني
بدون خجل طلبته يتكلم ويصارحني لكن اكد لي ان ما فيني شي يضايقه
ممكن مره وحده سالته
(((ماتلاحظ علاقتنا مو طبيعيه اش السالفه لك شهر ما جيتني ال3مرات

• _ولايفوتكم بعد ما المح له جاني __ قال مالي نفس اش يعني يابنات؟؟؟)))

لاتقولون نفسيا لان لو كان نفسيا ما اتوقع يستمر تعبان نفسيا سنه ونص بالعقل يعني؟؟؟
اوصل اوقات اني مو طايقته
بنات اتمنى اللي تقرا مشكلتي ماتبخل علي تنصحني او ترفع الموضوع (لوجه الله)
اسفه ع الاطاله تحيتي للجميع