زوجي العزيز أرجوك أخرج من البيت

بسم الله والحمد لله
السلام عليكم ورحمة الله وبركاته
كنت اشتكي قبل كم يوم لصديقتي ان زوجي ما يطلع لمكان ، من الشغل للبيت وبس وجهي بوجهه
يعني انا ولدي الله يصلحه يرضع مني وانا نفسي اكون مجهزه نفسي ومضبطه اموري ، وكمان نفسي بوقت ترفيه ، سواء على النت وما أدراك ما النت ، اقل شي اقل شي ساعه
وغير النوم والتلفونات والضحك مع البنات بالهرج والتخبيص بالبيت .. فيه اشياء حلوة ممكن تسوينها بالبيت وخاصه لو انتي رايقه او جايه من مكان وماخذه افكار
بس صديقتي تقولي لا تتكبرين على النعمه ترى فيه بنات والله ما يشوفون ازواجهم نهائي
زوجي الله يحفظه دوامه مثالي من 8-12 الظهر ومن 4-8 العشا
يعني بالبيت اكثر من الدوام ولله الحمد
وكل مره احاول اقوله بطريقه لطيفه اطلع وخلينا انا وولدي بسوي لي شغله بسوي شي ، يماطل ويرفض وبالنهايه يزعل وياخذ بخاطره وارجع اصالحه وانسى فكرة اجلس وقت اطول مع نفسي
وامس قلت له قوم روح لأي مكان اطلع اسمر مع اصحابك شوف العزبه اتونس معهم ، وبالنهايه تلميح من هنا ومن هناك قام وهو زعلان بالبدايه بس مشى الحال الحمد لله
وفعلاً رجع على 12 وحسيت اني مشتاقه له والله
فيه احد مثلي ؟؟ تشتاق تجلس لوحدها ؟واشلون تسوون عشان تطلعونه من البيت؟؟