زوجي بيسافر تركيا ايش اعمل تكفوني اشيروني

1. والله ثقتي فيكم كبيره يافراشاتي العزيزات

السلام عليكم ورحمة الله وبركاته
اولا الشكوى لغير الله مذله ............هذا شيء انا مقتنعه فيه .....لكن انا منزله مشكلتي هنا من باب ماخاب من استشار ونفسي اعرف انا على حق ام اني ابالغ

والله ثقتي فيكم كبيره يافراشاتي العزيزات

انا متزوجه منذ 11 عام لكن انسان جاف بكل ماتعبر هذه الكلمه انسان ماعنده مشاعر ولا حتى قلب وصابره عليه عشان اولادي حرام بيضيعو لو تركتهم وهو ظروفه الماديه على قده وصرت ابحث عن وظيفه من هنا وهناك حتى احمل عنه بعض من مصاريف الحياه الماديه والحياة الصعبه اللي اصبحنا نعيشها
المهم ويكتب ربي ان يرزقني بتعاقد لمدة عام والحمدلله استطعت من خلال هذا الراتب ان اوفر 90 %من متطلبات المنزل حيث كانت لدي غرفه غير مفروشه اثثتها من الى وكلفني ذلك فوق العشرة الاف وطلب مني ان ادفع عنه النصف من ايجار الشقه ودفعت 9 الاف من راتبي وانا كلي سعاده اني شلت عنه شويه وحسبت انه راح يثمر فيه
وانتهى عقدي وحوشت مبلغ في حسابي وصرت اصرف منه على شوي حتى مصاريف العيد كان يزوغ منها او يعطيني مبلغ زهيد ويقول دبري نفسك انا ظروفي صعبه
وقدر السنه اللي بعدها انه يجيني عقد لمدة فصل دراسي وكان رزق من الله لان فرح اختي كان بعد 4 شهور من عقدي وانتو خبركم في الافراح كم تكلف وهو من بداية ماتحدد فرح اختي قاللي لاتطلبي مني شي لان ماعندي اللي نصرفه الشهور القادمه ودعيت ان ربي يفتح لي ابواب رزقه وفعلا لما جاني العقد صرفت جزء من راتبي لمصاريف العيد والباقي لتجهيزات الفرح ورجع طلب مني تاني اني ادفع نصف الايجار عنه فقلته مايمديني كفايه انا شايله مصاريف الفرح من لبسي ولبس اولادي عنك ارحمني شوي حاول معاي مره واتنين وثلاثه لما شاف مني صدود هددني انه يسكنه جنب اهله واهله ساكنين بقريه وهو عارف اني مستحيل اسكن عندهم واظطريت اني ادفع عنه نصف الايجار اللي هو 9 الاف وماعمري حسسته اني صاحبة فضل عليه
وهذي السنه من اول الترم اقوله اسعالي في الوظيفه يقوللي انتي عمرك ماراح تتوظفي ومااخذ منه الا الاهانات والتجريح مرات اطنش ومرات كثيره ارد عليه وزعلنا يطول ويستمر ايام وهو مو فارقه معاه طول النهار برا البيت يفطر ويتغدا ويتعشا برا البيت
ولما جاني عقد في بداية الترم كسر الدنيا لما عرف انها قريه واني وافقت يقوللي انتي عادي تبيعي اولادك وبيتك عشان الوظيفه واصريت اني اروح واظطر انه يوصلني اول يوم للقريه اللي كانت تبعد 300 كم انفجع من المسافه الطويله وصار يكسر مجاديفي ويقوللي انا مستحيل اوديكي رغم ان هذا ك الاسبوع ماكان عنده عمل وجا تعبان ومنهك ويقوللي هذا وجهي اذا قدرتي تروحي لهالقريه وقدرت بقدرة قادر اني اتحدى كل الصعاب وصرت اروح مع المعلمات اللي يداوموا لهذي القريه .......ولكم معاناتي مع هذا الدوام المنهك اظطر اسهر مع طفلتي الصغيره لحد الساعه1 عشان ماتصحى بالليل وبعدين انومها وانا واصحى الساعه2ونصف واتجهز وتجيني السياره الساعه3 فجرا وامشي وانا قلبي مع اولادي اخاف يصحو بالليل وابوهم نومه ثقيل واوصل للمدرسه الساعه7 صباحا وطول مانا في السياره اتصل عليهم لحد مايصحو لمدارسهم وانا قلبي معاهم وهذي معاناة كل المعلمات وارجع بيتي مع اذان العصر ولما ارجع يكونواولادي شبعانين نوم يعني ماراح اقدر انا واقعد معاهم اذاكرلهم واعشيهم واجلس مع طفلتي الرضيعه لحد الساعه 1 ليلا وهكذا دواليك
يابنات 3 شهور وانا على هذي الحال واوفر نومي في السياره كله عشان مااقصر مع اولادي او معاه وعمري مااتذمرت ولا اشتكيت بالعكس سعيده لاني انسانه احب الحياة العمليه مهما كان فيها ارهاق
وهذا الترم انتهى عقدي وكان ممكن يروح يجددلي بس مايبغى لاني هذي السنه رفضت اساهم معاه في الايجار كثرت الضغوط عليه وماقدرت اساهم معاه مو بخل بس من جد مايبقى شي من الراتب السواق ياخد مننا 1500 والشغاله الحبشيه 1300 والباقي بيروح قطيات للممدرسه ولوازم ضروريه اخرى
عارفه اني طولت عليكم بالمقدمه بس مو هنا المشكله المشكله انه اليوم جاني وقاللي ابغى منك 2000 قلتله ليش قاللي انا كمان شهر وابغى اسافر تركيا ...........قلتله نعم وانا معاك قاللي لاطبعا مع اصحابي قلتله ماعندي ويوم ماراح تسافر برا اعرف اني حترك البيت ومستحيل ارجعلك قاللي مو مشكله اسافر وبعدين يصير خير المهم كلمه مني وكلمه منه وصار الزعل اللي دايما بيصير مو شي جديد .........المهم بعده طلبني للفراش طبعا رفضت احس اني مو طايقته ياناس انا وصلت مرحله ماعدت قادره اتحمله ............صار يسب ويلعن ويدعي علي بالمرض وان الملائكه رايحه تلعني ..............انا عارفه هالشي بس لو انتو مكاني ايش تسوو
ودمعتي من الساعه 1 الى هذي اللحظه ماكفت .............مع رجل مثل هذا كيف ممكن اتصرف ........لاتقولون سيبيه اكرهه بس مااقدر ماعندي مكان اروح انا واولادي فيه واهلي بيتهم ضيق وماعندهم استعداد يستقبلوني وانا ماعندي وظيفه ثابته اصرف على اولادي منها وهو يهددني باستمرار لو طلبت الطلاق انه حيحرمني منهم طول العمر ويسويها انا اعرفه رغم انه عمره ماحن عليهم .................اه احس الدنيا كلها مقفله بوجهي واللي ماعندها حل اتمنى ترفعو موضوعي بدعوه يمكن تصادف وقت استجابه بس رجاء لاتدعو عليه لاني مابغى اولادي يعيشو ايتام
انتظر ردودكم اللي اتمنى الاقي فيها الاشاره الطيبه واسفه اذا طولت عليكم