زوجي حارمني من النوم

1. بادخل في الموضوع على طول

السلام عليكم جميعا يافراشات والله ما تجرأت وكتبت هذا الموضوع إلا من اعجابي الشديد بالقسم

بادخل في الموضوع على طول

انا متزوجة من رجل يكبرني ب20 سنه من تزوجته هو حارمني من السفر معه او للخروج للنزهة كل شي اهلك يودونك صار لي سنتين متزوج وعندي بنوته المشكل مو هاذي بس هو انسان صامت معي جدا ما يتكلم فيه ايجابيات حنون كريم بس مهملني عاطفيا وجنسيا من بعد الولادة وهنا المشكلة صارت معاشرته لي بالنادر جدا والحين صار له شهرين هاجرني وبدون سبب مني والله اني جميلة وبيضاء ومهتمه في نفسي اكثر منه جلست تناقشت معه وقلت اذا عندك مشكلة روح للدكتور قال انا ما عندي شي الي قاهرني انه لما يكون نايم فجأة يقوم بسرعة ويدخل الحمام ويوقف على الغسالة ويرجع والاحظ فيه التغير .... اكيد عرفتوا قصدي ؟؟؟
والله تعبت نفسيا والله مو مقصرة معه والحين لا رجعت من الدوام طبعا بيتي وبيت اهله بنفس الحوش وانا بيتي دورين وتخيلوا ان ما فيه الا غرفة النوم فقط يعني مو مئثث البيت كل شي عند اهله حتى مطبخ عندي ما فيه يعني حتى بيت واستقرار حارمني منه (حسبي الله ونعم الوكيل )لما نرجع من الدوام نتغدى واروح بيتي وهو ينام بغرفته عند اهلة ولا يرجع بنام عندي بالبيت وبعد ما يصحى يخرج ولا اشوفه
انا اخاف اتطلق مو عشان اني باقي شاريه حياتي معه لا والله بس عشان بنتي ما ابي انحرم منها لان ما عنده احد بيربيها امه تعبانه واخته متزوجة وانا ما تحمل بعدي عن بنتي بس انا ابي الحل منكم الله يجزاكم الجنة والله ان الهم بلغ مني الشي الكبير
الحمد لله على كل حال
تزوجت لجل استقر واكون بيت واسرة اعف نفسي عن الحرام لكن حسبي الله ونعم الوكيل
ارجو ما اكون طولت عليكم