زوجي دايما يتشكي مني يقول اني حنانه وادعي المرض

1. السلام عليكم ورحمة الله وبركاته


2. انا دايما اداريه بحبي وما ارضى يزعل


3. ويقولي انتي حنانه وكلا


4. وكلا يجرح فيني ويحسسني اني ولا شي بحياته

السلام عليكم ورحمة الله وبركاته

خواتي انا تزوجت وانا عمري 32 والحين عمري 35 وانا الحمدالله متعلمة وشكلي الحمد الله يا رب تزوجت واحد مطلق وعنده اربع اطفال بس كلا عشان افتك من بيت ابوي ابوي كان عصبي جدا جدا جدا وما ا بي اتكلم عنه مات الله يرحمه عقب زواجي بخمس شهوربس سبب زواجي كان اني مو مرتاحه في بيت ابوي وطلبت من الله سبحانه وتعالى اني يرزقني بزوج حنون وطيب يعوضني الحنان ويأويني باسرة في استقرار واكون زوجه حالي حال البنات
تزوجت زوجي واكتشفت انه عصبي وزعول ويزعل من الهوا الطاير وما ادري مر في ظروف صعبه حيل بسبب زواجه السابق .
خواتي انا راضيه فيه بكل شي والحمدالله ما اتذمر مثلا من امور ما يطلعني ما يسفرني ما يزور اهلي ما يشتريلي ما عندي هالامور
اهو يحبني وانا احبه بس المشكله اني تعلقت فيه وايد واحس صرت ما ا ستغنى عنه من جذي قام يشوف نفسه علي لو يوم قال لي تحبيني وسكت يزعل وما يكلمني ويخليني انقهر
المهم انا انتوا تدرون الوحده لما اتيلها الدوره تتعب نفسيا وجسميا اهوو ما يقدر هالشي ويبيني دايما اضحك ومستانسه حتى لما ابوي توفى كان يبيني اضحك شلون اضحك ومن وين ايلي نفس حق الضحك يقولي انتي تغيرتي
لما حملت كرهت نفسي كلا يتذمر مني يقولي وايد حريم حملوا ما سوو الي سويتيه مع اني حالي من حال الحريم شسوي يعني اذا برجع اضحك ؟؟ ولا اذا ما قدرت انام طول الليل هل بيني مزاج حق الضحك ؟؟

انا دايما اداريه بحبي وما ارضى يزعل

المهم يبت ولدي ولله الحمد الحين كلا يتشكى مني يقولي انتي ما تشيلينه انتي ما تهتمين انتي وانتي لين ما حملت ومن اول يوم وانا حامل ينزل دم كلا يتشكى مني انا مو ذنبي ينزل علي دم وتعبانه نفسيا من الدم ومن حملي يعورني والله وسقطت بالشهر الثاني وما صارلي اسبوع نزيف وتبانه وخايفه وهم يبيني باعلا مزاج
انا ما اقولكم اني نكديه بس هم انا انسانه من لحم ودم اتعب وامرض .
امس رحت بيت امي وقلت له ابيك تفتك مني ومن حنتي انا بروح يومين عند امي عصب وزعل طحت عليه ابجي اقوله احبك مو عبرني ولا هامه دموعي

ويقولي انتي حنانه وكلا

وكلا يجرح فيني ويحسسني اني ولا شي بحياته

ما ادرري شقولكم غير اني مليت من هالحياه حياه العزوبية وايد ارحم لما كنت بمشاكل الاسرة والحبسه وايد ارحم كنت اسكر على نفسي باب غرفتي واعيش حياتي بكل هدوء بس الحين ما عندي غرفه اسكره واقعد فيها بروحي لاني عندي ولد وعندي زوج وخادمة ومشاكلهم ما تخلص الخادمة بصوب والزوج بصوب والولد بصوب وانا محبطه من جميع النواعي ما اكو احد يقولي الله يعطيج العافيه ما قصرتي عشان اصير اقوى واقوى واشد حيلي