زوجي طردني من البيت

انا بصراحة تفكيري مرة مشوش ومادري كيف ابدا موضوعي واعذروني على اللخبطة اللي فية ارجوكم ساعدوني وشيروا علي انا مرة ضايق صدري وكارهه الدنيا
زوجي مايحبني ولا يحترمني ودائما انا وياه في مشاكل مايعلمها الا ربي
وكل مانطقت بكلمة والا ابديت راي في اي شي حتى لوكان تافه يقول اذا ماعجبك روحي لاهلك
ويتلفظ على بألفاظ بذيئة ولا يجامعني ولايطلعني اتمشى وغير كذا السيارة اللي معه انا شاريتها ويبخل علي حتى بالكلمة الحلوة
الطامة الكبرى انو حصل بيني وبينة سوء تفاهم وعصبت عليه فجأة اتصل على ابوي وقال تعال خذ بنتك
انا مابيها وانا ابكي وبنتي نايمة وكان يوم جمعة الساعة 12 الليل وبكرة وراي دوام
جاء ابوي ومعه اخوي لان ابوي مايسوق الليل ووعصب ابوي علية وطردني من البيت
وركبت السيارة وانا اصيح وبنتي تصيح وضايقة فيني الدنيا وتمنيت امي تكون جنبي بهاللحظة الله يرحمها لاني بجد محتاجتها فقلت علشان بنتي بارجع للبيت
وقلت لابوي بارجع قال ابوي من رايي لاترجعين واصريت في اللحظةهذي قال ابوي مالي دخل ورجعني
لبيتي وانا بالحوش قال زوجي لا انا مابيها خذها معك هنا انا حسيت اني مالي كرامة ابدا وحقدت علية
رحت بيت اهلي و انا ضايق صدري وبعد نص ساعة اتصل اخو زوجي على ابوي يقول ليش جاي
انت وولدك تبي تطقون اللي هو زوجي ابوي قاله جيت انا وياه علشان يسوق بي
وهذا اللي قهرني اسراري يوصلها لاخوة ومنة لزوجتة والى الان انا عند اهلى
اسألكم باللة لاتدعون علية
وادعوله بالهداية واني ارجع
لزوجي عاجلا غير اجل معززة
ومكرمة في هذي اللية الفضيلة