زوجي قاهرني

السلام عليكم
صباحكم ومساكم خير
ابغا ارائكم يافرشات لان من جد ومن غير مجاملة
دايما تعجبني نصاحكم واحوسها مجربة
انا بداية مشكلتي انو زوجي مايعرف يتكلم عن نفسه
ولما يزور اهلي على قول الكويتين يقط خيط وخيط
ومن كلامه ياخدوا عنه فكرة ماهي حلوة مع انو ماهوكدا
حرام
يعني متلا لما انزل معا السوق مايرفض لي طلب واخوتي
دايم يقوللي من فين اشتريت وبكم بس لما يجي عند
اهلي يقول انا مادفع فلوس في التفاهة الشنط والجزم
ماليها داعي في كل مناسبات
واللي قاهرني اكتر انو امي واخواتي يحسبوني كدابة
وهدا شي من كتير وكمان دموا تقيل يعني لما يجي
مايخرج الا متاخر واخواني يكونوا بكرة مداومين
وحتى لوقتلوا
هيا يطنش
والله زوجي طيب وكريم بس مادري اش ينزل عليه عند اهلي
صرت اكره يروح عند اهلي دايم اقولوا خارجين ....
حريم جاين لأمي والله مو بيدي
واللي زاد خوفي
انو حس بالموضوع وقالي اهلك مايبغوني وصار ينتقدهم كتير
خايفة يكبر الموضوع
ويافراشات ممكن تقولولي اش بزبط اقوله
والله يجزي خير كل وحدة تساعدني