زوجي قهرني اه يا قلبي

السلام عليكم بنات وربي ما قدرت انام من التفكير بموت قهر والله بموت قهر اسمعوا السالفه واحكموا وقولوا لي شسوي احس اني بنفجر واذا تكلمت بخربها معاه بقوه عشان كذا ابي امسك نفسي بس ساعدوني شسوي
مدير زوجي بالشغل كلفه بمهمه يسويها وجا زوجي طلب مني اسويها له ما يبي لها شي بس يبي لها وقت شوي لانه انزل من النت فيبي لها ترتيب واشوف المفيد واللي مو مفيد واعدل وارتب المهم جا زوجي يوم الثلاثاء جاب جزء بسيط من الشغل ما سويت شي جا الاربعاء جاب الشغل كله بديت فيه من الاربعاء وسويت وعدلت قد ما اقدر لين الفجر وما خلصت الجزء الاول باقي شوي تعديلات جا الفجر عطاني الجزء الثاني من الشغل قلت له اسمح لي الحين بنام.. بكره ان شاءالله اللي هو الخميس بكملها كلها وبعطيك اياها وبالفعل نمت وانا عندي بنوته صغنونه يعني مو فاضيه طول الوقت لان لو فاضيه كان خلصته من اول يوم جابه بس والله كثير شوي ويبي له تركيز جا الخميس قمت العصر واستلمت الشغل عدل بس بنتي كل شوي تشغلني طبيبعي بيبي يعني صغيرونه تبي اكل تغيير ونوم ولعب المهم واسوي الشغل من احسن ما يكون وخلصت كل شي مابقى يمكن الا واحد بالميه خلاص شي بسيط مره وشغلي والله العظيم مرتب مره اقسم بالله مرتب لو تبون اوريكم عشان تتاكدون وخلصت عالساعه 12 تقريبا وانا زوجي يقوم بالليل لانه ينام متاخر الظهر والا العصر المهم بقيت هالشغله البيسييطه مره ورحت لبست وتعدلت وتعطرت وقلت برتاح شوي لاني وربي تعبت انكسر ظهري ولاعت كبدي وانا احوس بهالمنتديات وربي كانت بنتي تنام شوي اقول بتمدد شوي معاها بس اقول لا خلني اخلص شغله ابيه ينبسط واقوم ولا ارتاح وكله اتخيله يقول لي الله شغلك مره حلو ومرتب توقعت اكيد اكيد بلقى مدح اكيد ولما قام الاخ قالي ها خلصتيه قلت له ايه شوف شسويت واوريه كاني بزر فرحانه وشوي الا جزء من الشغل ما عجبه وجزء بسيط يتعدل بثواني وبعدين سالني عن اللي ما سويته قلت له بس باقي هو وبعدين هو اساسا شغل اضافي من راسه وعصب وقالي انا قاعد اتشحدك يومين عشان تسوين الشغل شقاعده تسوين من اول ما قمتي قلت له والله على شغلك قالي انتي قاعده على هالمسلسلات وفالحه تلبسين وتتكشخين شغلك كله مابيه وراح امسحه انا من الصدمه حتى دموعي وعروقي جفوا والله ماقدرت انطق كلمه ولما دخل الغرفه اخذت اللاب وسويت شغلته الاخيره اللي ما سويتها والحين مسوي فيها زعلان علي وما يكلمني وكاني انا الغلطانه وهو المشكله انه اغلب وقته عالنت ويحوس ما قلت له انت سو شغلك انت على النت قلت انا اسوي شغله مسيكين بساعده انا فاضيه ومابيه يحس ان اشغل وراه للبيت وهو يحب يكون متميز بشغله وانا قلت له ابغاك تكون احسن واحد بشغلك ....
والله مو قادره انام نار بقلبي ليش ماقدر تعبي ليش وبعد يزعل وربي بموت بنفجر شسوي ساعدوني وربي اني ادعي ان ربي ياخذ حقي منه ساعدوني شسوي كيف ارتاح كيف وانا انظلمت ..
هو والله العظيم طيوب وحبوب بس هذي مو اول مره يسويها معاي قد سواها باساليب ومواضيع ثانيه نفس الاسلوب ساعدوني والله العظيم تعبت الله يخليكم اي نصيحه اي شي شسوي قلبي نار والله العظيم نار اتقلب عالسرير مع بنتي زي المجنونه واشد شعري من القهر والله العظيم اقدر ارد عليه ولساني طويل خيرات الله بس مابي اسوي شي اندم عليه عشان كذا طلبت مشورتكم لا تبخلون علي فيها الله يوفقكم ويرزق كل وحده فوق اللي تتمناه