زوجي مغازلجي وجنني تكفون يامتزوجات ياسنعات تعالو علموني كيف اسنع زوجي نخيتكم

1. السلام عليكم ورحمة الله وبركاتة

السلام عليكم ورحمة الله وبركاتة

بنات بعطيكم تاريخ مختصر عن مشكلتي تزوجت وحبيت زوجي حيل بس كانت تصير منه اشياء تزعجني زي سهره باليل بعذر انه يحب البر ويروح للخيام , بكيت سويت حاولت اعدل الوضع لين تعودت على طلعاته بالليل, حملت وجبت البيبي ويوم عمر البيبي 9 شهور دخل علي زوجي وهو كلة دم واسنانة مكسرة أثره طلع يشرب وتضارب مع سكارا ثانين اثر الخيمة طلعت قح.... وقلة حيا ومغنى اعوذ باللة انسجن يومين سامحته غفرت له ولا علمت اهلي لانة انا بديرة واهلي بديرة ومابغى اعور قلبهم نمت عند اهل زوجي يوم صارت سالفة السجن وبسببها قوت علاقتي فيهم كثير عاملوني كأني بنتهم الله يجزاهم خير عاد زوجي طلع من السجن راسة في الأرض من الفشيلة الكل عاتبة زين ماجا ابوه شي لانه فضحهم عاد وعدني مافي سهر بعد اليوم والي صار الحين انه فعلا زي ماقال مافي سهر من الدوام للبيت لكن..
الحين أدمن على شي جديد وهذا الي جاية استشيركم فية ادمن لعبة اسمها Imvu وهو جات وصار يسولف مع بنات كل مرة ادخل علية واكفشة واصيح ويقول خلاص توبة ويقول بكسر الكمبيوتر ننام ونقوم وكأنك يازيد ماغزيت ونرجع على نفس المنوال هو يقول انا حدي جات والله احسن من الهياته بالشوارع صدقته مع انة قلبي يقول غير كذا قلت اختبرة سويت ايميل جديد وضفته على اساس اني بنت وقعدت اسولف معاه وهو ولا يعوق سيداا اه يابنات كنت اسولف مع زوجي وهو يتغزل فيني بغيت اموت ادخل عليه الغرفة اقوله احبك وابوسة ارجع القاه راسلي رسالة على اساس اني بنت اخ ياحرقة قلبي اخ بس والحين اتفقت معاه اشوفة على اساس اني بنت اسمها هيا وقالي والله لأوسع صدرك الأتفاق يوم الأربعاء الساعة 5 المغرب بأحد المجمعات اخخ يابنات بموت والله بموت ليه كذا الرجال خونة انا ام عيالة ورب البيت اني اجن جسم وشعر وبياض وطول وهو وع كبير سن وكرش ويجيب الهم ليش الخيانة في دمهم ليش يابنات شورا علي كيف أأدبة تكفون يابنات ياسنعات يالي تعرفن تسنعن أزواجكن انقذوني شسوي بة احبة حتى والله ماقدر ادعي عليه كثر ماحرق قليبي
اخ يافلان مات القلب الي كان لغدرك يسامح من وين ألقا قلب أحيا بة
يافراشات انتبهو لردودكم الله يعافيكم مابي احد يغلط على زوجي تراي والله حساسة ابيكم تدعموني والي مو عارفة شترد ترفع موضوعي بدعوة الله يخليكم..