زوجي مفطن على كل شي

السلام عليكم ورحمة الله وبركاته
كيفكم حبيباتي ان شاء الله بخير
حبيباتي انا عندي مشكله ويمكن البعض مايعتبرها مشكله بس بالحقيقه يرتفع ضغطي منه
انا سلمكم الله زوجي المصون (فطين) مفطن على كل شي يعني اي شي بالحياة الزوجيه وطرق الحريم من ارضاء ازواجهم من حركات دلع من رومانسيات من اغراء من وشلون الوحده تفهم زوجها وشلون تغير اسلوبها معه يعرفه
يعني اي شي اسويه جديد يضحك ويقول ماشاء الله هذا ما خذته من كلام الحريم اللي بالمنتدى لانه هو مسجل بالمنتدى عن هالمواضيع الحياة الزوجيه يعني اي شي اسويه والله يقولي هذا قاريه بالمنتدى ويجيب كل اللي فيه
وغير كذا يهتم بالتفاصيل الدقيقه مثل تشققات اللي بالبطن بعد الولاده يقولي شوفي لها حل يروح للصيدليات انواع الكريمات يجيبها لي احس كذا يحرجني ودي الشي هذا مني يقول كل شي كامل فيك الا هذا ودي تروح
وغير كذا هو يحب الاظافر الطويله واحيانا اطولها عشانه وبعدين بعد فتره اقصها انا طبيعتي مااحب الاظافر هو لايقول جمال المراءه باظافيرها والله يقهرني احس انه مفطن على كل شي
من اللي زوجها مثل زوجي مفطن على كل شي وكيف تتعامل معه بحيث ان هذا الشي منها هي مو من المنتديات
انتظركم حبايبي