زوجي والبنات في السوق وبكل مكان

السلام عليكم خواتي ..
تعرفون اوضاع الأسواق المجمعات حتى لما تتقضين اغراض لبيتك في كل مكان
صرنا نشوف تغير في لبس العبايه والتبرج اللي حاطه مكياج بوجهها كأنها رايحه عرس
وعبايتها اللي مالها داعي تلبسها المهم الله بيحاسبهم ..
أنا الحمدالله بنت حلوه ومتزوجه ودايم اتكشخ لزوجي ومرتاحين مع بعض هو طيب وملتزم
في البيت يحط القنوات الدينيه والجوال مايهتم فيه ولايعرف يستخدمه كثير بااختصار مو راعي
خرابيط الحمدالله ..
المشكله اللي تقهرني وتقهر غيري من المتزوجات لما أكون رايحه اي مكان مع زوجي
وأشوفه يطالع في بنت كاشخه ولا لابسه عبايه ضيقه ولا... الى مالا نهايه ..
أنا مالومه حتى أنا لما اشوف مثل هالمناظر غصب عني اطالعها البنت المتبرجه
يعني مشكلتي مع زوجي مايغض البصر قلبي يعورني وتتغير نفسيتي واحس بااهانه لي
لما اكون بجنبه ويطالع غيري ..
في يوم من الايام عصبت ولاقدرت امسك نفسي وهاوشته وزعلت عليه لانه يطالع وحده
وانا معه لابسه هي عباية كتف وفاتحته من قدام وشكلها جداا عاديه بس طريقة لبسها تجذب
ورد علي قال ان مايهتم بالبنات وان مايطالعهم وانه يناظر من غير قصد ومن هالكلام
والمهم تعبت معه كل ماطلعت اتعب ابي حل كيف افهمه ابيه يغض بصره ابي اي طريقه ...!!