زيت الجرجير مركز 3 مرات والصلعه بتنبت ان شاءالله

السلام عليكم ورحمة الله وبركاته ,, بنات بسبب كثرة شكاوي البنات بموضوعي المثبت بقسم البشره عن كافة مشاكل الشعر حبيت افيدكم كيف تصنعون زيت مركز 3 مرات بالبيت تعتمدونه مدى الحياة وافضل لكم من الزيوت الجاهزه المخففه ومابي منكم الا الدعاء
اخترت لكم طريقة عمل زيت الجرجير وفوائده ينبت الشعر ويطوله ويكثره ويملأ الفراغات بالشعر المتناثر اتشالله بعد شهر الى شهرين وخلال 3 اشهر راح تشكين من كثافة شعرك انشالله
هاتي زيت زيتون اصلي تقريبا 3 كاسات او زيت ذره للي مايناسبها زيت الزيتون مع انه افضل وحطي فيه حزمتين جرجير مفرومه وخليه في قدر فوق قدر ثاني فيه مويه ( يعني حمام مائي ) وحطيه على نار هاديه وخليه 3 ساعات وكل شوي حركيه زين بعد الساعه الاولى شيلي الجرجير بملعقه مشخال (منخال) عشان ماتشيلن الزيت معها وحطي حزمتين جرجير مفرومه ثانيه والساعه الثالثه نفس الشي ,, بعد ماتخلص الثلاث ساعات طفيه وغطيه لين يبرد بعدين صفيه بصفايه بعدين صفيه اكثرر بقطعة قماش او شماغ وبكذا صار زيت جرجير مركز
استخدميه 3 مرات بالاسبوع
اول عشر دقايق سوي مساج وكملي ساعتين الى اربع ساعات بالكثير وغسليه
بالامكان عمل زيوت اخرى مركزه بنفس الطريقه وبذكر لكم امثله مع الفوائد
زيت الثوم >> مفروم وقيسيه كل ساعه كاسين .. لانبات الشعر وتكثيره وللثعلبه
زيت المحلب << مطحون وقيسيه كل ساعه كاسين .. لانبات وتطويل الشعر بسرعه
زيت الحلبه << مطحون وقيسيه كل ساعه كاسين .. لانبات وتطويل الشعر بسرعه وتنعيمه
زيت الحبه السودا << مطحون وقيسيه كل ساعه كاسين .. لتنقية فروة الراس ولتنعيم الشعر وللي فيهم صدفيه بالفروه
زيت الشاي الاسود << مطحون وقيسيه كل ساعه كاسين .. لتنعيم الشعر وتقويه
الخ : ق055:
بالنسبه لتجارب البنات مع الزيوت الله يخلي الشيخ قوقل
اتمنى يكون الموضوع مفيد ,, دعواتكم الله يحقق لي امنياتي دنيا واخره