زيت الحلبه رهييب

حبيباتي لما كنت ادرس بالمعهد وحده من البنات وصفة لي زيت الحلبه المنزلي تقول انه
رهييب اختها في فتره من الفترات استخدمة زيت دابره ولا ناسبها سب لها تساقط الشعر وطلع لها منطقه قليل فيها الشعر بالمره سوت لها زيت الحلبه وكثر شعرها بعدها حتى البنت ألي قالت لي تستخدمه هي بعد وماشاء الله شعرها كثيير وهي عباره عن كميه من الحلبه الحب وليس المطحون مقدرا تقريبا كاس ولا مانع من الزياده للفائده وتحطه في علبه( برطمان ) وتحط عليه زيت عافيه او اي زيت حق الغداء مقدار نصف علبة البرطمان او اكثر بشوي ماأذكر المقدار بالضبط بس تقريبا كذا ومواد الخلطه صحيحه ميه بالميه وتستخدميه كالأتي :
كل يوم لمدة اسبوعين
بعدين يوم ورى يوم لمدة اسبوعين اخرى
وبعدين تستخدميه يوم بعد يومين لمة اسبوعين اخرى
وهكذا الين تستخدميه مره كل اسبوع او مره من فتره الى اخرى
ولا بد ان تخمري الزيت قبل ماتستخدميه لمدة اسبوع وبعدين استخدميه
وتقول ايضا ان الريحه بعد الاستحمام تروح
انا سويتها بالصيف ولكن سويت غلطه وغسلت الحلبه قبل ماأخمرها وطلع لها ريحه شينه كأن فيه شي خربان
وكل اهلي قالوا( خيستينا) فخليتها
وآلحين في الشتاء شريت الحلبه القصيميه ألي مافيها ريح وخمرتها بدون غسل وماطلع لها ريحه يمكن عشان في الشتاء او نوعية الحلبه بس انا من النوع الكسول ما أستمر عليه وتوني ابدى فيها ومابعد شفت النتايج
وألي بتستخدمه بالطريقه ألي قلت لها وتستمر عليه ان شاء الله يفيدها