سؤال منطقي جدا لكل متزوجة وغير متزوجة

السلام عليكم ورحمة الله وبركاته
سؤال اعتقد أن معظم المتزوجات فكروا فيه الا من رحم ربي
هذا السؤال هو
ليش تزوجت؟؟
مثال: لحظة حنان فتاة تعيش في بيت أهلها عيشا رغيدا مدللة صحيح أبوها عصبي شوي ودائما مستعجل لكن ماعليه الأب تلعبين عليه بكلمتين حلوات وابتسامة عسل
فجأة لحظة حنان وافقت تتزوج السبب الله أعلم لكن قدر الله عليها وتزوجت
زوجها والشهادة لله حبيب مايعصب بسهولة لكن فيه عيوب مثله مثل غيره وأهم عيب في الرجال هو
انه يرمي الكلمة ما يثمنها ويطلع التهزيئة ما يفكر فيها ويجيبها للبيت الساعة ثنتين ويبي الكبسة جاهزة الساعة ثلاث وإذا قالت له مايمدي اللحمة في الفريزر زعل وتجلس المسكينة بس تفكر وشلون ترضيه
لحظتها يدور التساؤل الأبدي
ليه تزوجت؟؟
ليتني قعدت في بيت أهلي أبرك لي
والله يا بنات هالشهر بس حلفت ولا عشرين مره لو إن الزمن يرجع إن ما أتزوج ولا أفكر في الزواج حتى لو ضربني أبوي بالعصا
رجال هالزمن اعتقد مهمتهم في الحياة إنهم يقهرون المرأة
سؤال ليه تزوجت يقود بشكل طبيعي إلى تساؤل أخر هو وش حصلت من هالزواج؟؟ غير الكرف وضيقة الصدر والتفكير في هالرجال زعل والا رضى!!!
حبني والا ماحبني؟؟
يكرهني؟
ماخذني تمشية حال لأنه مالقى غيري وإلا مقتنع فيني؟
لا تجي وحده تقول لي لا تخلينه شغلك الشاغل هو مو شغلي الشاغل بس لازم تمر لحظات يدور في مثل هالتفكير
خلاصة الموضوع للمتزوجات اللي قد دار في راسها هالسؤال تعلمني الله يعافيكم
لغير المتزوجات استمتعي بكل لحظة انت فيها في بيت أهلك وانبسطي واتهني عشان إذا تزوجتي بكره ماتقولين ضاع وقتي في بيت أهلي وأنا استنى هالزوج أخرتها أفطرت على بصلة!!!!!!!