ساعدوني الله يسعدكم

استغفر الله والحمدلله

01-09-2022 - 09:08 am

السلام عليكم ورحمة الله وبركاته
اخواتي الغاليات , انا بإذن الله تعالى قريب حسافر السعوديه وحجلس فيها تقريبا 3 شهور
بس شايله هم بيتي الي في نيوزيلندا , خايفه ارجع القاه معفن الله يعزكم ,
تعرفو البيت لما يتهجر فتره طويله يعفن
خاصتا ان الرطوبه في نيوزيلندا جدا عاليه والامطار كتيره , فالجدران تتشرب من رطوبة الجو
يعني تحتاج مجهوود بستمرار للتعقيم والنظافه عشان ماتتكون بكتريا وفطريات على الجدران
فعشان كدا الله يسعدكم ابغاكم تعطوني افكار ايش ممكن اعمل في البيت قبل مااسافر بحيث يقلل من الرطوبه جوة البيت
او على الاقل عشان ماتتكون الفطريات على الجدران؟؟
وكمان البيت بشكل عام , الحمام الله يعزكم والمطبخ وكل مكان ايش اسوي فيه قبل مااسافر عشان مايتضرر من اي شيء تاني ؟؟
اتمنى فهمتو طلبي , وان شاء الله تقدرو تساعدوني بااي معلومه او فكره
الله يحقق للي بتساعدني كل الي تتمناه ويرزقها من واسع فضله ورحمته

التعليقات (7)

ام جوان و جنى

01-09-2022 - 12:24 pm

موفقه يالغلا
للرفع

ريما الزلفي

01-09-2022 - 01:25 pm

يقولوا الجرايد تسحب الرطوبه الجرايد يعني نيوس بيبر اتمنى فهمتي !!!!اهم شي غطي الاثاث بشراشف ماتحتاجيها الابواب من تحت الباب سكريها بقماش مغمور بمويه الحمامات الله يكرمك الكابنيه والبيديه حطي فيها كلوركس وخليه وكمان مغسلة المطبخ اذا فيه حشرات انا اوزع بودرة البف باف تحت عند فتحة الباب من تحت اذا عندك زرع انا اعبي علبة البيبسي البلاستيك الكبيره مويه واسكرها بالغطاء حقها بعدين افتح فتحه بالغطاء فتحه صغيره تسرب المويه بالتنقيط_سكري الستاير والشبابيك وافصلي التوصيلات بس انتبهي لاتفصلين توصيلة الثلاجه مثلي وتخرب الاشياء مع اني انصحك تفضي الثلاجه وتنظفينها وتفتحين بابها وتحطين جواها كسرة فحم سكري مراوح الشفط اذا عندك _جوا الدواليب وزعي فلفل اسود فوق الرز وعند الطحين عشان مايخرب وبس اتمنى اكون افدتك مع ان الوضع عندكم غير عنا بس هذا اللي اسويه انا اذا بغيت اسافر برا الله يوفقك

مرووووومه

01-09-2022 - 02:26 pm

كنت بقولك نفس الشي الجرايد تمتص الرطوبه
والبودره تبع الحشرات وزعيها في الأماكن الي ممكن تدخل منها الحشرات
وتجي بأسلامه

دلع ..

01-09-2022 - 03:27 pm

حبيبتي تجين بالسلامه وبالنسبه للبيت اقفلي اي مكان يدخل هوا بكيس نايلو وفي الشلاجه حطي علبه فانيليا مفتوحه بعد التنضيف طبعا عشان تسحب الريحه والمفارش الي في الارض لفيها وقفيها على الجدار........وبس
واول ماتوصلين السعوديه بالسلامه ان شاء الرحمن معزومه عندي على العشاء ههه

استغفر الله والحمدلله

01-09-2022 - 04:28 pm

الله يسعدكم من جد استفدت من افكاركم , ربنا يرزق كل وحده ردت عليا او رفعت الموضوع من حيث لاتحتسب ويحقق لها كل الي تتمناه ياكريم
طيب اخواتي لو حطيت كلوركس في الحمام الله يعزكم , مايسير لونه اصفر ؟؟؟
لاني حجلس 3 شهور , يعني فتره طويله
ايش رائيكم
والجدران ايش اسوي فيها مافهمت

شمس المدينه3-6

01-09-2022 - 05:29 pm

الكلوركس حطيه بطشت كبير اذا حطيته على الارضيه تخرب
صوريلنا بيتك في نيو زلندا وعندك حديقه

استغفر الله والحمدلله

01-09-2022 - 06:30 pm

بنات
لاتطنشوني
اعطوني افكاركم بليز
سفري قريب مره ان شاء الله , ابغى الحق اخلص كل اموري

مفارش لدواليب المطيخ←
تعبتي من ترتيب دولابك تعالي معايا نرتب الدواليب سوا→