ساعدوني بافكاركم الله يفرج همومكم ويحبب ازواجكم فيكم

فيه فكر من منتدى صراحه حلوه وهي
وكثيراً ما يشعر الزوج أثناء عودته بأنه ليس محط اهتمام من عائلته .
لذلك يأتي دور الزوجة في تغيير نمط استقبال الزوج من سفره وترتيب مفاجأة
خاصة له عند عودته بمشاركة أبنائه ليشعر بأنه محبوب من اسرته وأنه ليس فقط
لجلب الأموال ولكنه يظل حاضراً في قلوب الجميع وإن كان غائباً .
لذلك إليكِ تجربة خاصة وفكرة استقبال ( إنتبه حفريات )
رجع الزوج في الساعة الواحدة ليلاً وفتح الباب وكان الظلام شديداً واصطدم بلوحة
خشبية مكتوب عليها ( إنتبه حفريات فضلاً .. اتجه يميناً ) ضحك الزوج واتجه
يميناً فوجد * طريقه إستقبال لزوجك * ..إنتبه حفريات...
لوحة أخرى مكتوب عليها ( حبيبي بابا أنت في قلوبنا .فضلاً اتجه يساراً )
فابتسم واتجه يساراً .. ثم سار قليلاً فاصطدم ببالونه كبيرة تقول له تمهل
يجب أن تقرأ ما بداخلي فثقب البالون , ووجد ورقة فيها ( نورت بيتك يا حبيبي
اتجه إلى أعلى ) ثم بدأت أسارير وجه تنشرح وما أن وصل إلى نهاية الدرج حتى
أعاقه حبل وفيه شريط ساتان مكتوب عليه ( يجب قص الشريط لأنك شخصية هامة
ينتظرها الجميع وبجانبك المقص) , قام الزوج بقص الشريط ثم سار قليلاً فوجد
ورقة مكتوب عليها أفتح باب الغرفة ولا تخف فهناك مفاجأة , ففتح الباب
وأنهالت عليه البالونات والورود وأضأوا الأنوار وكان الجميع بانتظاره مع
الإبتسامة والهدايا المتنوعة والجميع بصوت
واحد " عوداً حميداً ومبروك يا ماما على سلامة بابا )
غاليتى
جربي فكره " أنتبه حفريات "
حسب ما ترين وأتمنى لكِ السعادة في حياتكِ الزوجية
الفكره عجبتنى موت ولطشتها وأبغاكم
كل وحده تسوى حفريات لزوجها بالبيت

جيبي كيكه
او سوي انت كيكه ترا الرجال يحبون من يد زوجاتهم اكثر
برايي تكتبين له شعر وكذا وتقولينها له
ما تكثرين حركات يعني ف البيت
يعني ك نوع من التغيير
ترا انا مو متزوجه وما عندي خبره بس حبيت اساعد ههه
زوجة اخوي مخربتني

وكذلك
دائما الزوج يبحث على كل ماهو جديد ويحب المفاجأت . فجعلي قدومه من السفر ليلة تحتفلين بها برجوعه لكي هذي بعض الافكار لتميز هذي الليلة ..
1- أختاري لون وجعلي لون لهذي الليلة مثلا تختاري اللون الاحمر زيني الغرفة باللون الاحمر أرتدي لباس لونه أحمر تعطري بعطر لونة أحمر .
2- ضعي بطاقات ترحيب بقدومه مثلا ضعي بطاقه عند مدخل المنزل مكتوب بها أهلا وسهلاً بقدومك نورت البيت حبيبي وملاحظه بالبطاقه إذا كنت تريد الأتقاء بأميرة المنزل أتبع الأسهم وسوف تصل لها
ضعي بطاقات بها صور الأسهم تقوده إلى الغرفة فاذا دخل يجدك جالسة على كرسي بكامل أناقتك كانك أميرة المنزل .
3- حاولي ان تهتمي بالزوجك بهذي الليلة حاولي جذبة بحركات رومنسية

شوفي عزيزتي انا ما أفضل انه يكون استقبال الزوج بتهيء أجواء في غرفة النوم
خوفاً من انه يكون تعبان او مشتاق للعيال وفي باله أمور أخرى ويلتزم فيج إذا شاف
كل هالتهيء..
الشي الحلو لما يرجع البيت يلقى ترتيب الأثاث متغير، البيت طبعاً مرتب ومعطر بشكل
يفتح النفس .. (وأنا عن نفسي أحب بودرة السجاد من airwickأير ويك برائحة اللافندر
تعطي انتعاش للبيت غير طبيعي .. وهي تنثرينها على السجاد وعلى الكنب .. بعدين
تشغلين التكيف مدة ساعه او اكثر او أقل حسب مساحة المكان , بعدين تكنسين البيت
مع وضع البخور ..
تغيير كفر السرير، وأفضل اختيار النوع يعني حتى لو أبيض ساده بس يكون مريح
ولا يكون مزركش وشكله جميل وغير مريح.. عشان ينعم الزوج بليله هانئة بعد تعب السفر
تهيء الحمام وترتيبه بشكل حلو + شراء مستحضرات استحمام تنعنش ويفضل تكون انواع
جديده ما جربها من قبل. عشان يحس بالفرق
تنظيف دولابه وترتيبه من جديد مع تبخير كل ملابسه
شراء فوط جديده (ويفضل غسلها بملطف عشان تكون جاهزه للاستخدام)
تحضير وجبه حسب موعد وصولة، ولأنه احيان الواحد يكون واصل من السفر
ماكل .. يفضل تحضير وجبات خفيفه مثل فطاير، كيك ، حلويات.
والمهم يكون في شراب حار عشان يريحه بعد جهد الرحله (حليب مع زعتر)
أو حسب المفضل عندكم.
ممكن تغيرات بسيطه في البيت مثل الله يكرمج السجادات الصغيرة اللي تنحط قدام باب
الحمام، ممكن أشياء زينه من لايف ستايل (وياحبذا تكون خفيفه وعدم المبالغه)
في عبارات حلوه تقدرين تطبعينها على الكمبيوتر وتتغلف تغليف حراري أو تشترين لها
شفاف في المكتبات مع علاقه تتعلق على الباب .. (تو ما نور البيت) .. وتوزعينها حسب
ما تشوفينه مناسب ..
أنا زوجي بيرجع بعد اسبوع .. لذلك بغير بشي بسيط في قصة شعري.. بسوي حمام بخار
وبلطع في ويهي ماسكات مثل البطاطا وغيره عشان يعطي شكلي شوية نظارة
بالنسبة لج (مادري اذا تحبون الحنا) أنا عن نفسي اموت فيه وزوجي كذلك عشان جذيه
لازم اتحنا قبل لا ايي ,, اشسور شعري واحط مكياج خفيف واشتري لبس جديد ماشافه
قبل. أو لبس يحبه عندي من قبل وماشافه وايد
وكذلك العيال حلو يكونون في أحلى حله .. وتوصينهم من قبل وتنبهين عليهم انه بابا
ياي تعبان وتوصينهم يقعدون بهدوء .. وحلو لو كل واحد منهم يقوم يقدمله شي من الأكلات
الموجوده، وتراجعين معاهم عن وشو بتتكلمون معاه لما يوصل .. يعني توصين واحد يسأله
عن رحلته والثاني يقوله موقف حلو صار لما راح .. والأهم انهم كلهم يقولون له اشتقنا لك
والبيت مب حلو بدونك .. هذي حتى مع الأيام العيال يتعودون عليها ويحسون بأهمية التعبير
الحلو.
طبعاً حسب سن العيال حلو لو تقعدين معاهم ترسمون رسمات مثل طيارة وفيها البابا
ياي وصورة الولد انه فرحان .. العيال يعبرون بشكل مؤثر من خلال الرسم. ولما يوصل ويرتاح
يعرضونها عليه.
تجهزين رسالة جوال تكون حلوه وتعبر عن فرحتج برجعته ترسلينها له على جواله وهو في الطيارة بحيث أول مايوصل ويفتح الجوال تطلع له..
مثل : حمدلله عالسلامه يا من لك بالحشا منزل
ياللي غلاك بذمتي .. ما تغيره غيبه ولا غربه
****************************** ***********
أول
حبيبي طول الغيبه.. ياشين فراقه الغالي
هذا ربي لنا جابه.. وبشوفه قاعد قبالي
******************************
لبى عروقك يا بعد حي مغليك
يا مبعد الخطوات جاك الغلا جاك
ساعة وصولك فز القلب لبيك
مابقى نبض بداخلي إلا ولباك..
منقول

وكذلك
1ترتيب البيت وتنضيفه والريحه الحلوه
2تهتمين في شكلك من تغيير وقص اوصبغه وتنضيف وطبعا تشيلين الشعر بعدين الخلطات الموجوده في المنتدى للجسم
3انك تسوين في غرفه النوم والحمام حركات رومنسيه وماقد سويتيها
وبتلقين للحمام وغرفه النوم تحف او شمعات او ورد صناعي وريحته حلوه واطقم للحمام نفس الالوان والنقشه طقم تختارين على كيفك
بتلقينها وحلو سعرها في ستي ماكس مافيه احد مايعلرف هذا المحل
4 تكونين هذا اليوم مجهزه هديه وباقه ورد ورايحه للمشغل وسوي تسريحه خفيفه ومكياج خفيف وتكونين شاريه لبس اثنين واحد لستقباله واحد لغرفه النوم وانتم فاهمين هذا الشي
وانا ابغى كلم او بيت شعر حلو يصلح لهاذي المناسبه

انفاس الدخون
ياحبي لج والله
عسى الله يرزقج بالزوج الصالح ...
وزوجة اخوج ماخربتج بالعكس تثقفي لاتصيرين مثلي مااعرف شي
ومشكوره على ردج الحلو ياحلوه

اختي وهج
والله اعجز عن شكرج وكل اللي اقدر اسويه لج هو ان ادعي لج
عسى الله يخلي لج زوجج واعيالج يارب
وماقصرتي
اما بالنسبه لزوجي راح يجيني بعد مايرجع من دورته بيوم لان انا عند اهلي وهو بديره وانا بديره ..
انا بصراحه مفكره اشتري لعبة الشوكولاته بس مب عارفه شسوي بالغرفه اللي بكون فيها لاني بصراحه استحي انا في بيت اهلي اسوي اللي قلتي لي عليه
ومن ناحية المسج راح ادز له واحد من اللي كتبتي لي
وكل اللي اقوله الله يوفقج دنيا واخره ويحقق كل امانيج يارب

...................؟.....................

بغيت ادلو بدلوي لكن البنات ابدعو