ساعدوني بنات وتاجرات جده

وينكم يافرشات معقول محد عمل او حظر ملكه
وانتم يا بنات جده مفي رد

بنات معقول مافي رد

بالنسبه للعطور في عندك محل جنيد .. مره ممتاز .. عطورو ودهن وخمريات شعر واسعارها حلوه وعلبتها فخمه
^^
وبالتوفيق

مشكوره حبيبتي
وربي يسعدك ويسرلك زواجك

وينكم يافرشات مافي رد
مجرد طالبه افكار
هذي اول تجربه لي
واخوي معتمد عليه لانه موفي جده
بليز ساعدووني الي مرو بهذي التجربه

حبيبي ازا انتي في جده . . روحي مكان اسمو بنيتي ...
على طريق المدينه ..
شغلوو ميه ميه .. جوزي سوا عندو علب ملكتنا وطلعت واو وفخمه .. وعربية المهر كمان ..
مره حلو شغلو ناعم فخم
صح يمكن يكون شويا غالي لكن سعرو فيه والله ..
روحي وخدي افكار
وبالنسبه لحاجات تتقدم مع الشبكه. . ممكن زي ما ققلتي عطور .. وقلتللك جنيد عندو عطور حلوه .. وعبوتها فخمه
اشتريلها عطور منو وخمريات الشعر ..
ودهن للجسم .. فجنيد تقريبا اغلب العطور لها دهن جسم بنفس الريحه ..
واشتريلها بخور من اطياب الافندي صراحه مره حلو دا المكان
وكمان عندك اجمل .. عندو حاجات ممتازه .. مسسك روز جنان عندو ..
وكتيرين مدحو عطر وصال من اجمل بس صراحه انا ما ناسبني بس كتير مدحووه
وبالنسبه لإنك ما تبغي فكرة العربيه لتقديم الشبكه
دحين صار في استاندات شبكه منفرده .. برضو روحي لطرريق المدينه وحتلاققي محلات كتير حقت علب الملكه والحاجات هادي
حيعرضو عليكي الافكار الدارجه .. وانا قلتللك جربت بنيتي وما شاء الله شغل مره رائع
وم انا بنت عمتي جابولها مع الشببكه قطعة قماش فخمه مطرزه .. وكدا تباسي وصناديق فيها حلا لددو ولبنيه وهادي الاشياء ^^
وبس دي الاشياء اللي تحضرني حاليا ^^