ساعدوني تكفون مالي من بعد الله الا انتواا

1. السلام عليكم ورحمة الله وبركاته :

السلام عليكم ورحمة الله وبركاته :

انا عمري 21 ومتزوجه من 6 سنوات وماعندي اطفال صارت لي مشكله مع زوجي ولي الحين 3شهور عند
اهلي وزوجي لا جاا عند اهلي يتفاهم ولا شئ جا مره عند امي وقال يبي يشووفي طبعا ان رفضت اني اشوفه وقلت ابي منه الطلااق قال طيب وطلع ولا رجع رسل لي مسج قال انه بيوافق على طلبي بس بشرط اني اسامحه على فلوس الذهب الي بعته عشانه وبيطلقني قلت له ما ابيهم خذهم وصلت المشكله لامه ومدري ايش النقاش الي دار بينه وبين امه وفجاءه صار يرسل مسجات حب ومدري ايش انا طبعا ماني مصدقته لاني عارفته كذاب واعرف انه امه ما كانت راضيه انه يتركني انا حاليا مصره ابي اطلق منه القصه يا اخواتي . اني دايم اتحمل قلة احترامه معي ويعتبرني دايم صغيره ما افهم وكل سنه يخوني مع وحده لدرجة انه تزوج على بعد 3 سنوات من زواجنا بالمسيار وسبحان الله انكشف شافه واحد من جمعتنا مع وحده بالسياره وكان يحلف انه مو معه احد ومع الكلام مع اهلي اعترف انه كان ملك عليها الي يقهر بسالفه اني ما قصرت معه بشئ والله تعبت نفسيتي من خيانته لي ودايم يصرخ عليه والله لدرجة احس اني بموت من القهر المهم ولمن تخرجت من الثانويه استغربت انه ما جاب لي طاري الاطفال او ليه تاخرت بالحمل قلت له اني ابي احلل ابي اعرف يمكن فيني شئ ما كان يرضى كان دايم يغير الموضوع احيانا نتهواش على هالسالفه كنت افكر انه مايبي مني اطفال وبعدين اكتشفت من اخته انه عقيم وانصدمت يعني ليه ما خبرني خبر اهله ولا خبرني كاني ولا شئ بحياته ابد مايستشيرني بشئ قلت يمكن كان يخوني لانه يحس بالنقصان وهم سكت وكنت اتحمل وكنت انتظره اني يفاتحني بالموضوع ومقدرت اصبر وفاتحته بالموضوع دامه يتهرب قلت يمكن يتغير انه خايف اذا عرفت اني اتركه قلت له بالعكس رح اصبر معه وحتى اني رحت عشانه وقدمنا طلب على كفالة يتيم نربيه ونكسب اجر لكنه كان جاحد وكل ماتصير مشكله يقول لي انتي السبب او يقول لي انا سبب تعاسته بهالدنيا دايم احط له اعذار حتى مع اهلي مايحترمني دايم يزفني قدامهم مره قدام اختي جلس يقول لي انتي على بالك حلوه انتي لمن اشوفك اشوف ابليس قدامي والله تعبت وكنت دايم اسامحه ولا اقول شئ لحد ما صارت مشكلتين اخر المشكله الاولى اكتشفت انه له علاقه بمتزوجه لاني طالبته يحلف بمصحف انه ماله علاقه فيها رفض وقام يجيب اعذار انه مايحلف بالمصحف عشان سبب تافه وانا مقدرت لان احساسي من ناحيته عمره ماخاب وثاني مشكله اخوه وزوجته دايم يفتعلون لنا مشاكل وكان دايم يصدقهم ويكذبني انا ماني عارفه انا ماعندي ابوو وماماا تعرفون قلب الام ماتحب بنتها تكون مطلقه وانا ضحيته لاجل اغلى امنيه وهي انني اكون ام وكنت اضن انه راح يعوضني بحنان ابوي لكن ما شفت شئ من هذا ماعندي اخت كبيره اطلب نصيحتها فانصحوني مع العلم كل ماتزاعل معه اروح لاهلي يجي واحد من اهله وواحد من اهلي عشان يصالحونا وكل كيذا وهو كل ماله يتغير من الاسوا احس انه يخليني عنده ديكور كل ما مل جا عندي ما احس معه بالامان ولا الاستقرار ولا الثقه قلبي مره يعورني حتى اني كنت ادرس بالجامعه وتركت دراستي بسببه تكفون انا محتاجه ام او اخت