ساعدوني زوجي بيطير مني

كم واحدة دخلت وشافت الموضوع ولكن لاحياة لمن تنادي
حسبي الله ونعم الوكيل

السلام عليكم..
اختي انا ما ادري شنو اقولج بس انتي حاولي تحسسيه انك امه وابوه واخته وكل اهله..يعني لا تخلينه في يوم يحتاج يروح لهم ما دام طلبه موجود عندك..انا ما اشجعك انك تكرهينه فيهم بالعكس قولي له اهلك على عيني وراسي بس انت الحين تزوجت يعني صارت لك حياتك الخاصة ..لا تخليهم يأثرون على علاقتنا..
حبيبتي صارحيه بكل اللي في قلبك حتى علاقته بأهله بس انتي جيبيها بطريقة حلوة لانه اهم شي على الرجال ان زوجته تحب اهله وتحترمهم..
اتمنى اني افدتك..
تحياتي يا الغالية

الدعاء الدعاء وسهام الليل التي لا تخطي والله يكون بعونك

والله الرجل اللي يتعامل بالطريقة هذي مو رجاال ..
ايش ام واخت .. ويسمع كلامهم ..؟ كان جلستي في بيت اهلك استر واريح لك ..
هذا يبي له رجاال مثله يشكمه ويعلمه قيمته .. وبعدين حبيبتي مالك بيت انتي ؟ وش جاب امه واخته له ؟
وانتي الغلطانة من البداية سمحتي لهم يتدخلون بحياتك وبزوجك .. وهذي النتيجة ..
الحل بيدك انتي .. يا انه رجاال يتسنع ويتعدل .. ويربي امه واخته ولا يتدخلوون بحياتكم .. يا ان امه واخته هم الرجال
ويربوونه .. وهذا بيني وبينك ما ينجلس عنده ..
ابوك .. اخوك .. ابو الزوج .. خليهم يكلموونه .. يتعدل كان بها ....... ما تعدل وصار رجال يحكم الحريم بدال الحريم
ما يحكمونه .. او اتركيه وعيشيي عند اهلك اقل شي ما تلقين احد يمشيك على هواه ..
الله يعينك ..
.

ماراح احد يقدر يساعدك مشكله كبيرة تنقال في سطرين ومن طرف واحد صعب
ما ادري وش اقولك

شوفي اختي سالفة انج تنسينه اهله هذي شيليها من مخج
لأن مهما كان هذولا أهله وعاش معاهم عمر كامل
وانتي بذكائج تقدرين تكسبينهم وتكسبينه معاهم ترى الريال
يتضايق ويشيل هم اذا شاف زوجته علاقتها سيئة بأهله
لأنه كثر مايحبها بعد يحب اهله ويحب يشوفها من احسن مايكون
معاهم، تقربي منهم راح يحترمج زوجج ولاتتذمرين منهم جدامه
عشان مايحس انج ماتحبينهم وشايله عليهم ولما يتطمن زوجج
من علاقتج بأهله صدقيني راح يتغير لأنه الحين مو خايف منهم
اذا رفض لج طلب بس أكيد انتي تطلبين منه بطريقه تحسسينه فيها
انج شايله على اهله واحترامه لهم يخليه يرفض لج هالطلب ، يعني
خلي في بالج انج يوم خذتي هالريال كان له عالم متعود عليه وهالعالم
يتكون من اسرته فلا تتصورين انه في يوم وليله راح يتأقلم مع حياته
اليديده انتي حاولي تغيرينه بس بدون ماتحسسينه بهالشي ، اصلا هو بنفسه
راح يصير مثل ماتبين اذا عرفتي شلون تخلينه يتأثر فيج لأن الزوجه لها تأثير
كبير على الريال..وخلي في بالج ان ريلج مايشوف نفسه انه يخاف من اهله
انما يشوف انه قاعد يحترمهم فإذا حس انج انتي بعد تحترمينهم راح تمشي
الأمور عنده بشكل طبيعي وماراح يكون عنده حذر في تعامله مع اهله
لأنه ماراح يخاف من انج تكونين ضدهم ..
أتمنى رايي يكون في صالحج ويفيدج
حبيبتي ،،

حبيبتي فراوله فيه عدة طرق وان شاء الله تستفيدين منها
1_المرأه بطبيعتها لها لسان حلو مثل الشهد فلا تبخلي على زوجك ونفسك به استغلي كلمات الدلع والغنج
2-اتجهي الى المنان صاحب الليل (وقال ربكم ادعوني استجب لكم ) لكن ادعي له لا عليه
3- حاولي ان تكثري النقاش معه بهدوء وبراءه لا ن الرجال يستعطفون براءة المراه ولا تجادليه كثيرا
4- حسسيه بانك سوف تجدي حلا اخر مهما كلف الأمر
جربي والله يوفقك .............وادعي لي وردي
اللهم هب لي ماتضرعت لك به

السلام عليكم ورحمة الله وبركاته
لا انصحك بنصائح الاخت شموخ القلب
واسمعى كلام الاخت فقدتك معكى سلاحين الدعاء والكلمه الطيبه
اعلمى انها تؤتى اكلها كل حين وكمان لا تجعلى الشيطان يونسيكى الجوانب الحسنه الاخرى فيه

ملكة مملكة البحرين
كلام الاخت ملكة مملكة البحرين
عين العقل
وصدقيني عن تجربة شخصي
لو حسستي زوجك انك تحبي اهله وتحترميهم
بيكون اقربلك اكثر وبيسمع كلامك اكثر يعني بيختلف معاكي بنسبة100%
الله يوفقك