ساعدوني زوجي كرهني والسبب

لوما الغيره ماكبرت الصغيره
لازم تغيرين نفسك واقنعي نفسك انك اشطر وحده وانظف وحده وارتب وحده
ونتي اصلا كذا
والنت عندك كل الي تبينه
ونظمي وقتك
والله يوفقك ياعسل

قالتها اختك
النت عندك وفيه كل شي
يلا تعلمي
ولاتعقدينها
ولاتضيعين وقتك
بدل ماتنزلين الموضوع وتنشغلين بالردود
روحي دوري طبخات وطبقيها
مدري وش السواة تهقون في امل اتغير واصير مثل هالحريم السناعات والطباخات
الحين هذا سؤال خ
محد يعرفك اكثر من نفسك
انتي اذا تبغين تتغيرين بتتغيرين واذا ماتبغين محد يقدر يغيرك
لو وحدة تقولك الحين مافي امل بتصدقين كلامها ؟!!
الله يهديك قفلي الموضوع وابدأي العمل

هلا قلبي
صدقيني تقدرين تغيرين والرجال مايصدق يمسك شئ ع الحرمه بكره يقول بتزوج عذره انك ماتعرفين تطبيخين والناس بيوقفون معه نصيحه مني تغيري واطبخي واهتمي بيتك ترى الرجال يحبون الحرمه النظيفه الحركه وبالتوفيق ياعسل الله يسخركم لبعض قولي امين

اي ياروحي في امل تتغيرين محد طلع متعلم بالدنيا
كل شيي سسوية بوقتة

حبيبتي اشتري كتاب نخبة الأطباق روعة
وادخلي على قسم الطبخ هنا كمان روعة
وفيه حريم طباخات يسوون دورات للطبخ ادخلي دورة
هالفترة هاذي تعلمي من أمك وخواتك وطبقي في بيت أهلك
والله انا كنت مثلك بالضبط والحمدلله بسرعة تعلمت
قوليله يافلان خلني اسبوع ثاني عند أهلي بتعلم الطبخ على أصوله وبجيك متعلمة
ترتيب البيت مايبيله شي وكمان ترتيب المطبخ
أهم شي تسوين وتنظفين أول بأول عشان مايتراكم الشغل في البيت واستغلي وقت دوام
زوجك بترتيب البيت .......
بالنسبة لي أنا سويت جدول عشان أريح نفسي........
مرة كل أسبوع أغسل السيراميك بالديتول الجلي الأخضر مع كلوركس ووموية أحطهم في سطل
وأمسح وأدعك كل البيت مرة بالأسبوع وأمسح الطاولات وكل شي وادعك السجادات بفرشة السجاد
هي تجي زي بخاخ في راسه فرشة مخصوصة للسجاد أبخ وأدعك وكمان أدعك الكنب فيها روعة والمرايا امسحها بمنظف الزجاج وحتى اطراف الشبابيك ....
بعدين أنشف الأرضيات والسراميك بفوط كبيرة نظيفة هالفوط على طول اغسلهابالغسالة بعد ماأخلص تنشيف ومخصصة
حق كل غرفة فوطة كبيرة .......
أمسح الحمامات بفوطة مغموسة بكلوركس وشوي موية وامسح البانيو والحنفيات والمغسلة والمرحاض
وكل شي وأخليهم عشر دقايق بعدين أغسل الحمامات زين ..........
وكمان المطبخ أمسح الطاولات حق المطبخ بكلوركس وكمان الحنفيات والفرن واخليهم عشر دقايق بعدين أشطفهم.....
كل هالشغل اللي ذكرته مرة بالأسبوع...
وأما يوميا راح يكون الشغل قليل و الشغل اللي مطلوب مني يوميا سهل مرة ترتيب فراش النوم فراش النوم في طريقة تعلمته من مسلسل
العشق الممنوع تشتري لحاف طقم سادة ياأحمر ياأبيض ياسكري ياأخضر أي لون تحبيه وهو مكون
من مخدتين وبطانية وشرشف تلبسي فيه المرتبة وفوق هالطقم السادة تحطي بطانية مزركشة ومن عند طرفها
الأمامي تلفيها على ورا بحيث يبين الطقم السادة وتحطي وسادتين مزركشات تحت الوسايد السادة
فمايكون مطلوب منك الا غسل لباس الوسايد السادة والشرشف السادة ولباس البطانية السادة تغسليهم كل ثلاث أيام مرة وطبعا كثري من أطقم السادة لأن المفروض كل يوم أو يومين تغيري لباس السرير لأن بكذا زوجك يرتاح نفسيا وحتى انتي صدقيني أهم شي السرير
أما اللحف المزركشة
مايكون جاها أيش شي لأنها في الأعلى فوق الطقم السادة اللهم تمسحيها مسح كل اسبوع بفوطة مبلولة شوي
كنفورت وبث....... ان شاء الله شرحي مفهوم
ومن ضمن شغلك اليومي ريشة الغبار تنفضي فيها الطولات الكنب اللوح وكل شي حتى الجدران وكنس البيت بمكنسة كهرباء وغسل الحمام بديتول فقط والله مايجي شغلك اليومي أكثر من ساعة ...
والصحون اغسليهم أول بأول عشان ماتتراكم ...
وبخري البيت مرتين مرة الظهر ومرة المغرب وعطريه وفراشك كل متغيره عطريه ......
والله بترتاحي نفسيا صدقيني ........^^

إلى متى...
ماشاء الله تبارك الله
الله يوفقك ويسهل امرك
مافيه شي اقوله كل شي قالته الاخت الى متى
الله يحفظها ويوفقها

وفية كمان طريقة لتنظيف الحمام سهلت عليةو وحببت زوجي فيه ههه
لما ادخل الجمام اتروش او اي شئ بعد ماخلص اغسل الحمام وارتب اغراضي مواخلي الشامبو مفتوح والصابون مرمي والمنشفة مرمية لاعيب يشوفها زوجك والله يكرهك طول عمره المهم رتبي ونظفي الحمام وعطرية بعطر يكون دائم بالحمام ويكفي رشه او رشتين واخرجي وعلقي منشفتك بمكان مشمس واخرجي بكل ثقة
اما الطبخ فكتاب النخبة روعة خذيه وانتي مغمضه وبالتوفيق وخليك سنعة وحركه وبطلي كسل وابتعدي قدر ماتقدرين عن البلاك بيري ههه

بيدك تغيرين نفسك وتصيري قدها
والله الطبخ وناسه ومتعه ومو مستاهل الهم
والشغل والترتيب تحسي انك بترتاحين نفسيا بعد ماتشتغلين
ولاتخليه يجي من الدوام إلا والطبخ جاهز والبيت نظيف ومبخر
والحلا بعد الأكل لاتنسيه
بيكون راضي عنك دنيا وآخره
وأي شيء تبين تسألي عليه تعالي اسألي واحنا ماراح نقصر معاكِ
ومعلومه خذيها (أقرب طريق إلى قلب الزوج معدته)
ربي يسعدك ويوفقك بحياتك يالغلا

اي يلا حان وقت التغير ابدي اليوم . ,.الا أحين سوي الغدا حتى لو ماضبط هال مره المهم تجربه ترويه انك نويتي الطبخ . ,وتالي راح تضبطينها وتعزمين أهله عليهاا
قلتي يوم الجمعه بترجعي . ,اليوم وبكرا اطبخي في بيت أهلك خلي أمك تعلمك الأساسيات افتحي النت وسوي خفايف جربيها ع أهلك
ترا نحن نشوف ذا الشئ مو مهم بس له الاثر الكبير ..أقصد الطبخ والترتيب والتنظيف
أنا احين مخطوبه وامي كله تعلق اني مو مرتبه و وأنا أقول في بيت زوجي بتعدل !!
أنا كدا غرفتي لا نظفتها أسويها تلق . ,بس بشكل عام أمل
أهم شئ لا تسوفين خلصي الشغل بدري
يعني لم تطبخين غسلي ع طول الصحون لاتخلينها تتجمع عشان لا تتخيبين تغسلينهم تالي
موفقه