ساعدوني شبكتي في صفر

اولا مبروك
الله يهنيكي
روحي المساعديه بجده
وافكار حلوه فكره العصير
وسوي كوشه بسيطه انتي سويها بتل وورود طبيعيه
والله يسعدك

الف مبروك يا قلبي

بالتوفييق ياعسل..

والله انا اخذت فستان ملكتي من a&aاللي في طريق الملك مره حلو ومو غالي على حدود 3000
بس جدا ناعم وهادي والمصوره سهام وسويت الميك اب عند احلام المها شغالهم مره نايس
والكوشه سويها ناعمه تل وورد

تسلمولي على الردود ياحلوين
وفين افكار الفراشات...؟

اولا الف مبروك انا عندي فستان شبكه حق اختي كانت شبكتها بعيد الفطر لونه وردي فاتح على لحمي مقاس مديم ناعم وفخم ونعوم مو نافش الشبكه كانت في البيت بصراحههه شكلها كان مره حلو اذا تبغيه ايجار وبسعر رمزي انا في الخدمه واذا تبغي صور نتفاهم عالخاص والله يوفق الجميع

اول شئ الف الف الف مبروك لك يالغاليه الله يتمم لك فرحتك على خير
عجبتني فكره نافوره العصير وحطيتها براسي يمكن اسويها انا بعد
اذا تبين زفات عندي كذا زفه بدون موسيقى وبدون اسماء ارسلها لك لو حبيتي
بالنسبه للفستان روحي سوق لمسات القي نظره على الفساتين فيه او رد سي مول الدور الثاني
هذا اللي اعرفه حالياا لو طرت لي اي فكره بجي اكتبها لك
ودعواتك لي خيتو

يالغاليه انصحك تفصلين موديل من تصميمك ..
او ع الاقل موديل يليق فيك انتي نبشي بالنت وراح تلاقين ..
بس اهم شي ماتاخذين شي كل الناس شافته << هذا رايي ..
مثلي انا فصلت فستان شبكتي وبسعر ممتاز بس ب1500 والاهم انه من ذوقي يعني ضامنه مراح اشوفه ع غيري
وال1000000ف مليون مبروك

الف مبروك ياقمر وانشالله تطلعين احلى عروسه وينبهر فيك العريس<<<<
حبيبتي بقولك الافكاراللي سوتها اختي بما ان ملكتها كانت بالبيت
اختارت غرفه بالبيت اللي هي مجلس الحريم وكان فيه كنب
المهم جابت ورد طبيعي منثور ورمته على الارض ولونه احمر لان كان فستانها احمر وخلت الغرفه كلها حمرا
وبعدين على الطاوله اللي بالوسط حطت تل احمر باكلين جابت مترين وحطتها على الطاوله بشكل عشوائي ورمت عليه من الورد وحطت الكيكه كانت الكيكه كلها مزينه بالفراوله ومكتوب عليها اسمائهم
وجابت كاسة عصير كبيره وحطت فيها عصير فراوله وحطت فيها مصاص كبير وزينته بالشرايط والورد الاحمروكمان الكاسه زينتها
وجابت شموع حمرا وحطتها على الطاوله والسكين والشوكه بعد زينتها
وطبعا الغرفه كلها كانت اضائتها خافته ورمت بلونات حمرا على الارض
وجابت طاوله صغيره على الجنب وحطت عليها المسجل
طبعا هذي الغرفه كانت بس اختي فيها الضيوف كانوا بمجلس الرجال
وبعدين خطيبها دخل عليها وجلسوا بالغرفه لوحدهم يتصورا وبعدين شغلنا المسجل وجوا اهل خطيبها بالغرفه وسلموا عليها وبعدين انزفت عند المعازيم
وكمان حطينا نافوره العصير والشوكولاته بالاستقبال
وبعدين لما وزعنا الكاسات على المعازيم حطينا بالكاسات الثلج المضيء