ساعدوني في اختيار لون غرفتي

أنا أحب اللون الابيض أحس تقدري تأثثي وتتفنني زي ما تبغي ,,,,,,,
بس ومن باب التغيير التفاحي حلو مرة وممكن الموف الفاتح هذي ألوان مفرفشة وتفتح النفس
بالتوفي ق

والله انا رايي لون غرفتك يكون حسب شخصيتك انتي وزوجك
يعني تدورن الراحه والاسترخاء وانت من النوع اللي
مثلا طول الوقت مشغولين جربي الوان الموف الازرق وكمان التفاحي البارد حلو والمشمشي او المنجاوي حلو
وعندك بعد القرنفلي حلو
وانا شخصيا لون غرفة نومي سماوي والسقف ابيض والسيراميك على شكل باركيه ولونه ابيض بس مواللون الابيض الفاقع
وغرفة نومي خشبي فاتح
والمفرش اي لون احطه يليق عليها سواء كان زهر او احمر تفاحي
واغيير لون الفرشه اللي بالغرفه حسب مزاجي
مقصودي من كلامي هذا مو تحطين لون صعب تتوهقين بالاثاث فيه
ولا تخليه يلمع خليها تكون مطفيه
وتحكمي باماكن الاضاءه والوانها عشان تطلعين بلوك مختلف كل ما حبيتي
والله يسعدك ويهنيك فيها يارب

والله على حسب ذوقك اختي وعلى حسب المحل اللي بتاخذين منه فيه موديلات وألوان روعه بس لازم الوحده تطلع السوق وتشوف الألوان اللي تناسبها والديكورات....تقبلي مروري

من ناحية غرفة النوم ابعدي عن العودي ودرجاته كثير
يقولون انه ممل عليك بالفواتح
اما غرفة المعيشه عكس تماما الالوان الغامقه
مثل الزيتي او العنابي اوالبني
يارب اكون افدتك

من رايي
اورنج وبني محروق ...

غرفه النوم الجدران تكون تعتيق او ورق جدران احمر داكن مع ليموني او ذهبي
والغرفه لون الخشب يكون بيج داكن مايل لليمون وزينيها باكسسوارات ذهبي
اما غرفه المعيشه ( فلوكنتي من الي بتاكلون ع طاوله طعام فما فيه احلى من البني المحروق لها والفرش او السيراميك يكون سكري او برتقالي
وان كان بتحطي جلسه عربي فاايد يكون بديكور بيت الشعر ( رصاصي وعنابي ) او اي لونين متنا سقه مثل الزيتي واليموني
البنك والبني
اليلك وموف فاتح
امهم تكون الفرشه او السجاد الي بتحطيه داكن

اشكر كل من شاركني الرأي ولكم مني خالص الدعوات
ودمتم بوود..

غرفه النوم اورنج او تفاحي كذاا والخشب بني محروق