ساعدوني في تائثيث بيتي الجديد

ان شاء الله البنات اللى اثثو جديد يساعدوكي
طيب انتي من فين عشان يفيدوكي بالمحلات

msh-2255
مشكوره ياقلبي على الرد
انا دكرت اني من جده

شوفي حبيبتي انا نفس حالتك بس الحمدلله خلصت التكسير الحمامات والمطبخ في رمضان واخدت سيرميك الحمامات من الميرو في طريق المدينه وقبل الميرو في محل اسمه شركة الاباء للسرميك الاسباني اخدت من عندو سيرميك ارضيات البيت اول ماتدخلي المحل خليه يوريكي سيرميك النقشات الي هيا الديكور الي ينحط في نص الغرفه صراحه يجنن فيه نفس النقشه الي اخدتها الوان شي دهبي ورمادي شي دهبي وزيتي شي رمادي كامل رجيتك بكلامي الكتير بس بصراحه درت مالمحلات كلها الي في جده ما عجبني شي الا الي في الميرو ودا الاسباني وعندك محلات المطبخ الف نون لما فصلت عندو سئلتو لكم فرع في جده قال ايوه بس والله مني عارفه فين بس اسال واقلك انا من المدينه بس ساكنه في جده مؤقتا ان شاء الله مطبخي انا 3في 3 بيفصلي هو بي 15000من ناحية الاثاث عندك المنزل والمطلق صح غالي بس انيق ومن ناحيه المعلم الي تتفقي معاه لا حبيبتي لما تشتري متلا كنب المحل الي يوصلو لكي وانتي تكوني واقف معاهم تقولي حط دا هينا وجيب دا هينا والابجورات المعلقه انصحك لا ترقعي كل غرفه ابجوره شكل خليها كلها شكل واحد بس تختلف يعني وحده نازله شويه وحده مفروده شويه علي نفس السقف والاسياب خليها صغيره النوع الي حابه اوصلك هوه الي تيجيكي النجفه زي الحديده فضي مبروومه ونهايتها المبه صغيره المبه نص الاصباع وزي كدا كل النجفه مني عارفه اوصلك الفكره بس اتمني انك فهمتيني في نقطة الابجورات واي سوال انا جاهزه>>>>>>طولت عليكي معليش

..
وعليكم السلآم ورحمة الله وبركآتةة
الله يعينك على هم التاثيث
سؤالك عن المكيف والغساله مكانو التجآرب والحلول
المطبخ انتي شوفي المحل الي الأغلب يمدحو لك فصلي عندو
وجده فيها كل الخيآرات ماشاء الله
والسعر على حسب المطبخ اذا كان مطبخك كبير
الأفضل انك تجيبي انتي كل شي وتجيبي عآمل
ان شاء الله الجدآويات يفيدونك =)
:

مبروك وياليت بنات الرياض يساعدوني لان نفس حالتك

الله يوفقك ياعسوله

حلايا يجنن
ربي يسعدك على ردك المفيد
طيب الحمام الواحد تقريبا كم كلفك كامل ؟؟ بس عشان اكون ماخده فكره عن الاسعار قبل ماانزل اشتري
ومطابخ الف نون عندو كل الانواع ولا بس خشب؟؟ لاني ابغى مطبخ مودرن
ولو عندك فكره عن محلات ورق الجدران قوليلي الله يرضى عليك
مره شكرا

سحاب
ايوه والله انه هم وتعب الله يعين ويسهل ان شاء الله
جزاك الله خير ياقلبي