ساعدوني كيف اقنعه

شوفي انا ببداية زواجي كنت البس كتف .. ومرتاحه مسترة وكل شي الين في يوم من الايام قرر زوجي اني البس على الراس .قلت عادي اهم شي الستر .. لبستها بس كم يوم.. قال لي لاعاد تلبسينها اذا ركبت السيارةصدري يبان واذا مشيت لبسي من تحت ومره تطيح من على راسي ويظهر الرقبه والظهر وولدي ماقدر اشيله ولا قدر احمل شي غير شنطتي .. قال لي ارجعي للكتف.. بس الطرحه عريضه وتغطي

مافهمت جنتيات

انا عندي طريقه وجربتها ونفعت وماابغى اقولها علشان مااكسب اثم

قولي طيب بلبس عباة راس
ويوم الزواج بتلبسين كتف وطرحه كبيره عشان تغطي التسريحه
وشوي شوي لين ما يتعود ان الكتف مو قلة ادب
انا قالي كذا ايام الملكه ولبست كتف
ولا درى اني البس كتف

اسمعي كلام زوجك ياحلوه

يوه ماعليك من كلامك ايام الخطوبه بكره بعد الزواج بيتغير !!
انا اول كان يهاوشني على عبايه فيها خط بلون رمادي , مره خفيف
والحين نفس هالعبايه صرت البسها بالسوق , لانها فضفاضه , ومو ملفته للنظر
هم كذا بالبدابه ,, يشددون من باب الغيره لكن لعد مايطلع معك برا ويشوفك مستوره بيسكت
اهم شيء انتي لا تعاندين وقولي ان شاء الله , يصير خير ,, لاتعطينه وعد
بس قولي بحاول اتعود عليها بعد الزواج ,,, وان شاء الله هو بينسى الموضوع

^ام لولو^

قولي له سمعا وطاعه الرجال يحب يؤمر ويشوف زوجته تطيعه
انا البس على الراس في السوق لأن الاختلاط كبير
اما في خرجات الزيارات والتماشي البس كتف بدون تطريز وساتره وطرحه طويله
اذا شافك تسمعي الكلام وشكلك ساتر ماراح يعارض
الله يسعدكم