ساعدوني محتارة غلطانة انا

1. قولولي غلطتي كبيرة


2. رد علي انه اصحابه كلهم فرحانين اما هو يوم يفرح وسبوع نتزاعل

صباح الخيرات
كيفكم يااحلى فراشات بالدنيا كلها
المهم انا الله يسلمني طايحة بمشكلة مع عتريسي خطيبي تكفون مدري بليز مدودا افكاركم وارائكم الحلوة لي

قولولي غلطتي كبيرة

تجكيم السالفة البارحة طلعت معاه وانا في اوج فرحي ندور غرفة نوم درنا لين طاحت خيوطة وماحصلت شيء اعجبني وحنا راجعين سالني وين نروح ردت بدلع ال...<<الحي الي ساكنة فية
قام برطم بسره اعرفه سألني شرايك نروح مطعم قلت لك بيني وبينك انا ماني مشتهية آكل شيء اشترى اي شيء تحبه واكله فالبيت ع طول نقز لي ايه كان انتي كل مالك نفس من تطلعين وياي تكرهين الدنيا لكن لو مع اخوانك استانستين وصار لك نفس<<<<<<<<<<<<<هالموال كل مرة اطلع معاه يطربني به بس البارحة عصبني ومن قبل يومين يقول لي انتي كل حزينة وقلت من وين ما احزن هو محسس نفسه كل غريب عني هو حساس يحاسبني ع كل كلمة اقولها شينة يترك الزين ويجي للشين وقلته اكيد مالي نفس كل مشوار اطلع معاك تطيح دموعي وسكتت وانا اتوعد له بسري رجعت البيت ورسلت له مسج وفيه
تصدق انك تسد نفسي عن كل شيء وغلطت لما فتحت قلبي ع العموم حصل خير سوء تفاهم وعلمتني درس اي شيء فيني او احس فيه ما اقول لك
رد علي شفتي ان صراحتي تزعلك وان سكت زعلتي والشقة مسكرة نفسه وجيتي انتي وزدتي الطين بلة ولا مايحتاج تكمل
رديت عليه ايه لا تكمل صراحتك تقهرني ع حد كلامك ياليت تصارحني بشيء ثاني غير المتعقدات الي مالها معنى اما كلمة مالي نفس ماقلتها لك..

رد علي انه اصحابه كلهم فرحانين اما هو يوم يفرح وسبوع نتزاعل

اتصلت عليه ومارفع الا ارسلت كم مسج ورد وهو عند اصحابة ويكلمني من طرف خشمه وسكرت لا احرجه وقبل ماينام حاولت ارضيه بس مافاد وماسكرت الا لما وعدني يرضى رسلت له مسج حلو لا تضايق وابتسم والزي منه ردي علي كيف استانس وابتسم واعز الناس لي تقول لي هالكلام
تمنى مات ولا يسمع هالكلام مني
اتصلت عليه ويش هالكلام قوله لي قال ما يعرف وتمنى مات بلحظتها ولا سمع مني عاد نراضية ولما قلته يلا قلبي لا تنام وانت كذا <<فرح ابو الهنا ورضى بس يتغلى اول مرة اقوله تسذا ما علينا
ايوه قالي انا صعبه
الحين قولولي افتح معاه اليوم الموضوع وارضيه بهديه ونطلع
لو انسى الموضوع
قبل ما انسى انا ما حبيت اروح المطعم خفت يسوي لي حركة بيني وبينكم لأن قبلها جى زيارة ولمحت فيه خبث بس اختي خربت عليه واستحة وطلع
ساعدوني يا ذوات الخبرة
امي متوفيه ربي يرحمها وخواتي صغار ومااعرف راسي من كرياسي..
عطيتكم الموجز
أول مرة نتهاوش تسذا
سؤالي هل غلطت عليه<< سؤال بريء ههه
وكمان يستاهل يزعل عليه..
نسمع تعليقكم.