ساعدوني يالمتزوجات في تنظيم وقتي تعبت

حبيبتي الفراشه المحترقه
اللي خلاني ارد على موضوعك اني انا متزوجه صار لي 3سنين الاشهرين واسم ولدي حمودي راح يكمل سنتين بعد شهر ونص (مصادفه صح ههه)
واضح من كلامك انك ماتشتغلين وهذي نقطه تنحسب ليكي لانك عندك وقت
نظمي نوم ولدك بحيث يكون عندك وقت لنفسك (من استحمام وحف ورياضه) ويكون عندك وقت مع زوجك لوحدكم
اذا في امكانيه تودين حمودي عند امك من الصبح لين في الليل تمارسين في هاليوم كل اللي نفسك فيه

يعني قولي الحمدالله انك ما تشتغلين انا اقولج..........
نظمي وقت نومك حاولي تقعدين بدري يعني مو الصباح ساعه 7 لا نامي شوي قعدي 10 وافطري وفطري ولدج ونظفي البيت وسوي الغذاء ومعاه طبق سويت عشان يحلي ابو الشباب بعد الغذا
والاهم تسبحي وتنظفي وما يرد الا انتي رضعتي ولدك ونموتيه وعطيه الابتسامه شبرين وسولفي واضحكي والبسي ملابس حلوه
اما على وزنك
اهتمي بالرياضه اشتريلك جهاز مشي والعبي لج نص باليوم الصبح ونص ساعه العصر وخليه يشوفك وانتي تلعبي عشان يحس انك تحاولين تهتمين بنفسك
وبطلي الاكل الزايد والنووم والراحه
اهتمي يجسمج وبلبسج لانه الرياييل بصراحه يهتمون بهالشي وايد
وان شاء الله اكون افدتج
تحياتي
ام شهد

مشكوره أختي الفراشة الطائره ماقصرتي
الله يعطيك ألف عافيه على نصايحك راح أحاول من اليوم إني أتنظم شورك وهدايت الله

أنا من رأي الفراشات ..أهم شي الولد ما يسهر ، النوم باكرا والاستيقاظ باكرا له أثر طيب على النفس ، كما أن الأرزاق توزع مع الصباح ،واذا جيتي تنامين ، سبحي 33 واحمدي33 وكبيري 34وقولي لا اله الله وحده لاشريك له الملك وله الحمد وهو على كل شيء قدير.وهذه وصية سيد البشر صلى الله عليه وسلم لفاطمة رضي الله عنها حين سالته خادما . فهذه الأذكار عون لك ، والصبح افطري مع ابنك مرة وحده عشان ما تنظفي مرتين وجهزيه وخليه مع الألعاب ورحاولي تنظفي الحمامات كل يوم بس الغسل خليه الصبح والكوي في المساء أو فترة نومة ابنك الظهر ، واذا ما تقدرين تمشين مع حد من البنات خذي جهاز مشي في البيت ، ابدي ب10 دقايق وزيدي ، صدقيني المسألة كلها تنظيم وارادة .. والله يقويك ، وخلي عنك الحلو الا 2-3 ملاعق بس والمكسرات لا ، والحليب كامل الدسم والقشطة لا، وكلي خبز أسمر يشبع بسرعة ، ولا تاكلين بين الوجبات وسمعت طبيب يقول الأكل في الليل ، يزيد الوزن لأن حرق السعرات الحرارية في الليل تكون أقل من الصباح ، فاذا جعت اشربي شاي أخضر مع ملعقة سكر مثلا ، أو لبن قليل الدسم . والله معاك

الله يساعدك اختي وينزل وزنك واسمعي كلام الفراشات اللي قبلي

الله يعطيكم العافيه ما قصرتوا وأنا راح أقول الدعاء باستمرار وطريقتك في التنظيم عجبتني