ساعدوني يا متزوجات كيف اعمل ميزانيه

السلام عليكم ورحمة الله وبركاته
اخواتي الفراشات مشكلتي انا و زوجي قبل الزواج متعودين على الصرف انا في بيت اهلي طلباتي كلها مجابه وزوجي مشاءالله معروف في العايله انو يصرف كثير والحين بعد الزواج الراتب ينتهي والشهر لسى ما نتهى
متزوجين لنا سنه ونص طبعا انا و زوجي نصرف وماخذين راحتنا على الآخر مرات انا احاول انو ماصرف كثير واتفاجىء
انو زوجي مشتري عطورات ب 570 ريال طبعا العطور ادمان عند زوجي او مزين السياره ب 2000 وكل ما نزل جوال جديد راح واشتراه والمطاعم كمان مشكله وانا عندي عادي بس مو كل شهر
الحين بالقوه اتفقنا نسوي ميزانيه وهوا وافق انو نقتصد في الصرف بس المشكله ما اعرف للميزانيه
وهادي معلومات عشان تساعدوني
1- الراتب 9000 مع القرض 6000
2- ماعندي اطفال .. الله يزقني ان شاء الله
3- في المناسبات فستاني سعره مايقل عن 500 ريال وفي الأعياد اللبس الواحد 200 او 300 وطبعا اشتري 5 قطع
4- مقاضي المطبخ من بنده 500 وممكن تزيد مرات
5- اشياء الصيدليه 300 وممكن تزيد كمان
6- اقصاط الجامعه 3000
وكمان في صرفيات زوجي يعني عزايم لي اصحابو في المطعم وهدايا لي أهلو وماشاء الله مايقصر على نفسو
بليز ساعدوني كيف اقدر اقتصد