سريري غيمه في بستان

فنون ورديه

21-01-2022 - 03:37 pm

هنا تجين لجهدك انتي بعد الاتكال على الله

السلا عليكم ورحمة الله وبركاته
ابي ادخل لكم على الموضوع بدون مقدمات...
اولا لكي تحبي سريرك لابد ان يكون فيه مقومات من اهمها...
اولا::الوفره والراحه الجسديه::::
انا اتحدث عن تجربتي فقد اخترت مخداتي ولحاف سريري وحتى غطاء السرير من معرض ايكيا
اشتريت مخدتين ريش الوحده ب95 لكن جدا مريحه ومخدتين عاديات يكونون فوق الريش لان الريش بنظري ماتكفي علشان تسند راسي ورقبتي وكتفي<<<راي شخصي..
وبعدين رحت لغطاء السرير واشتريته من نفس المعرض والحلو فيه انه ناعم ومايوبر وله مغاط من جميع الجهات وله عدة مقاسات...
وبعدين اللحاف اشتريت لحاف ابيض وتلبسينه غطاء يكون مثل فكرة المخده وغطاها
والغطاء طبعا باللون اللي تختارينه وعندهم اشكال وألوان عديده وتجنن وهذا يكون احسن من انك تشترين كم مفرش كامل يضيق عليك بالمكان...
وبعدين لاتنسين ان المرتبه لازم تكون سليب هاي او بنفس جودتها...
ثانيا:::الرائحه البارده المريحه للاعصاب...

هنا تجين لجهدك انتي بعد الاتكال على الله

بالنسبه لي انا قريت عن عطر الخزامى انه يريح الاعصاب والصندل والعود وغيرها على حسب اختيارك..
اشتريت كلونيا ريف دور وخلطت معها العطورات اللي سبق وذكرتها لكم واللي اشتريتها من زهور الريف على انها فواحات..واخذت غطاء سرير قديم عندي وغرقته بالعطر اللي خلطته وحطيت الغطاء بكيس نايلون وحطيته بالفريزرلمدة 3 ايام
وبعدين اخذت الكيس وفتحته بالغرفه وطلعت الغطاء منه وحطيت الغطاء على السرير مباشره وحطيت فوقه غطاء سرير جديد وحطيت اللحاف فوقه والمخدات تحت اللحاف علشان تسحب من الريحه وراح يكون الغطاء الداخلي فيه شوي رطوبه وهذا المطلوب...
وبعد ساعتين ارفعي الحاف عنه والمخدات علشان ماتختنق العطورات وتطلع ريحه مو حلوه...
وبالليل تعالي ونامي وشوفي الهناء اللي انا فيه...
ملاحظات...
اغطية ايكيا مايتغير لونها ولا توبر ولا تملها العين فانصحك بها...
خلطة العطور اياً كانت لاتضيفين لها موية ورد لانها تذوب الريحه وتعدم لك الخلطه....
واخيرا ادعولي تكفون ان الله يكفيني شر المبغضين والحساد ويخلي لي اهلي و زوجي وعيالي

التعليقات (9)