سر جمآل إليابانيآإت

السلام عليكم شلونكم شخباركم انا اليوم جايبهلكم موضوع مشوق شوي
لا لالا مو شوي الا كثير
انا قريت شي عجيب وحبيت انقله لكم لانه بجد شئ رائع
وراح تندهشون ان هذا هو بس السبب واتمنى ان يعجبكم الموضوع مثل ما عجبني
تقول وحده من الاخوات بإحدى دول الخليج :
رحت البارحه السوق ودخلت محل وفجأه دخلت ذيك اليابانيه اللي لفتت انتباهي
شو يابانيه
عليها بشره تجن
صافيه
بيضا
مشدوده تقولن بلاستيكه حشا مب بشره
خاليه من التجاعيد
تلمع تتمنظرين فيها من لمعتها
المهم قربت منها وانا مبحلقه في ويها بصرااحه ماقد شفت بشره بهالحلاوه كلها
وانا اطالعها تضحك حليلها ومستغربه مني .. يوم شفتها تبتسم ابتسمت وتكلمت معاها
وتمينا نهذرب شوي وبعدها قلتلها شو هالبشره الحلوه وتميت امدحها وابتسمت
وبكل ثقه قالتلي كم ظنج عمري قلتلها شكلج توج في الثلاثين او 28 مب اكثر
ضحكت ومن خاطرها ... استغربت وقلتلها ليش اكيد اصغر صح
وردت وضحكت قالتلي انا كبر يدتج ههه
ماصدقت قالتلي 60 صراحه ماصدقت انصدمت
معقوله هالبشره
نضاره ومشدوده ولا تجاعيد وويه مثل البيبي 60
قلتلها شو سر هالشباب وهالبشره المشدوده والحلوه
تدرون شو قالتلي
قالتلي البيض انصدمت مره ثانيه .؟؟؟ كيف البيض شو يعني
قالت مرتين في الاسبوع استخدم السكر سكراب لبشرتي وبعدها ادهن ويهي بزلال البيض
ماسك
وسالتها شو المقادير وشو فايدته
قالت اول شي تغسلين ويهج ويكون نظيف ويكون مبلل وتيبين شوية سكر وتفركيبه ويهج
بشكل دائري وتغسلينه
وبعدها هاتي بيضه وخذي منها الزلال بس من دون الصفار
وادهنيبه ويهج وخليه لين يجف
اما عن الفايده قالت ان السكر يزيل الخلايا الميته ويحرك الدوره الدمويه
والبيض يشد الويه ويعطي نضاره ومايخلي التجاعيد تطلع بسرعه
وقالتلي لعيونها تحط العسل ماسك
وقبل لانسى نصحتني بشرب الماي وايد واكثر من اكل الفواكه والخضروات
ونبعد عن الدهون لانها عدو البشره والاهتمام اليومي بالبشره اي بالمنظفات صبح وليل
وبهالطريقه نتم شباب على طول مثلها