سر رشاقة السوريات واللبنانيات

والله يا حبيبتى مو بس السوريات واللبنانيات كل دول العالم تلاحظين احيانا هذا المنظر يعنى مو حصر عليهم اتمنى انك تعتزين بنفسك وبديرتك ونساءها و لاتحطين فى بالك انهم دايم احسن منك فى شى بالعكس

بالعكس مو شرط سوريه والا لبنانيه اعرف كثير من قريبنا مشاء الله مكانها ولدت ومعاها اربعه وسته
اختي عندها اربعه ومكانها ولدت واختي الثانيه عكسها وخالتاي كيذا
وكذا مره اشووف سوريات بالمستشفى سمينات مو شرط
ويسلمو على هالموضوع
(عاشقه دمدومه ) يسلمو بوقك على هالكلام

شوفي أكلهم وتعرفين السبب التبوله والحمص والبابا غنوج ولا حنا ياسعوديين قوم الرز والدجاج ونأكل حتى نشبع ,,,,, وااللي اثبت كلامي اهلي راحوا للبنان قبل كم سنه وقعدوا شهر رجعوا كلهم نحاف وميتين يبون يذوقون كبسه،،،،وسلامتك.

بلبله
هذا الكلام الصح
الخليجيين مايعتبرون الغدا غدا اذا ماكان فيه دسم وشحم ولحم
وهما السوريين لا....... يحبون الخفايف اكثر والسلطات وهذا الشي واضح

ما ينقصنا في الدول العربية هي التوعية الغذائية وتحسين نمط الغذاء اليومي
كله يعتمد على النظام الغذائي ... وعلى الانسان ان يعود نفسه على الاكل الصحي وسيرى نتائج حتما ترضيه
ويستطيع ذلك ان هو قرر لذلك وفي اي مكان في الشرق او الغرب ...
شكرا لك

شوفي ياحلوه
هذا مو محصور ع بلد معين
كل بلد فيها كذا وكذا .. انتي روحي لبنان وسورياا وشوفي الاجسام
ومن جد بتتفاجئين باللي تشوفينه
من جد شي غير عن اللي حاطينه ببالناا من اللي نشووفه بالقنوات .. ومنغرين
وانا اعتقد هالشي يعتمد ع نوعية الجسم وماله دخل الاكل
والله ناس تااكل رز ولحم وكل شي دسم ولا يأثر فيهم .. وناس خفايف وشوفي اجساامهم
سلملم

اشكر كل اللي ردوا واحب اقولك ياعاشقة دمدومه اني الحمد لله معتزه بنفسي وواثقه في نفسي والحمد لله انا رشيقه وحلوه بس اظن سؤالي ماله دخل بالأعتزاز بالنفس وماقلت انهم احسن مني في شي انا قلت اني الاحظ انهم رشيقات واعرف ان كل العالم فيه الرشيقه وفيه السمينه بس انا عن نفسي ماقد شفت ولا سوريه او لبنانيه سمينه إلا الكبار في السن

حبيبتي احنا نشووفهم بالتلفزيون والا هم ترى غير كله شفط وزي كذا
لاكن اعرف ناس راحو هناك يقولون مره اجساام ياربي لك الحمد هع
يعني هما زينا في ناس نحاف وفي متان يعني عادي
وبس واصلا اكلهم كله زي ماقالت الاخت فووق منها يكون زي الرجيم الدائم ومنها تفتيح للبشره ..
اسفه اذا قلت شي غلط

هي ما تقصد بس السوريات و اللبنانيات انما كمثال ...الاخت قصدها ان بعض الدول اتكون الرشاقة سائدة و نسبة السمنة قليلة مو انها مو موجودة ..و مو بس سوريا و لبنان ..المغرب / فرنسا / اسبانيا ..و بعض الدول الاوربية
و انا ايضا لاحظت الشي هذا و كل ما اسافر احاول اعرف السبب هل هو جينات ..او ..او ...
و تصادف اني سافرت فرنسا للدراسة ...و عشت هناك مدة استطعت فيها التغلغل في المجتمع الفرنسي المهوس بالرشاقة
اولا التركيز على النظام الغذائي :
لو اتروحين اي جمعية اغلبيه الارفف تلقين منتجات قليلة الدسم / للريجيم / قليل السعرات الحرارية ....
و هذولي الي عليهم الاقبال اكثر شي
الخضار يعتمدون على الخضار في اكلهم بشكل يومي ...و حنا يمكن يطوف يوم و اثنين و ثلاثة و بس طايحين بالمجابيس ....
الرياضة ..الاغلبية مشتركين في نوادي رياضية او يمارسون اي نشاط رياضي بانتظام
الحركة ...المشي و المشي ثم المشي ...يا حول حنا الوحدة مستحيل تمشي في الشارع لو تبي بس الجمعية ...لازم سيارة
و شغله بعد لاحظتها في فرنسا ...اذا انتي في سوق او مجمع ..تلقين كل الناس يستعملون الدرج العادي و الاصنصيرات فاضية ما يستعملونها الا الناس الكبار او المعاقين ...و حنا العكس طبعا
اما في لبنان و سوريا
اول شي الجو حلو
ثاني شي الاكل كله سلطات و صواني ...الخ
الحركة : الشاميات عموما يطلعون يمشون و يقضون مصالح البيت
الاستيقاظ مبكرا : الساعه 7 الاغلبية ايقومون مو نفس للساعة 11 نتمغط ههه
و الشي الاساسي سواءا في كل ها الدول ان الاقلية هم الي عندهم خدامات ...و الاغلبية يسوون شغل البيت بنفسهم ..
و نفس ما انتوا شايفين بالخليج البيت الواحد لا يخلو من خدامة او 2
و سلامتكم