سلختونا يا قاعة روز

و بعدين معاهم ..
غير ايجار القاعة ب 40 ألف عشان في وسط الاسبوع .. لو اربعاء او خميس ب 45 ألف
تخيلو ..
رسوم دخول كوشة من محل غير المحل اللي متعاملين معاه ب 2000 ريال
رسوم دخول كوافيره ب 1000 ريال .. (القاعة مافيها كوافيره )
قبل اسبوعين رحنا قالت المشرفة لتزيين الاستاند حق المعجنات و الحلويات اللي على الطاولة ب 55 ريال
اما اذا تبغين فازة طويله ب 70 ريال ..و حسب اذا ورد او كرستال
بعدها بأسبوع رحنا و كانت مشرفة ثانية ايش تقول ..
اي تزيين على الطاولة ب 100 ريال
المشرفة الاولى قالت .. الكابتشينو ب 1500 ريال
و المشرفة الثانية قالت .. ب 2000 ريال
طاولة المدخل اللي فيها حلاوة و هيل و لبان ب 1500 ريال و العلب صغيره
بما انو في رسوم للكوشة قلنا نشوف اللي عندهم ..
كللها قديمة .. و في اول وحده بالالبوم حلوة ب 6500 ريال..
سالت المشرفة الاولى .. الكرسي يجي مع الكوشة ( غير كرسي القاعة )
قالت لا .. هذا سعره لحاله ب 1000 ريال ..
و سالتها عن اللون .. قالت ابيض ..
سألت المشرفة الثانية .. الكرسي يجي مع الكوشة ..
قالت .. ايوا .. هذا سعره شامل كل شي ..
و لون الكرسي رمادي .. !!!
سألت المشرفة الاولى .. اذا في كوافيره .. قالت لأ مافي ..
قلت خلاص بنجيب كوافيره للقاعة .. عسى مافي رسوم بس ؟؟
و ضحكت و قالت .. لأ .. عادي مافي رسوم ..
المشرفة الثانية .. قالت .. اذا بتجيبوا كوافيرا ادفعوا رسوم 1000 ريال
و غير كذا ..
المويه بفلوس ..
يعني وين المشكلة لما يشتروا برادة مويه و قارورة مويه بريالين ..
تكفي المعازييم كلهم ..
بالعربي ..
ندمنا ..