سوالف عشق ولهانه

حبيبي كثر شوقي لك وبعد اكثر..
أنا اشتاق
تعال اسهر..
تعال المس يديني .. حس بالهوى فيني
ببرد برعشة الأشواق
تعال اجمع شتاتي .. وما تبعثر من سنيني
ضمني اسمع أنيني
آهات وصدى نبضات .. تنادي لك من الأعماق
وينك حياتي؟؟
كل صحاري الشوق جفت تنتظر رشة سماك
ليه ما تروي حنيني وخافق نبضه هواك
منيته .. يحضن دفاك
فرحته.. وكل الأمل في دنيته ..
بضحكة شفاك
هاجسه.. لحظة لقاك
وتقضي باقي العمر قربه تبقى معه ويبقى معاك
بس تكفى
لاتزيد جروحه..
لاتقسى معاه
انت روحه..
والامان بهالحياه
هذا حبك وش بلاه؟؟
صار همي
صار يسري في عروقي مثل دمي
صرت اخاف
ومن عيوني عليك اسمي
حبيبي يا اغلى المنى..
نفسي اهديك العمر
بس كيف؟؟
وانت اغلى من العمر
انت انا
وانت لايامي الهنا
ماتدري يا اجمل قدر؟؟
كل ليلة اناجيها..
( سوالف عشق ولهانه)
احس فيها واحضنها..
( مشاعر حيل هيمانه)
آآآآآآه يابدر
ولالحظة يفارقني سنا طيوفك..
دايم على بالي تمر
ولوتبعد..
اتالم واتعذب
تجي تسعفني حروفك..
وانسى اوقات الزعل
ولا كن شي صار ولاكني مت من القهر!!
آآآآآآه منك
مابقى فيني عقل !!
انا اشفيني ؟؟
هالسؤال بكل لحظة اساله
فيني وله ؟؟
فيني سوالف صمت مشتاقه له ؟؟
فيني جنون الحب او حب مجنون ؟!!!!
فيني مشاعر مذهله ؟؟
او يمكن طعون قلب حنون
محتاجه له محتاجه له
مدري جوابي
اجهله ؟؟!!