سوال لبنات الامارات تكفن ردن علية

اوراق الجوري

14-12-2022 - 12:11 am

بسم الله الرحمن الرحيم اول شي
السلام عليكم ورحمة الله وبركاتة
كيفكن يالغاليات وش اخباركن
انشالله مبسوطات وفرحانات
بصراحة
عندي سؤال لكن
يالغاليات وش اللى يخلي شعوركن سوداء وناعمة لما اشوفها بالفديو كليب اشوفها ناعمة واحسها قوية الشعرة؟؟؟؟
الف شكر لكن اذا رديتن علية مع حبي وتقديري لكن
تكفن ردن علية ولا تطنشني ا ختكن اورا ق الجوري

التعليقات (9)

الغرنجيه

14-12-2022 - 02:52 am

ههه
بصراحه ما اعرف بس انا شعري طبيعي جذي اسود وناعم

قش قش

14-12-2022 - 03:53 am

صح كلام اوراق الجوري وش تسون ماهي طبيعية اكيد في شر تكفون علمونا

أم حموود

14-12-2022 - 04:54 am

ههه
والله سؤالك حلو بس اعتقد السبب من الماء

نيران الكعبي

14-12-2022 - 05:55 am

والله أختي أنا هم بعد من الأمارات وشعري أسود طويل وناعم
بقولج نص بنات الامارات شو يسون عسب يصير شعرهم حلو
أول شيء الشعر الحليو وراثه عند اهل الامارات
ثاني شيء كل يوم يدلكون فروة الشعر بزيت ( الآس ) ما ادري أنتو شو تسمونه
هو ريحته حلوة تشبه العطر وما يزيت الشعر بعد ... تحصلينه عند العطارين وفي منه بودرة بعد بس انا عمري ما استخدمت البودرة كله استخدم الزيت
وهو يطول الشعر بطريقه رهيبة ... وهالزيت مورث لنا من جداتنا كانوا يستخدمونه
اتصدقين يدتي عمرها شيء وثمانين بس ما شااء الله شعرها اللين ركبتها
بس لونه مو اسود لا لون الحنه لانه تحنيه دوم ,,,
تحياتي لج حبوبة

فتاة العرب

14-12-2022 - 06:56 am

وانا بعد من الامارات .. بس على فكرة الماي مب زينة وايد ..
أحسن ماي لقينها في دول الخليج الي سافرناها في الكويت ... وايد زينة مايهم
اما عن طبيعة شعورنا .. حبيبتي بقولج انا لاحظت اغلب البنات عندنا الشعرة تكون ناعمة .,. يعني نعمة من الله ووراثة من الاهل .. اما عن الي يسود الشعر نحن يا طويلة العمر نستخدم الزيوت وايد ( نسميه دهان )
احسن شي زيت الخروع .. وزيت الزيتون .. وزيت جوز الهند
اما انا عن طبيعة شعري .. فهو من النوع ناعم جدا .. بس لونه بني في الشمس يعطيج لمعه حمرة .. كانه محني دوم
فحاليا استخدمله خلطة علشان تغلظه وهي وايد زينة ..
جيبي زيت جوز الهند ( القوطي الاخضر )
جيبي راسين ثوم ودقيهم
وحطيهم في قدر واغليهم شوي على االنار
واحط منه 3 مرات في الاسبوع .. لمدة ساعة ومرات 40 دقيقة ..
وعلشان الريحةاغسله بالقهوة التركية اخلطها بالشامبو ... على فكرة احسها غمقت شعري
وفي شي يلوع الجبد اهالينا قالولنا عليه ... انه حريم اول كانوا يشربون ( بول الناقة ) يخلي الشعر اسود وغليظ ... وايد زين للشعر .. بس حاليبا ما يستخدمونه لانه الاكل الي ياكلونه الناقة كله كيماوي .. احسن الاباعر في السعودية .. لانهم يرعون من خيرات الارض
اي سؤال حاضرين
بالتوفيق

اوراق الجوري

14-12-2022 - 07:57 am

مشكورات خواتي على المرور ومشكورة اختي فتاة العرب على الوصفة اللى اعطيتيني ويارب يجعل شعوركن كلها حلا وقوة
اللع يعطيكن العافية يارب

الفراشة الاماراتية

14-12-2022 - 08:58 am

حبيبتى اوراق الجورى
الشعر الويل هذا اعتقد وراثة
بالنسبة لى شعري طويل من الله ما اهتم بة وايد لونة بنى على احمر فى الشمس
وبقول لج الزيت اللى استخدمة
خليط من ( زيت الزيتون , فازلين , فاتيك )
زيت الزيتون وايد يناسب شعرى
بالاضافة للحناء اللى تفيد الشعر
ان شاء الله اكون رديد على استفسارج

الألماس

14-12-2022 - 09:59 am

اختي فتاة العرب ابقول لج شي اهلنا لول كانوا يغسلون شعورهم ببول الناقه وويشربونه عشان يحلهم وينظف البطن حبيت اوضح بس واسفه اذا دخلت عرض وبالتوفيق .

بنت_ديور

14-12-2022 - 11:00 am

ههه
اختي الي في الفيديو كليب كلم مغربيات وروسيات وعربيات
طويلت العمر بنات الامارات ما يطلعن في الفيديو كليب منقوود
وثانيا عني انا شعري اقر قامج وخواتي اسود غامج يعني هذا كله طبيعي من الله

للخبيرات←
ابغى شعر جذاب بلا عذاب بليز ادخلوا→