شات لعرائس الاردن

مرحبا بما انو في خيار وفقوس قررنا انا ومهندسة ميكانيك نعمل شات وندردش براحتنا شو رايكم

صبايانا ما تنسو تخبرونا بكل الاشياء اللي بتعرفوها
هلا انا انشالله ناويه اعمل بقاعات النعمان انا شفتها كتير حلوه بس بدها شويه تعديلات وعندي فكره لدخول العرسان انشالله ناويه اعملها كمان بس ما رح احكيلكم عنها هلا بس اشوف انه كل الصبايا تفاعلو ورجعو من جديد

أنا رشوش معكم ..
شكرا كتير لولو وأسوم على هالاقتراح ..
وشو ما بدهم العرايس أنا حاضرة ومن عيوني ..
ومبروك لكل العرايس والتمام على خير بإذن ربنا ..

مهندسه ميكانيك
واو
لولو راح تعملي بالنعمان .. صرنا تنتين .. القاعات عن جد بتجنن ..
وفي مجال واسع لتبدعي بالأفكار فيها ..
بس هييّ غالية .. كل ما بدّك تضيفي شغلة واو ومميزة .. بيطلع المبلغ المقابلها مو واو .. واوين ..
الله يسعدك ويوفقك ..

هلا واله
هيك الواحد بيحكي برااحته

امول و اسوم
بجد انكم خاينات
طيب فتحتو موضوع ابعتو على الخاص لاعرف :(
امول متى عرسك تحدد على الصيف او شو؟

هادول أكمن موضوع أنا كتبتهم بخصّو العرايس ..
جهاز العروس
http://alfrasha.maktoob.com/showthread.php?t=323092
شنطة شهر العسل
http://alfrasha.maktoob.com/showthread.php?t=361692
جهاز العريس
http://alfrasha.maktoob.com/showthread.php?t=325549
تلبيسة الذهب
http://alfrasha.maktoob.com/showthread.php?t=322172
جهاز المطبخ
http://alfrasha.maktoob.com/showthread.php?t=364273

نبلّش بنصيحة للعرايس بتخص الجهاز
لا تزنقو حالكم بالوقت وتحكو بكّير على الجهاز .. أو لسّه معي وقت .. أو من هون للصيف بتنزل موديلات جديدة .. أو بتستني تحدا ينزل معك .. أو بدّك تشاوري دار حماكي ... إلخ
بالعكس ..
من هلاّ شوفو الأشياء اللي ما بتروح موضتها واشتروها وضبّوها ..
مشان ما تحسّو إنو في كتير إشياء عليكم قبل العرس ..
وبعدين لمّا تقعدو تشترو الأشياء من هلاّ لأكمن شهر قدام ..
ما راح تحسّو بإنكم صرفتو كتير ..
بس لمّا تشتروها مرّة وحدة .. هون المصيبة ..
واستغلي التنزيلات وتبديل المواسم ..
أتوقع بعد العيد راح يبلشو ينزلو الشتوي ..
وراح تنزل أسعار الصيفي ..
فشوفو الأشياء الصيفية البيتية اللي مو مرتبطة بالوقت ..
أكتبي قائمتك بعد ما تستشيري فيها إمك .. وخواتك وقريباتك اللي اتزوجو .. وإحنا طبعا ههه ..
وبعدها اشتري وضبّي بهالشنطة وشطبي من القائمة ..
وهاي بعض الأشياء اللّي ما إلها موضة أو ما بتروح موضتها :
الملابس الداخلية .. طبعا مو مرتبطة بموضة معينة خاصة القطنية ..
كل ما يعجبك بدي أو بروتيل مميز اشتريه .. لأنو راح تلزمك مجموعة كبيرة منهم .. ومستحيل تلاقيها بنفس الوقت .. يعني مستحيل تحكي أنا راح أحدد هال 3 أيام مشان اشتري البلايز بأنواعها فيها .. طيب افرضي ما لقيتي الموديل أو اللون أو السايز اللي بناسبك بالفترة اللّي حددتيها..
:aw10
علبة المجوهرات .. صندوق خشب أو علبة مخمل .. مشان تضبي الذهب لمّا تشتريه .. وأي اكسسوارات تانية .. ممكن تشتريلها جوارير صغيرة ..
:aw10
ماكينة لإزالة الشعر .. ومنّو بتتعودي على استخدامها قبل الزيجة ..
وإنتي أصلا من هلاّ لازم اتعودي جسمك على شيل الشعر بالحلاوة ..
:aw10
إشيا رومانسية متل الشموع والورد المعطر وقماش شيفون للتخت ونجوم مضيئة .. لأنك راح تنسيها بآخر الوقت .. وأكيد راح تلزمك في شهر العسل ..
:aw10
كانت إمي الله يرحمها موصية صاحباتها على شراشف مطرزة من مصر .. حلوين .. لإلي ولأختي .. ولهلاّ ضاببتهم ..
Covers للتخت سادة أوكارو أو مقلم أو مطرز أو ... أتوقع 2 كافي ..
أنا اشتريت واحد لونه سكّري وعليه نقشات بنية ناعمة فترة ما كان فيه تنزيلات على محل راقي جدا جدا .. كان ب 1200 درهم وأخدته ب 600 درهم ..
:aw10
إذا في إشياء للمطبخ ممكن تعجبك برضو اشتريها بوقتها .. لأنو اللي بروح ما برجع ..
أنا بتذكر قبل ما أنخطب اشتريت درزن مناديل لطاولة السفرة كانت نوعيتهم منيحة ولونهم والتطريز اللي عليهم رائع ..
واشتريت درزن صحون مكسرات من القرية العالمية من دولة في جنوب افريقيا .. مميزات وشكلهم غريب .. من العاج ..
واشتريت ماكينة صغيرة بس للبصل من جماعة كوريين .. كتير عملية ..
وفيه مكسر للنسكافيه .. ب 5 دراهم بس ما بلاقيه بأي مكان ..
وفي صحون خشبية متل تبعون أيام زمان للفواكه .. اشتريتلي 6 ..
:aw10
أطقم الحمام الخاصة فيكي وفي زوجك .. وحتى اكسسوارات الحمام ..
لأنو أكيد لمّا يقرّب وقت العرس راح تبلشو تشترو الأساسيات ويادوب المصاري تكفيكم .. ساعتها ما راح تهكلي هم الكماليات لأنك شاريتها من قبل ..
:aw10
وأي تحف مميزة وملتفة للانتباه وممكن تلبق على ديكور بيتك شو ما كان .. اشتريها وما بتتندمي ..
:aw10
هلاّ فيه شغلة مهمة ..
لمّا تشتري طقم أو لبسة وتيجي تضبيها بالشنطة .. ضبيها كاملة .. يعني مع المنديل والقمطة وبروتيل إذا بلزمها أو أي اكسوارات ..
وكمان شغلة ..
أي شي بخص المكياج والعطور والكريمات لا تفكري تجهزيه من هلاّ .. لأنو إلهم تاريخ انتهاء مدة ..

انا حابه اضيف على كلام مروش انه اي قطعه بتعجبك لما تشتريها لاتندمي ازا طلع احلى منها لانها سنه الحياه بئى استمتعي بالقطعه اللي اشتريتيها وما تخافي
بالنسبه للانجري انا من يومين نزلت على ماكس بمكه مول كان في عندهم بيجامات بتجنن
اشتريت وحده ساتان عرايسي لون تركواز بجد حلو واشتريت بناطيل بيجاما كتان لون زهر فيه تعريقات دهبي ولبئت عليه بروتيل دهبي عرايسي يعني بيبيدولل.....
رشا انا حسبولي القاعه الملوكيه او اي قاعتين تنتين بي 2600 مع سناك بس بدون داتاشو ولا بالون دبل اي اضافه انا رح ادفع مقابلها
والاشياء اللي حابه اضيفها داتاشو وفيديو كليب وبالون دبل او ممكن صندوق فيه حمامتين
حابه احط الstage مو ورد كان عندهم واحد متاجرينه الارضيه تبعته قزاز وتحتها اناره وخلفها كلها سبوتلايت شي جدا رومانسي حابه كمان اضيف تبخيره الي واله....
والاحلا من هيك حابه اعمل فكره انو انزف انا وايا بزفه برانيه وبعدين بيدخل لحاله على القاعه بيوقف مع امه واخته وبيستنوني لما ادخل وبدخل على اغنيه طلي بالابيض (طبعا حلم كل بنت مع انه جدا تقليدي)بابا بيكون معي وبيسلمني اله... بنغير الدبل وبابا موجود وبتكون رقصه السلو الاولى على اغنيتنا برتاح معاك وخلال الرقصه على الداتا شو يعرضو رقصتي انا وياه في الخطبه ويعملولها مكس مع العرس........
بعد هيك بطلع انا وياه بنتصور وبنرجع نفوت على اغنيه اسمك بيشرفني حبيبي وبنبلش هز وخلع
بالنسبه للكيكه انا ما رح اجيب غير 4 قوالب رح احجزهم من محل اسمه ديفان وعندي شكل للكيكه كتير عاجبني وتكون الطاوله حواليها شموع وورد ناشف
ما نقص بسيف نقص بسكين رح اوصي عليها كمان وكاسات العصير فيها كاديه ازرق وزهر وهادا اشي كتير بسيط عن الاشياء اللي حعملها
هلا رشا قديش حسبولك القاعه وشو الاشياء اللي طلبتيها بلكي منك بستفيد......
عرسي حيكون باخر 4 او اول 5 يا بعيد ميلادو او عيد ميلادي
حيفو نحنا قررنا المسا عشان هيك ما لحقنا نخبر حدا
بحبكم جدا