شعاع الدحيلان انقذتني يوم زواجي من اعماقي شكرا لها

السلام عليكم ورحمة الله وبركاته
انا يا اخواتي حصل لي موقف في يوم زواجي حبيت اقوله لكن
ومن انقذتني في ذلك اليوم تستحق مني شكرها
يا اخواتي انا كنت حاجزة يوم زواجي هدى الحمادي البحرينيه وبصراحة حجزتها في زواجي لأن جبناها في زواج اخوي وكان مكياجها حلو ومعاملتها رائعه
لكن ماحدث معي يوم زواجي كان كارثة على حد قول اختي لأني يومها صابني برود وعدم الأحساس بالمسئوليه وايش قاعد يصير
في يوم زواجي كان المفروض هدى الحمادي توصلني اربع ونص العصر وطبعا زود الحرص اتصلت عليها اختي الساعة وحدة تقول لها لا تتأخرين لكن المفاجأة انها ماترد
بدأ القلق وجات اربع ونص وراحت اختي للمكان اللي مواعدتها تلاقيها فيه عشان تجيبها البيت ولا لقتها
تتصل اختي ولا ترد وتتصل وتتصل ومافيه اي رد
جات الساعة ست ونص المغرب وخلاص يعني مافيه مجال للأنتظار واختي بدت تتصرف وين توديني ولأي مشغل
طبعا جاء في بالها المشغل اللي هي تزينت فيه في زواجها ( مشغل شعاع الدحيلان ) في الخبر
راحت للمشغل اختي وقالت لهم الوضع اللي احنا فيه قالوا لها في الأستقبال كلمي شعاع عندها اربعين عروس اليوم زحمة
دخلت عليها اختي وقالت لها وش صاير معي ردت عليها وقالت ( اكيد بآخذها خليها تجي عروس لا يمكن اتركها بهذا الوضع لو مااروح بيتي الليلة )
جزاها الله الف خير
ووالله العظيم طلعتني جنان هذيك الليله الكل يسأل من مزيني
سبحان الله يمكن من حنيتها وشافت القلق اللي في اختي وفي اجتهدت كثير
من هذا المنتدى اقول لها من اعماقي شكرا شعاع الدحيلان
وسامحك الله يا هدى الحمادي
وللأمانه اقول ان هدى الحمادي اتصلت على جوال اختي مابين الساعة السابعه والنص والثامنة
وطبعا اختي ثارت فيها فقالت ان الكهرباء طافيه كلها في البحرين وجسر الملك فهد كان زحمة لأن اغلب سكان البحرين كان جاين على السعودية لأن وقتها كان حر ورطوبة وماتحملوها
السؤال وش العلاقة بين الكهرباء والجوال؟؟
اعتقد ماله علاقة والمفروض ترد على الأتصال على الأقل وتطمنا
هذا ماحدث
ولكم مني ارق التحايا واعذبها