شمس بأعماق ذاك القمر محتاره

•¶نَظْرًةْ آًحْسًاسْ¶•

17-04-2022 - 01:02 am

:strawflow

¶شمس بأعماق ذاك القمر محتاره ¶•

كنت اقول لزماني كم حبيب سرى.
كم عزيز وغالي يازماني خذيت.
كننت اقول بحياتي وش بقى ياترى.
اثرها سالت دموعي وانا ما دريت.
صعب اوصفلك شعوري يوم طيفك طرى.
بس عندي يقين اني ضحكت وبكيت
فيصل شاب عمره21بثاني جامعه يدرس الهندسه المعماريه في جامعة الملك فيصل
سعودي الجنسيه ولكن جدته ام امه كويتيه وجده سعودي
++++كان يعيش بالدمام بحي راقي قبل ماتحصل الصعقه الألى لمجرى حياته++++
اما بالحاضر اتنقل لمدينة الخبر لظروف راح تتضح لكم____
ابوه متوفي
أنا من دمعة اليائس تعلمت الحياة اصرار
أنا من ضحكة الحالم عرفت اش قد مأساتي
أنا أدري ما قدرت ألحق .. وصلت بآخر المشوار
ولكني قدرت أوقف بدرب الشوق خطواتي
وألاقي ضحكتي بعد الفراق وغربة الأسفار
والبس معصمك حزني وعنقك عقد آهاتي
صحى فيصل الساعه 9 الصبح وهو متأخر عن الجامعه ولبس بسرعه ونزل تحت وطلع من البيت مستعجل وركب سيارته
وبعد 10دقايق واكثر وصل الجامعه ودخل القاعه بسرعه والحمدلله الدكتور سمح له يدخل ودخل وجلس ....
بعد انتهاء المحاضره طلع فيصل لقاعة خاله خالد وصديقه اسامه الكويتي
اسامه طالع من القاعه :بدري...
فيصل يمسح راسه بملل:امس مانمت إلا الساعه 6الصبح
اسامه:اسكت حظرت خالد غايب وملفاتي عنده
فيصل يمزح:مبروك
اسامه:زين اسكت
فيصل: اووه شعندك تنافخ من الصبح
اسامه: المهم خلاص تعال ...يوعان
فيصل:ههه ماادري متى تشبع انت من شفتك وانت جايع؟
خالد يتيم الأب والأم وعايش عند اخته ام نوره..وعمره 24
(((((وبعد انتهاء الدوام الساعه 3 العصر طلع من الجامعه واتصلت امه)))))))
ام فيصل:فيصل بنروح بيت خالتك ام نوره نتغدى عندهم .... تروح ؟
فيصل :إيه ايه ... بروح انتوا روحوا و انا رايح احين....مع السلامه...
ام فيصل:يلا مع السلامه
راح فيصل بيت خالته ودخل الصاله بدون احم ولا دستور
دخل الصاله وهو يدندن وما انتبه الا البنات بوجهه
نوره 19 سنه
وشمس 17سنه
وشذى 16
البنات تفشلوا وكل وحده راحت فوق
خالد: هههاي. هالدفاشه ياخي ما ادري متى تتركها..زي الدبشه....داخل بيتك انت....لاوبعد يفتح الباب وبكل ثقه
فيصل :اووه ماادري؟...قلت يمكن جاو من مدارسهم وناموا كالعاده
خالد يتطنز: احلف....تتكلم جد؟ لا عيوني الدبشه دبشه ما يتغير
ام نوره عاقده حواجبها:خلاص خويلد وبعدين...... معقد اعوذ بالله الواحد مايغلط
خالد:ههه دايم تدافعين عنه.. احين لو انا كان سويتي لي سالفه
ام نوره:ايه لأنك عارف نفسك
خالد يحط الجريده عالطاوله:خلاص كلتينا خلاص سامحناه عاد الا فيصل حبيبي
فيصل بشموخ: مسوي فيها الرجل الطيب (عطاهم ظهره بيروح)
روح زين بلا هم
ام نوره: فيصل وين رايح؟
فيصل ما رد عليها وطلع وصفع بالباب بكل قوه
خالد يصارخ بإستهزاء: ياابوك الباب ما تسكر زيين تعال سكره عدل
بعد فتره قصيره دخلت ام فيصل وبناتها التوأم ( سلوى وعليا) عمرهم 16 سنه...
وبعد السلام...
انتبهت ام فيصل لخالد معصب
ليلى:خويلد عسى ماشر ليه زعلان وتتحلطم ؟
خالد:يام فيصل ..والله مصخها ولدك من اكلمه يقب ويشتعل ؟ من جد مصخها وخاصتا اليوم الأخلاق زي الزفت
ام فيصل:لا بالعكس يحبك بس انت الله يهديك حساس بالمره
ام نوره:يام فيصل خالد ماقال شي لفيصل بس قاله لاتدخل بدون ماتتأكد انه فيه بنات
ام فيصل متفشله بس مسويه عاديه:طيب شفيها يعني غلطان ههه خلاص ولا تزعل لا شفته وريته شغله
خالد يضحك :ههه انتي... والله ماهقيت
ام فيصل: بس عاد ههه
ام نوره:ام فيصل؟؟بسم الله متى صبغتي شعرك
ام فيصل:البارح فيصل وداني المشغل وصبغته
ام نوره:وليش مااتصلتي فيني كنت ابي اروح؟
ام فيصل :اتصلت عليك...بس خالد قال انك طالعه
ام نوره تلتفت على خالد وعيونها طالعه:خويلد متى طلعت؟؟
خالد ههه ما طلعتي ما طلعتي بس كنت جالس بره والتلفون النقال عندي واتصلت ليلى بس تكيسلت اقوم ههه حتى ام مشعل اتصلت
ام نوره حذفت عليه المخده حسبي الله على بليسك قوول آمين...ام فيصل اتصلت وصرفتها قلنا ماعليه بس تتصل ام مشعل وتصرفها
بعد ساعتين من السوالف تغدوا مع بعض وبالمغرب دخل فيصل المجلس بهدوء مايبي احد يدري انه جا وهو جالس حس بصوت قريب حاول انه يهرب
انفتح الباب ووقف فيصل مندهش...
شمس منحرجه
وتوها بتطلع :لحظه
شمس تلتفت بسرعه:......ن ع م!!
فيصل متكتف ويطالعها من فوق خشمه:خير ان شاء الله داخله مجلس الرجال ها؟
( ويأشر على راسها بلا مبالاه) وبدون غطا؟
شمس:هييه لا يكون ولي امري وانا ماادري
فيصل ببرود يحط صبعه عند فمه:قصري صوتك لو سمحتي
شمس بتطلع وفيصل قال:ليش جايه المحلس؟
شمس بتصيح:..................؟؟
فيصل ومن داخله يضحك ومتلذذ انه ينرفزها: يلا...هش هش..يلا داخل يلا
شمس طلعت من المجلس وصفعت الباب بقوه
فيصل: احلى يالقويه
دخلت شمس الصاله وبراسها الف سؤال وسؤال....

التعليقات (6)

•¶نَظْرًةْ آًحْسًاسْ¶•

17-04-2022 - 04:13 am

...........

•¶نَظْرًةْ آًحْسًاسْ¶•

17-04-2022 - 05:14 am

دخلت شمس داخل عندهم وهم يسولفون وهي معصبه
و فيصل لحاله بالمجلس فكر انه يروح لهم ويجلس لهم جلسه
دخل الصاله
فيصل بثقه:ياهوو درب درب
ام فيصل تبتسم:هلا هلا...تعال..تعال البنات راحو فوق
خالد:هاه ..اشوف طاح الحطب
فيصل :يازينك وانت ساكت ولام فمك
وجلس فيصل عند امه بالكنب
فيصل :اقول يمه....ابي فلوس بطلع بعد شوي بسرعه
ام فيصل وخرته عنها: مافيه فلوس لو تموت
فيصل:وش فيك علينا؟
خالد يضحك :ياخي قايل لك جيتك مامنها فايده...
فيصل :مشكلة اللي يغارون ....وانتي يمه خلصي... يلا انا اعرف انتي تحبيني وماتقدرين اصلن انتي تموتين اذا نفذتي اوامري
ام فيصل:اللي يشوفك احين يقول هذا كلش ماسوى شي...ولا صفع الباب بوجه خالته.....ولاطلع يصارخ....جدا بريئ
فيصل بغباء:شلون؟
وقام عند خالته وباس راسها
فيصل:آآآآسفين .. بس لا تدلعين
ام نوره تمزح:لا مراح اسامحك طول عمري
خالد:ويو يالمسكين اليوم الكل عليك تستاهل...محد اغصبك تجي اصلن
ورمى عليه المخده
فيصل :اقول انت انثبر ...انا وش اللي جايبني هنا
كلهم ضحكوا
ام نوره تمسك فيصل:تعال تعال امزح معاك كلش ماتتحمل
فيصل يطالع خالد:طالع على الدمل
خالد:ماعليه انا اوريك يالهندي
فيصل:اقول الخال شكلك طفشان اشرايك نروح الراشد شوي
خالد :اوكي يلا
ام فيصل تشد اذنه:ان سويتوا احدى بلاويكم ياويلكم ويلاه
خالد:اووهوو زين زين اح
وتشد اذن فيصل:وانت الثاني والله ان سمعت انك سودت وجهي لااعلم اخوي محمد يأدبك مو كل يوم مسوي لنا سالفه
فيصل يضحك:ا يمه اي والله مراح اسوي شي خلاص صحيح الحريم جفاف مخوخ
ام فيصل :ياويلكم ياسواد ليلكم ان سمعت شي مو زين
خالد وفيصل:ان شاء الله
وطلعوا...
وهم طالعين شافو شمس داخله من الحوش وكانت مستعجله وشافت فيصل وارتبكت
انتبه لها فيصل وسكت فجأه
خالد:عسى ماشر اشفيك انخرست
فيصل:لالابس تذكرت شي
خالد لمح شمس وهي داخله:فيصلو مره ثانيه غض بصرك وم,,,,,
فيصل هرب للسياره قبل ماتبدا محاضرة خالد
...............................
في بيت ام نوره
دخلت شمس مرتبكه وجاتها سلوى وسألتها عن هالإرتباك بس
ماردت ودخلت الصاله وجلست تسولف مع بنات خالتها وبعد ساعه
ام نوره:شمس؟؟ ابوك ماجاء من الشغل ؟؟
شمس:جا يمه وراح ينام..
جلسوا الحريم يسولفون وقرروا أنهم يعزمون اخوانهم
محمد القلب الكبير عمره 39 وزجته بدريه اللي سار لهم عشر سنين
وماجابو عيال وهو اللي ربى
سلوى وعليا وفيصل وخالد واخذهم بمنزلة أبنائه
وعبد الله عمره 37 وزوجته فاطمه وولده حمد عمره13..وفاتن9 ..ونوف 6
وعبدالرحمن 34 وزوجته هناء وبنته شهد عمرها 10 وزياد4سنين
وتركي26 وزوجته عبير وبنتهم لينا عمرها سنه ونص
اجتمعت العايله واستانسوا بالسوالف والضحك لين 2 الليل
محمد:اجل وين خالد وفيصل؟مااشوفهم!
هبه: ماادري بس طالعين يحوطون..تعرفهم انت شباب وهذي سوالفهم وهمهم الوحيد
محمد يطالع ام فيصل:خالد نادر مايطلع.... زين فيصلوه ليه مايقر بالبيت عالاقل ربع ساعه
ام فيصل سكتت:
عبدالرحمن حس باحراج ام فيصل:محمد الله يهديك مو اطفال هم وبعدين فيصل مو بنت عشان تحاسبه وين راح ووين جا خليه يعيش حياته
محمد:لاوالله يعيش حياته عشان يندمر علينا /
عبدالله:انا لله وانا اليه راجعون
محمد عصب:انا هالولد اموت واعرف وين يروح للصبح..
واخذ جواله واتصل على فيصل بس مشغول واتصل مره ثانيه وثالثه والرابعه كان مغلق ويتصل على خالد
محمد:الوو
محمد:الوو
خالد ..يالله حسن الخاتمه:.......هلاهلا اخوي شلونك شخبارك شمسوي
عساك بخير ههه ...عارف ليه متصل...
محمد:خويلد وينكم فيه للساعه 2ونص؟؟؟
خالد يطالع فيصل:ها...
محمد:وهواه ..اسألك جاوبني ...
خالد:الصراحه طلعنا رحنا نتمشى....عادي يعني ..انت ليش مكبر الموضوع
محمد:طيب لاتتأخرون .... وينه هالتعبان عطني اياه اكلمه
خالد يحاول بفيصل يكلم وفيصل مو راضي بعدين كلمه
فيصل :الو هل هلا ههه خالي الو وينك ههه مشتاق لك ياخالي والله
محمد :فيصلوو وصمخ ليش ماترد من صبح الله وجوالك مشغول
فيصل:كان بعيد
محمد:بس بس....ليه هالمصيعه انت وياه
فيصل بعصبيه:؟؟؟؟ أي معصيه قسم بالله ماسوينا شي وشدعوه يعني نطلع خليتها مصيعه....شالتعقيد
محمد:وقص يقص لسان الظالم قصر حسك؟
فيصل:اسف خالي انا قلت احب اغير جو تعرف الجامعه تعب علينا انا وخالد ..
ويقاطعه محمد:خلاص لاتتاخرون احين تجون يعني تجون
فيصل متنرفز:ان شاء الله
محمد:مع السلامه
...............الساعه2ونص راح الكل بيته .................
........الفجر.......
في بيت ابو شمس الكل دخل ينام وهم بسابع نومه يرن التليفون وتقوم ام
نوره خايفه من الاتصال بهالوقت الساعة خمس ونص الفجر.
يا ترى مين المتصل؟
وايش راح يحصل حق فيصل وخالد؟
الأجزاء الأولى بارده وراح تكون قويه وفيها حماس بالأجزاء التاليه

•¶نَظْرًةْ آًحْسًاسْ¶•

17-04-2022 - 06:15 am

/
شفييكم

•¶نَظْرًةْ آًحْسًاسْ¶•

17-04-2022 - 07:16 am

؟؟؟؟؟؟؟؟؟؟؟؟
على الأقل جاملو

ملاك روحي؟

17-04-2022 - 08:17 am

كملي حبوبه احس اني بديت اتفاعل مع الروايه
يسلو

•¶نَظْرًةْ آًحْسًاسْ¶•

17-04-2022 - 09:18 am

اشكرك على مرورك الجميل
هلا وغلا فيك اسعدني تواجدك
الساعه2ونص راح الكل بيته ..
في بيت ابو شمس الكل دخل ينام وهم بسابع نومه يرن التليفون وتقوم ام
نوره خايفه من الاتصال بهالوقت الساعة خمس ونص الفجر
ام نوره:الوو
ام فيصل بدموع: الو
ام نوره خايفه :ام فيصل....شفيك تصيحين ....
ام فيصل: فيصل فيصل ماجاؤ... اتصل فيه مغلق اه ياحسرتي على ولدي ...
ام نوره:خلاص خلاص انا بااتصل بخالد احين
وسكرت ام فيصل واتصلت لخالد
ام نوره:الو
خالد بدون نفس:الو
ام نوره: خويلدوينك فيه اول مره تتأخر وشفيك...عسى مافيك شي خبيث
خالد يضحك:هههاي أي خبيث انتي بعد...خبيث مره وحده عاد...والله
حريم..انا مع الشباب
او نوره عصبت:خالد من متى هالحركاات من متي تعال احين البيت
ووالله ان ماجيت بعد 5دقايق ياويلك...وفيصل وياك
خالد:اوه الواحد ما يرتاح...اييه معي .
ام نوره:بس وجع ان شاء الله قصر حسك وتعال احين.
خالد:ها.... طيب طيب طيب اف لاتعصبين
وسكرت ام نوره بوجهه واتصلت بأم فيصل وخبرتها السالفه وقالت لها فيصل بينام عندهم
وبعد دقايق اتصلت ام فيصل بخالد وقالت له خل فيصلوه يجي معك
وشوي ويدخل خالد ووراه فيصل
تفاجئوا بوجود ابو نوره واقف بالصاله والنيران تثور بوجهه
ابو نوره :قربوا قربوا يامسودين الوجه والعيشه...ياقلال الحياا...الساعه 6 الصبح وهياته من الليل...وين كنتو..؟
خالد:عمي!! هد اعصابك مو زين عليك
ابو نوره:وانتم خليتو فيها اعصاب...تطلعوون الواحد من طوره...هياته ومصيعه لين صبح الله....انتوا بشر انتو؟
فيصل ساد فمه ويضحك على شكل خالد وهو منزل راسه
ابو نوره قبض بلوزة فيصل :وانت شقاعد تضحك.....قلت نكته؟؟والا
تضحك على سواد وجهك ...والله لو تعييدونها ثاني مره لا تلوومون
الا نفسكم والعقال هذا اخلييه يرقص على ظهوركم....(ويدفهم)
فوق يلا وان شفتكم تطوطون تحت حشيت رجوولكم حش....
خالد :ان شاء الله طال عمرك
فيصل بغباء:هيهيهي...ع....عمي...خلاص
ابو نوره يصرخ:فوق انت وياه
ويصعدون بسرعه فوق
وهم صاعدين فوق دخل خالد الغرفه بسرعه معصب وزعلان وصفع الباب اما فيصل وهو يمشي وراه وتفاجأ بالباب ينصفع...ويصقع فيصل بوجهه:آآآآآآي<<<راسه قام يدور خ
ودخل وهو يتحلطم
فيصل يجلس عالسرير:خويلد ليه زعلان بعد... ماعليه كلها تهزيئه وعدت على خير لاتتضايق إحمد ربك مانضربنا بعد؟؟
خالد يرمي المخده على فيصل:مجنون قوم عن وجهي لابارك الله فيك من ولد اخت قوم
خالد يرمي المخده على فيصل:مجنون قوم عن وجهي لابارك الله فيك من ولد اخت قوم
قيصل:عاد خويلد والله ماكنت ادري بهالنهايه المشئومه خلاص
بعدين محد ضربك على ايدك وقالك تعال معي...عاد طالعني وجع
خالد متضجر:اف منك زين زين ياواقف بالحناجر ومتغلغص بالقلوب
فيصل ويسند يده عالجدار:احين اشلون يعني وين انام اتم واقف طول عمري لين افقش في محلي
خالد :مو شغلي.... اذلف عن وجهي...وبالأساس ليش جاي
فيصل:حرام عليك انا ولد اختك الغالي ولد الغاليه
خالد:والله اذا انت غالي على قلبي.....ما عندي سالفه....
فيصل:اعووذ بالله منك خلصني راسي يالصنداره
خالد قام بسرعه من مكانه وشد فيصل من شعره وجاب له فراش وحطه بالأرض.....ورمى فيصل فوقه....ورمى المخده والبطانيه فوق راسه:انثبر ثبرك ربي....بروحي تعبان ومالي خلقك....
فيصل:هيه انت صاحي...والله انك مجنون....ياخي راسي قطعته ههه
خالد انسدح بالسرير وتغطى بعد ما طفى الليت ورقع بالباب بقوه
::الساعه 11 الظهر ::
صحت شمس من النوم وتسبحت ولبست بلوزه نص كم حمرا وبنطلون جينز
وربطت نص شعرها وحطت كحل خفيف وروج وردي وراحت غرفة نوره
تصحيها من النوم ولا في فايده راحت غرفة شذى ومافيه فايده الكل يحب
الشخير وراحت غرفة امها وابوها وتذكرت انهم قايلين امس انهم بيروحون
يقظون للبيت وخرابيط عصبت وراحت غرفة خالد
شمس تدق الباب:خالي قوم من النوم والله طفشانه اعوذ بالله
خالد ماشاء الله مثل الصخره مايقوم الا بالموت ووجع الراس
شمس:اوهو موحاله هذي الكل نايم وانا بروحي.... يلا قوم
وفتحت الباب وماتت ضحك على شكل الغرفه المخدات مرميه والسرير
مقلوب قلاب والحاله حاله يالله المستعان ودخلت وماانتبهت لفيصل لأنه نايم يمين سرير خالد عن الجدار.......
ووقفت عند التسريحه
شمس:خويلد وبعدين بسك هالنوم مايسير وخالد ماعطيها طاف ولا حاس
فيها وهالمنحوس فيصل حس والحمدلله انه لام نفسه بالبطانيه وفيه
الضحكه ومو قادر يمسكها
شمس صرخت صرخه هزت البيت بقوه تبي تخوف خالد عشان يقوم:اي
خالد قام زايغ ونقز من السرير وشهق:ها شفيك... شفيك. من مات ها قولي....(يتلفت)شالسالفه(يطالع الباب)شفيه
ماتت شمس من الضحك ...ويوم شافها خالد راح عندها مسرع وشدها من شعرها
خالد معصب ويشد على شعرها:يالخايسه شالحركات كذا الناس
يصحون النايم لو احين مت يالحقييره....ويظربها ويظربها
شمس خافت وكاتمه الضحكه:اهههاي ا اسفه اسفه والله امزح ماكنت اقصد ههه
خالد ويشد ويقول بصوت حاد لانه من صدق زاغ وعيونه بره:سمعيني
زين والله ان عدتيها لا اوريك نجوم الظهيره ياعلك الموت
شمس :اي خلاص والله مااعيدها اتركني شعري ابيه لاتحته بيدك
تركها وهو يرجف من الزوغه وراح الحمام وهي جلست عالسرير وتعدل شعرها ومنقهره
وفيصل حب يروعها ويأدبها لأنه حتى هو زاغ من قوي الصرخه وزحف
عندها بشويش وهي سرحانه وحاطه رجل على رجل
وفجأه نقز نقزه عالسرير وبكل قوته وراح للجهه الثانيه ويقلد صوت
الوحش ونافش شعره وحاول عيونه ومطلع اسنانه بره
شمس طارت عيونها وقامت تتنافض وتصيح ووقف شعرها وقامت
تشاهق ويوم شافته وقفت قدامه وماحست
الا ورفعت ايدها بقوه وخمته طراق محترم فيصل مومستوعب اول مره احد
يصفعه هالصفعه وحس خدوده تشتعل نار من قوة الصفعه وهي طلعت
تركظ وتصيح والا طلع خالد من الحمام وسمع صفعة باب غرفة شمس
ينصفع بقوه وفيصل واقف وماسك خده اليمين
خالد منصدم:فيصل؟؟؟ شالسالفه؟؟
فيصل ماسك خده :............
خالد:فيصل؟
فيصل استوعب وراح السرير وغطى نفسه بالبطانيه وهو معصب اول مره يجرب كف ومن مين من شمس آه يالقهر
هالصفعه اللي توجهت لوجه فيصل كانت كفيله انها تفجر كل مشاعره المكبوته
تذكر ابوه و 9 السنين اللي قضاها معه وكيف ابوه يلعب وياه ولو انه عايش
كان ماوصلت لها الدرجه اه ياابوي وينك تعال امسح دموعي واحضني
العب معاي خلاص انا تعبت تعبت مااستحمل اشوف اخواني ونظرات الالم
ولقب اليتم حاملينه وامي امي المسكينه اللي تتعب وتمرض بسبتنا لي متى
اجيلس اكابر اه تعبت تعبت مااتحمل اكثر اشتقت لأبوي اشتقت له اه
خالد واقف يتأمل فيصل ومصدوم وفجأه سمعه يتنهد وشكله متضايق ارتاع خالد وراح عنده ورفع البطانيه وفيصل ساد وجهه
خالد سحب ايد فيصل من وجهه وحط عينه بعين فيصل وفيصل يطالعه
بنظرات مو مفهومه وحزينه
خالد مستغرب:فيصل في شي مضايقك قول لاتخبي تكلم
فيصل يمسح عيونه:لامافيني شي؟؟
خالد انتبه للون خد فيصل احمر ومنتفخ :فيصل شاللي بخدك ليه احمر
فيصل:ها ؟؟؟؟ بعوضه
خال مو مصدق:فيصل قول الصدق يالكذاب بعوضه كذا تسوي فيك؟
فيصل موقادر:خالد خلاص مو ناقص انا
خالد حس انه فيصل فيه إنه:طيب يافيصل بعدين بنتفاهم احين بروح انا
اشوف شمس شتبي مروعتني من ظهر الله
فيصل توهق : لا لاتروح الله يخليك
خالد مستغرب:ليه؟؟؟؟
فيصل: لالاخلاص روح امزح......(يحك خده)
دخل خالد غرفة شمس وشافها جالسه عالسرير وتطالع يدها وتصيح
خالد:لالا فيه شي مستوي بها البيت انتي ماسكه ايدك وتصيحين وفيصل ماسك وجهه اللي متورم
شمس:خالي
راح لها خالد ومسح على شعرها ومسح دموعها
خالد: اشوف ابتسمي عاد بلا دلع بنات
شمس:خالي بقولك شي بس ارجوك لاتعصب انا اعرفك بسم الله فلفل احمر
خالد يحك اذنه:فيك حيل بعد للطنازه؟؟ الله يعدي هاليوم على خير
بعدين تذكر انه شمس كانت طالعه من غرفته ودخلت غرفتها معصبه وفيصل ماسك خده ومنتفخ وهذي ماسكه يدها وتصيح
خالد شهق:لا لايكون سار اللي افكر فيه
شمس خافت:اسمعني اسمعني افهمك انا انا تظاربت مع....
خالد بعصيه:مع مين؟؟
شمس برعب:ف يصل .......
كيف بتكون ردة فعل خالد!!
وايش راح يسير حق فيصل وشمس!!

قصه غرييبه حدثت في فيلا سعوديه بجده←
قصه مؤثره جدا جدا→