شنو الإحساس

والله ياعمري ياليت اقدر اساعدك والله ما راح اقصر بس للاسف ماقد حملت قبل كذا بس ان شاء الله تكوني حامل اذا كنتي تحسين بهالاعراض وربي مايخيب رجاك يارب العرش العظيم ويرزقنا ويرزق كل محرومه

والله ولا انا اختي ما اقدر اساعدك بس اسمع انو اعراض الحمل مثل اعراض الدورة وتختلف من وحدة والتانية وان شاء الله يارب انكون حوامل هدا الشهر يارب ياكريم يا مجيب الداعين

اختي اعراضك اعراض حمل انشاء الله تبشريينا

والله ما جربناها وبإذن ربي بنجربها قريب
انت يحطيتي موضوعك بالمكان الغلط يا قلبي
حنا تأخر الحمل
روحي يا قمري لقسم الحمل والولادة وبتلقين اي وحدة قد حملت وبتدفيدك ان شاله

السلام عليكم
سمعي ياحبيبتي انا جربت قبل لااحمل بحمود كنت اتعالج طبعا دورتي غير منتظمة من قبل الزواج وظليت سنة من الزواج من غير علاج اعاني بس بعد 8 شهور من العلاج بتنظيم الدورة وحبوب الكلوميد الله كتب لي من ثاني جلسة علاج بالحمل بحمودي رحت المستشفى وقلت للدكتورة انها الدورة اسبوع طاف موعدها وقالت لي سوي تحليل وماكنت حاسة باي شي ومااتذكر اني أتألم او شي بعد ماطلعت النتيجة وشفت بيزيتف وسألت اللي بالمختبر وقال لي ايجابية ماصدقت مثل المجنونة امشل من المختبر للدكتورة من اشوف دكتورة او ممرضة قدامي سألتها قالت في بيبي ماتتوقعين الفرحة واستانست وايد وصلت للدكتورة وقالت انتي حامل مبروك بس ماحسيت بأعراض الحمل الا بعد اسبوعين من التحليل يعني بااختصار اذا كان اول مرة ماتحسن الابعد ماتعرفين انج حامل
الله يرزقك ويرزق كل محرومة بالذرية الصالحة

أشكركم اخواتي على هالمعلومات الحلوه واشكركم على مساعدتي
انا احس عوار بأسفل بظهري وتقلصات اسفل البطن ومره خاصرتي اليمين تعورني ومره اليسار ومره مع بعض واحس على صرتي عوار كنها طاقها عرج مادري شنو هذا ونفس الشعور تحت بالمكان الحساس ولوعة خفيفه تيي ودوار بين الفتره والاخرى
بس قبل شوي رحت تكرمون الحمام عقب ما مسحت بالكلينكس شفتها مدمره خفيف جدا لونه وردي دم فاتح جدا فالظاهر اني مو حامل مع انه الدوره مو اليوم موعدها باجر موعدها الحمدالله على كل حال والله كريم
والله يرزقنا واياكم بالذريه الصالحه اللي ما ييتلها هالشهر انشالله ما تيي لها الا عقب تسع شهور واللي ييت لها انشالله ما يعدي الشهر الجاي الا واهي حامل وانا معاكم يارب