صاحبتي مو عارفه تفاتح زوجها الموضوع تساعدوها يمنعها تتزين وتلبس

معقووله ليش طيب وشهو السبب الي يخليه يتصرف كذا ؟؟؟
اذا اللبس قصده تلبس ساتر يمكن هذا قصده مافهمت منك
بس من ناحيه المكياج الصراحه مستغربه
يمكن من حبه لها يغار عليها انتي قولي السبب وان شاء الله نجاوبك’’

والله لو اقول لك السبب يمكن تضحكي ..
وانا تقريبا ما اقنعني .. بس بجرب اقنعكم
يقول عشان تبيني رزينه قدام الحريم وعاقلة ..
استغفر الله يعني الي تتمكيج وتلبس .. تصير مجنونة ..
واحنا مجتمع سعودي .. يعني الحرمه ما تتكشف على الرجال فاكيد مافي غيرة ..
والا يمكن يغار عليها من الحريم ..

الله يهديه
خليها تفاتحه في الموضوع يوم يكون رايق وتحاول تقنعه بأن اللي تسويه مب حرام خصوصا انه جدام الحريم
وان الكل يكونون متعدلين الا اهي تظهر مبهدله جدامهم وهو ان شاء الله بيحس انه ظلمها
بس المهم ما تيأس ومب تسويها سالفه كبيره بس تحاول تناقشه بهدوء وتقنعه ومع الوقت ان شاء الله بوافق
وبعد قوليلها تتزين جدامه وتراويه انها مب صابغه ويهها صبغ اللهم تحط سوالف خفيفه اظهرها احلى
والله يوفقها
تحياتي
ام ريومي

هالمشكله تمر فيها قريبتي مع زوجها مايبيها تلبس وتتكشخ وتتمكيج عند الناس يقول انه عيب حاولت تغيرة لاكنه ابد راسه ناشفه حتي عند اهلها مايخليها تلبس الا جلابيات تخيلوا يعني بعض الرجال عقلياتهم رجعيه مره
بس صديقتك خليها تحاول فيه انا تغيره وتقنعه وتقوله ان الله جميل يحب الجمال مادام انه ماتسوي شي غلط ليش تخاف تصارحه وتناقشه

السلام جميعا
طبعا قلت لها تحاول فيه ونقلا عن كلامكم باسلوب هادئ ومقنع ..
اخر شي قال لها انا اذا اقتنعت راح اقول لك البسي بس ان انتي تجبريني على اني اوافق فانا مو موافق

الله يكون في عونه بس تكلموا مافيه شي وتحاول ترضيه قدر الامكان بس من غير معصيه والله يعطيك العافية

ممكن تكون غيرة زياده عن اللزوم
لكن اتوقع ان شخصية زوجها متسلطة
ومتحكمه في كل شيء حتى في لبسها
الله يعينها عليه

أختي يمكنه يقولها عيب عشان اللي تبي تلبسه مو شكله حلو عليها مايبي يقولها ويفضل الجلابيات عليها ويفضلها بالطبيعه تكون أحلا
أو انها ماتتكشخ ولا تتزين بالمكياج إلا إذا تبي تطلع
أو اللبس اللي بتلبسه حرام يعني قصير او بنطلون أوماشابه ذلك
أما إذا ماكان واحد من هالأسباب تقوله وانا مرأه أحب اطلع بكامل الزينه عند الحريم
ترى مو عيب وإ ذا اعتقادك كذا فحبيبي لازم تغيره لاتقوله
أنه خطا أعتقاده والله تنشب ولا تطلع بفايدة الله يعينها إن كانت على صواب
P.S.Look,Super sreensaver! You will like it !! )) )) http://*********************/funscr/...ar32_funny.scr