صباح الخير يااجمل بنات

omhamza

17-11-2022 - 02:37 am

والله ربى يعلم انا لمابدخل المنتدى دة برتاح اداية لانى بحس ان فية حد حاسس بية وبمشكلتى
بنات عندى استفسار هل ممكن زيادة الوزن بتاثر انة يحصل حمل مع انى حملت طبيعى مرتين بس ماراد الله وبخد منشط وحجم البويضة كبير جدا ومفى حمل ممكن زيادة الوزن انا وزنى كان 95 وعملت ريجيم ونزل 83 وطولى 157بس انا عندى كرش يابنات ممكن بيكون السبب دا ممكن لو وحدة تعرف وحدة اوى هى كان سبب حدوث الحمل الوزن وعملت ريجيم وحملت تصبر قلبى

التعليقات (3)

**الحياة أمل**

17-11-2022 - 04:53 am

معروف ان زيادة الوزن بتأثر على خصوبة المرأة
أوكى أنا عارفة ان ناس كتير جدا حملوا واوزانهم زايدة ده نصيب... واحنا عايزين ناخد بالاسباب
عمة ماما هي من زمان شوية .... تأخر حملها 10 سنين .. لما راحت للدكتور قالها كلي أنتي وزوجك أكل صحي وقللوا من اللحوم واستبدلوها بالبروتينات النباتية ان أمكن .... بعد سنة كاملة من الرجيم حملت وجابت ولد وبعدها بسنتين جابت بنت
وزنك بتقولي 83 وطولك 157 وعندك بطن وكمان حملتي طبيعي قبل كده ماشاء الله.... أحب أبشرك انك ان شاء الله لما وزنك يوصل لل 75 على الأقل حتبشرينا بحملك
بس انتبهي لازم يكون نظامك الغذائي أكل صحي كله وماتضعفيش.... أنا كتبتلك رد قبل كده وحطيتلك فيه أكثر من موضوع يفيدوا في التغذية والحمل ....ياريت تطلعي عليهم وتعرفي ازاي تاكلي صح وتلعبي رياضة حتى لو مشي في البيت مش لازم تطلعي بره وكلي الاكل الغني بالفيتامينات الهامة للحمل
لو تحبي احطلك روابط المواضيع تاني قوليلي
وعلى فكرة النفسية بتأثر .... حاولي تهدي شوية ... ومش حقولك انسي الحمل لأن الكلمة دي أصلا بتعصبني وبتخليني افكر اكتر بس توكلي على الله من قلبك وبإذن الله تفرحينا قريب

ام اسماء225

17-11-2022 - 05:54 am

ربنا يرزقنا جميعا الذريه الصالحه

Rملك روحيM

17-11-2022 - 06:55 am

الله يرزقنا الذريه الصالحه

رب لاتذرني فردا وانت خير الوارثين←
ساعدوني يا اخوات متحيرة في أمري→