صبغت الشعر في البيت

1. مساء الخير..... "لأ حلا فراشات"


2. بقولكم سالفتي على طول عشان ما اطول عليكم...


3. المهم صرت ما اروح لا لعزايم ولا شي الا على خفيف .....

مساء الخير..... "لأ حلا فراشات"

بقولكم سالفتي على طول عشان ما اطول عليكم...

بعد ولادتي وقومتي بالسلامه قلت بغير شكلي لأبونا لانه ناشب فيني الا اصبغ شعري واقصه وانا ما ودي لان شعري مره طويل واسود وحلو يعني مدرجته ومزينته..بس مايعجبه شي المهم قلت بسوي الي هو يبيه وانا ماودي... دورت على احسن مشغل وطبعا مره غالي((ماغير ذا المشاغل يلعبون علينا)).. وقلت لها ابي اصبغ شعري اشقر رمادي ذالي طايحين فيه ذا اليومين قالت لي لازم تقصينه قصيرمره عشان فيه حنا وقلت يلا قصي كله لعيون ابونا..وقصيت وبعدين قالتلي لازم سحب لون عشان يطلعلك نفس اللون الي تبينه وقلت يلا اسحبي..واخر شي طلع اللون خايس قعدت اصيح من كثر ماهو خايس والقصه اخيس يعني بالعربي توهقت طلعت كني سوريه توها جايه للسعوديه تخيلو طلع على اخضر كن شعري معفن وكم تتوقعون خذو مني الله لايوفقها 1500ريال سعودي..
المهم كلمتها وقلت لها عن اللون قالت تعلي اشوفه اول ورحت لها قلت على الاقل تغمقه شوي وشافته وانواع النصب علي هي وخوياتها((يجنن روعه حلو عليك....الخ))قلت لها غمقيه على الاقل شوي لاني كان علي اختبار نهائي بالكليه ولا رحتله لانه يفشل وقالت طيب بعد مناقشه طويله..وغمقته موب حلو بس اشو شوي من الي قبله..

المهم صرت ما اروح لا لعزايم ولا شي الا على خفيف .....

والحين لي 4شهور من صبغته وقاعده ازيته ابيه يطول وجالسه استعمل خلطه زيوت من المنتدى ومره زان شعري عليها وطال وانا لي بس اسبوعين ازيته...وودي اصبغه الحين لون غامق شوي يعني بني غزالي او اشقر بندقي لان الجذور مره تقرف بس ودي اصبغه بصبغه ويلا العصار وياليت الي عندها خلفيه عن طريقه صبغ الجذور يعني اصبغ اول الجذور بعدين باقي شعري لان شعري فاتح والجذور سودا ولا شلون ...
ياليت كل وحده جربت تفيدنا....
واسفه كاني طولت عليكم....