صداقة عبير ولميس وقارئة الفنجان حصريا

1. أتمنى ان تنال على اعجابكم


2. وبيوم الحفلة يدخلو بنات الكًليه بيت عبير


3. عبير :تسلم عيونك تعجبيني خلاص خلا موافقة مو ولا مو


4. حلا : بس المرة دي عشان لاتزعلي بس


5. حلا: طيب وتسلمي على الهدية الحلوة


6. كان عند باب البيت سيارة زوج أختها حنين طالعين ..


7. جلست تنتظر من بعيد لين يمشي زوج اختها.

أحلى وأجمل مقتطفات عالم القصص والروايات الشيقة التي قد تحدث بين مجتمعاتنا الشرقية التي تحمل عادات من الحضارة والبداوة الرائعة ...
هذه القصة تتمحور مع بنات بكلية من مدينة جدة من عائلةراقية وكبيرة
وما الذي حور الحب إلى انتقام..
ومن يحمل بقلبه معاني الحب و يحمل الكره

أتمنى ان تنال على اعجابكم

أشرقت الشمس وغردت العصافير وهلت أجواء البلاد وسماءها وأناسها كلها فرحة بالعيد السعيد و راح صغار أطفال المدينة يجتمعون على أبواب المنازل ينادون أهلها من العايدين ومن الفايزين عطونا عيدية و أخذ الأهالي والأصدقاء كبار وصغار يتبادلون سلات الحلوى والمعايدات
وأخذ بعض الأطفال المعايدات ويشترون بها تذاكر لدخول الحديقة العامة للألعاب ,
خرجت من البيت المجاور للحديقة فتاة(عبير) تبحث عن قطتها الصغيرة روزي أخذت تبحث وتبحث مع خادمتها ميري
و وجدتها أخيراً : ميري تقول روزي نائم فوق سيارة , جات عبير روزي دحين سيبتينا ندور عليكي وانتي حضرتك نايمة ,شالت ميري القطة من فوق السيارة وتقول عبير هادا في ريحة مو كويس في روزي
ويجي صاحب السيارة ومعاه زوجته من الحديقة مادري تبون شي من سيارتي ,قامت عبير تقول لا لا وراحت تجري لداخل البيت قال صاحب السيارة ترى قطوتكم ذي ماشاء الله أول مرة أشوف قطو عيونه زرق تجنن , ضحكت ميري قالت أو هازا روزي من اميركا خمسة سنة هنا, معليش انا روح بيت ,..
دخلت زوجة صاحب السيارة تقول لزوجها , ناصر وش فيك تطالع البنت كأنك عمرك ماشفت بنت بالعالم ولا كأني جنبك ماتحترمي خاف على شعوري عل أقل , ناصر : وش صار بنت جيية تطلع فوق سيارتي شلون تبيني أطالع فيها , ناصر : ترانا أتأخرنا على بيت أهلي خليكي من الكلام اللي ماله زود خليني اليوم احتفل فيكي بالعيد ,زوجته ريم : إي عدل دا أول احتفال تستقبلني فيه بالعيد بزوغة عيونك : ناصر:ههه وينك يا يمه تشوفي مرتي كيف تغار علي ,أموت أنا بحبيبتي ..وبوسة حق أغلى إيدين .
عبير تنظر من الشباك في الفيلا ... ميري وينك تعالي اطلعي ,,, وإيش يقولك صاحب السيارة .ميري لا هادا كلام هادا قطو عيون مرة حلو ... المهم ميري خذي روزي وحمميها طيب , ميري انا دحين سوي ترويش روزي .
رجعت عبير تناظر من شباك المجلس واي ليش ما مشيت السيارة و أيش يقول لزوجته ولا أخته :
وا باس ايديها لا دي أكيد مرته ياحظها زوجها اكيد يموت عليها ..
يارب عقبالي القى زوج يمووت علي , دخلت عهود أختها من وراها فع ايش تسوي
عبير اه ليش تفجعيني كده وقامو يجرو ورا بعض بالبيت يضربو بعض ,
دخل البيت وقتها أبوهم غازي : بناتي ايشبكم رجعتو أطفال تاني هيا تعالو شيلو المقاظي منني ودخلوها المطبخ , البنات طيب أبوية
وقتهاعبير تجري لغرفتها وتقول نسيت شي خطير ,,,وتقفل الباب وتقول مالي شغل دا شغلهم انا
حياتي الميك أب وفساتين وروزي ونوم
رن موبايل عبير : ألو مين مصر إزيكو
رنا بنت خالة عبير : الحمدلله كويسين ازيكو انتو ازي المولوخية اتعملت كويس ههه
كيفك يابنت خالتي وكيف خالتي سلمى
عبير طيبة الحمدلله أهيه خالتك بس تطبخ وهمها كلو تدلع عمك غازي ولا تسأل فينا
رنا يابختك ياغازي يابختك آآآه , كيفك بعد العيد خلاص عاد خلص العيد ومرقتو تعالي نطلع اليوم نشتري ملابس للكلية
عبير : كليه أي كليه
رنا :نسيتي إنو يوم السبت الكلية تنفتتح ,,,
عبير: يوه اليوم أربعاء وباقي يومين لا ياقلبي لا ما نمت بأيام العيد كله حفلات وسهر وطلعات وأمس زواج بنت خالتنا ريما متى انام وابضع حق الكلية حتى فستان زواج ولد خالتي مازن ماشتريت أو,
رنا : لاتشتري فستان جديد ألبسي حق يوم زواج ريما مرة كنت زي الملكة وهيا قولي لعمي إنك تطلعي معانا جيين توائمنا الصغار معانا (ود و رزان )....
عبير لا رننو تبغي يقولو عن بنت غازي أم كورتة وحدة لازم افصل فستان ماحد فصل زيو ,أوكي خلاص أقول لبابي غزو هيا باي ياقلبو
رنا : نايس مي تو باي
تبدأ الكليات والمدارس بالإنفتاح وتزدحم الشوارع بالسيارات \وتدخل عبير الجامعة وبعيونها النوم طول الليل سهرانة محتارة كيف تطلع قدام صاحباتها بلوك جديد وشكل جديد.
عبير شافت البنات مجتمعين عند المقهى :
البنات واو شوفو عبورة ايش عاملة بنفسها منورة
عبير : كيفكم حبايبي أيوه إيش الغيبة الطويلة وحشتوني كلكم .
لميس (صاحبة عبير من الطفولة): لا وإنتي الأكتر أهلاً أهلاً يامرحبا فين تلفوناتك وشوفاتك واحشانا مرة مرة ..
حلا : هلا بالغالية هلا بيك يالقمر عبير بنت حلال دوبنا بنتكلم في سيرتك حنزورك في بيتك ونباركلكم بالعيد ..
عبير: مرحبابكم زوروني بأي وقت ومعليش قاطعتكم من السفر والحفلات والنوم عاد تعرفوني ... بنات تراني حابة أعزمكم على عيد ميلادي يوم الخميس , ولاتنسو... ها
عندكم خمسة أيام تفكرو بهديتي ولا أسمح بدخول أحد الحفلة من دون الهدية , ههه أمزح هديتي جيتكم و بابي غازي حيعمللي حفلة ماحصلت , وحنجيب مطربة روعة ,وحأرسل كروت الدعوة بكرة مع السايق لبيتكم عشان يعرفو انكم جايين عندي وياويلكم تتأخروا , حلا مرة حماس كأنو فرح , لميس : عبير لاتكلفي على نفسك أنا لو يوقفو أهلي ويقولو لأ راح أجيكي إنتي عبورة حبيبتي
عبير تسلمي لميس إنتي والقمر واحد..

وبيوم الحفلة يدخلو بنات الكًليه بيت عبير

جات بالحفلة مجموعة كبيرة من البنات وبنات خالة عبير وبنات خالها و كان في الحفلة وحدة من جيرانهم مع بنت عمهاوالصدفة الحلوة إنها ريم زوجة صاحب السيارة ...
تتحدث روان لرهام (صديقات عبير اتعرفت عليهم من كم يوم بس ): ياي أول مرة أشوف وحدة تعمل كوشة وتجيب مطربة ,رهام صادقة ولا شوفي أمها ايش لابسة كأنها أم العروسة ولا جسمها كأنها صغيرة , روان ترى بيت غازي ناس راقين ويحافظو على جسمهم وجمالهم بزيادة ماشفتي مدخل الفيلامسبح ونادي رياضي وحديقة وعصافير واللي خفت منو اول مادخلت قطة كبيرة بيضاء عيونها زرق , وااي واي بيتهم يجنن , ولا كم خادمة عندهم , روان :رهام بس اسكتي لا أحد يسمعنا ويقولو جينا نحسدهم , جات وقتها مضيفات العصير ويقدمو العصيرات للضيوف والمطربة تغني , والبنات يرقصو ..
دقت باب غرفة عبير صاحبتها لميس ممكن أدخل ,عبير بس انتي ما معاكي أحد تعالي اتفضلي ,لميس ياسلام ماقلتيلي جايبة كوافير
كان سويت شعري عندك ,عبير : لميس شعرك حلو كده ما يحتاج تسريحة ,بعدين أنا ملكة الحفلة لازم أكون أحلى ,لميس : أخ منك ومن قوايتك , عبير : ترى أمزح جيبت الكوافير قبل شوية مو راضية تضبط معايا لا سشوار ولا تسريحة قرفت واتصلت عل مشغل وجابوها لي ياريت
تضبط شغلها, لميس : لا حلوة التسريحة مرة تجنن,
دقت الباب حلا: هاي كيفكم برضكم من ورايا تتكلمو أكيد بتنمو فيا , ياي عبير تجنني , شكلك مثل الأميرة النايمة
عبير :صادقة أميرة ونايمة بعيوني النوم لاتفكريني
هيا بنات خلصت الكوافيرة اذا تحتاجو مكياج قبل لاتروح دحين ننزل مع بعض انتو امسكو الشموع زفوني
حلا : لا انا استحي خلي الأطفال الصغار يطلعون أحلى ,
عبير: لا انتو عشاني ملكة وانتو أميراتي
لميس :لعيونك بس موافقة

عبير :تسلم عيونك تعجبيني خلاص خلا موافقة مو ولا مو

حلا : بس المرة دي عشان لاتزعلي بس

ووقت زفة عبير بدأت المصورة تلتقط أحلى الصور في الحفلة وقطعت عبير الكيكة 6 أدوار وأشعلو نيران المفرقعات النارية والضيوف قدمو لعبير الهدايا,وبآخر الحفلة دخلو البنات صالة الطعام وبيتكلمو الحفلة مرة حلو ة ياعبير شكرا لأنك عزمتينا
,عبير :المهم فرحتوني بجيتكم ياريت أنبستطو.
خلصت الحفلة والضيوف كلهم طلعو من الحفلة.
ما جات سيارة حلا , ووقتها حلا تتكلم مع عبير الحفلة مررة تجنن بس ليش ماقلتي حتجيبي مصورة كان صورنا بالجوال وخلاص تطلع فورية احلى بسرعة ,عبير لاتخافي صورنا بكل الطرق حتى فيديو بس لاتقولي لأحد ,ههه
حلا : ههه أخ من أفكارك ملعونة , طب اشوف الصور
عبير: دقيقة ميري هاتي جوال ماما,
ميري : اتفضلي يا مس ,
عبير هاتي كمان روزي ابغا العب معاها شوية,
ميري: طيب
عبير : شوفي الصور من الجوال نوصلها على التلفزيون
أحلى
..حلا و مرة كول كل شي عندك خطير ياخطيرة
هه عبير ايش دا كل البنات بالفيلم والصور كيف
عبير: ميري خدامتنا خليتها تصور وقت الزفة وانطفت الأنوار مامي ماوافقت بس قلتلها كل البنات يقولو عادي
وتجلس ذكريات حلوة والصور عندي بالبيت ماراح تطلع برة أبدا,,
حلا :آخ منك بس صحيح حاجة حلوة تجلس ذكرى أكيد
عبير: لاتقولي لأحد وأرسلك صورتنا مع بعض بالزفة على جوالك هدية مني ..

حلا: طيب وتسلمي على الهدية الحلوة

.. دق جوال حلا : اهلا ماما ليش أتأخر بابا ماجا والناس طلعو من الحفلة ايش أعمل قالت أمها اتصلت على أبوكي يقول خليها ترجع مع سواق خالتها,حلا : طب ماما السواق مايرد مين قال مادقيت عليه وعبير أخاف أقولها ترجعني بسواقها وأنا ضيفة عندهم .....أمها:خلاص ارجعي بسرعة معاها احسن صاحبتك ولا تقولي لأبوكي لايبهدلني..حلا:طيب ماما باي.
حلا : عبير بابا مشغول وماراح يجي ياخدني ممكن بس سواقك يردني البيت معاكي ,عبير : أوه انتي الغالية أكيد بس ماراح ارجع معاكي بعيوني النوم , روحي معاه.
حلا: أخاف امي تشوفني مع سايق لحالي تضربني
عبير: خلاص خدي ميري معاكي
حلا : شكرا عبير..
حلا وصلت البيت الساعة 3 بالليل من الحفلة ودخلت البيت
وهي مرة تعبانة وخايفة أحد يكون منتظرها على الشباك ..

كان عند باب البيت سيارة زوج أختها حنين طالعين ..

جلست تنتظر من بعيد لين يمشي زوج اختها.

دخلت البيت بسرعة وشافتها امها هيا بسرعة على غرفتك أبوكي بغرفته مولع يبغى يضربك وأنا قلتلله أكيد الطريق زحمة وليش أتأخرتي , حلا :ماما بعدين بعدين وراحت حلا غرفتها بسرعة وراحت تبدل ثيابها وتمسح مكياجها.
تابع