صدمتي بخاينة زوجي لي ساعدووني

1. او تعتبروني أخت لكم وتريحوني من مشكلتي اللي اعااني منها


2. بسردها لكم بكل امانه وصدق وصراحه

السلام عليكم ورحمة الله وبركاته
يسعد صباحكم/// مساكم
اتمنى الكل يكون بصحة وعاافيه
بصراحه ترددت كثير قبل ما اكتب قصتي لكم ولكن بعد ماشفت
تفاعلكم مع بعض والكل يعتبر الثانيه اخت له فحبيت اني اكون

او تعتبروني أخت لكم وتريحوني من مشكلتي اللي اعااني منها

بسردها لكم بكل امانه وصدق وصراحه

أنا متزوجه صار لي 4 سنين ونص وبدت مشكلتي من اول سنه من الزواج وطبيعي لازم تصير المشاكل بين الزوجين ويوم عن يوم بدت المشاكل تزيد وانا بطبعي انسانه عنيده وهو اعند مني وعصبي ....وصارت يمر اسابيع ولا احد يكلم الثاني بسبة العناد يعني كل واحد فينا مايبي يتنازل او يرخي الحبل
المهم رزقنا الله فبنوته مثل القمر طبعا ولدتها عند اهلي المهم بفترة النفاس وبعد ماطلعت منه حسيت ان زوجي تغير علي
وشكيت بشي بس كان كل مايجي فبالي هالشي ابعده عن تفكيري واتعوذ من الشيطان ولكن بعد ما كملت بنتي سنه زاد تغير زوجي اكثر وكثر المهم فيوم كان زوجي يتحمم وتارك جواله فالغرفه المهم قلت لنفسي ليش ما اخذه واقطع شكي باليقين وفعلا قطعت شكي باليقين ودخلت على المسجات وفتحت رساله وليتني ماافتحتها لقيتها صورة بنت قسم بالله يوم شفتها جلست لحظه احس اني ماعرفت اخذ انفاسي الا على طلعة زوجي من الحمام وجاني طاير واخذ جواله قلت له هذي مين ؟؟؟؟ تخيلوا ايش رد علي ,,,,, قال لي::: مدري هذي مين فجأه جتني الصوره
قلت له عطني رقمها رفض بشده وقال ايش تبغين فالمشاكل وكلمه مني وكلمه منه والمشكله كبرت مره طبعا جلست شهر ما احكي معاه واحنا بنفس البيت تخيلوا وبعدها جاني ياخذ اللي فخاطري واضريت اصبر على اللي شفته مو عشانه عشان البنت اللي بينا
وقالي بسافر انا وانتي لدبي ورحنا هناك وغيرنا جو على قولته وبس واحنا هناك نهاائي ماكنت مرتاحه سواء فالاتصالات اللي تجيه او المسجات اللي على الفجر او الصباح واخر الليل ومره طلعنا وبعد مارجعنا اخر الليل سويت حالي اني تعبانه واني ابغى انام وفعلا مشت عليه وبعدها قام من السرير واخذ جواله وطلع برا الغرفه وانا اخذت شويات وقمت من فراشي ووقفت عن الباب وكان الباب قدامه على طول الصاله ....................وآآآآآآآآآآآه سمعته وهو يكلمها ولا ايش يقول انا سريت بدري عشان اكلمك ياحياتي لان الرجال اللي معاي سهرتهم طويله وانا مو رايق لهم وابيك انتي..... ان وقتها تمنيت اني اموت وجاء فبالي كلامه انه مايعرفها وانه .... وانه ..... الخ
المهم ماقدرت اتحمل ورجعت لفراشي ابكي وابكي وابكي وماحسيت بنفسي الا انا صاحيه الصباح وقمت على طول وطلعت للصاله لقيته نايم على الكنب وجواله بجنبه عرفت انه نام على صوتها وسكت طبعا مااسويت اي شي بعد مارجعنا الرياض قلت له بروح لاهلي ورحت لاهلي والروحه هي الروحه جلست تقريبا سنه عندهم وطلبت الطلاق وتخيلوا كان رافض يطلق ورب الكعبه السنه هذي اللي جلست فيها عند اهلي ما سأل عن بنته ولاشي وبالسنه هذي جلست افكر بوضعي وبصراحه حسيت ان اهلي مو متحملني ولا متحملين ازعاج بنتي وضاقت فيني الدنيا ومالقيت نفسي الا وانا متصله فيه واكلمه وانا ابكي وبعدها بأسبوع تقريبا رجعت لبيتي وعرفت وقتها ان مالي غيره وانا ما اخفيكم والله العظيم اني احبه واموت فيه بس خيانته لي جننتني ومضطره اني اسكت واتحمل عشان بنتي وعشان حبي له وبعدها ربي رزقني فبنت ثانيه والوضع على ماهو عليه ودايم المح له ان تراني ساكته على خيانتك لي وادري انك تكلم غيري وهو ولاعلى باله.....
الله يخليكم يافراشات دلوني ايش اسوي معاه وكيف اتعامل معاه رغم اني مو مقصره بشي نهاائي معاه من اهتمام بنفسي واهتمام فالبيت ومن لبس ومن كل شي ومع كذا احس مافيه فايده .... الله يسعدكم ياخواتي ياليت اللي تمر بمثل مشكلتي او مرت فيها تقولي ايش سوت او كيف تعاملت معاه بنات انتظر ردوكم علي....وللمعلوميه هذا ولا شي عند المواقف والصدمات الثانيه
فمان الله .... وانتظركم