صراحة حابه أستشيركم ياريت تفيدوني

((حلا الحياة))

08-01-2022 - 05:42 am

أول شي السلام عليكم ورحمة الله وبركاته
أنا حابه استشيركم في حاجه أنا دحين مخطوبه من ولد عمتي بس طبعا
مافي تواصل بيني وبينو لأننا لسا في الخطبه ,بس انا دحين نفسي أطلب
أني اكلمو بس حابه انو المكالمات هذه تكون مره رسميه وتكون
لفتره قصيره
حقولكم الغرض من طلبي هذا الي هو إني أكلم خطيبي
أول حاجه حابه أعرف كيف تفكيرو في المرأه وزي كدا
وحابه أعرف كمان إيش طموحاتو يعني حابه أعرف عنو كتير قبل مانملك
ومني حابة أندم صراحة
هوا انا دحين الحمدلله مخطوبه وعن قناعة تامه بس حابة أأكد لنفسي زياده .
وكمان الفتره الي بين الخطوبه والملكه طويله
ياريت تفيدوني الله يعطيكم العافيه ويسعدكم ويفرحكم

التعليقات (7)

حمامة الحرمين

08-01-2022 - 08:57 am

وعليكم السلام ورحمة الله وبركاته
اهلين ياعسولة ومبروك على الخطبه وربنا يتمم لكم على خير
شوفي الصدفه انا كمان زيك اخدني ولد عمتي بس الفرق اني متزوجة وانتي لسا مخطوبه
المهم انا معاكي في النقطه دي بصراحه حلو تبدأي تتكلمي معاه شوية شوية الين تاخدوا على بعض
بس غريبة هوا ماطلب منكم انه يكلمك ؟؟؟
انا بعد الشوفه بكم يوم اتصلت عمتي وكلمت ماما وقالت لها الولد يبغا يكلم عروسته اذا ماعندكم مانع
طبعا اول مكالمه مرة كنت مكسوفه لأنه اول مرة اكلم واحد غريب وطول الوقت على الصامت ههه من جد دحين لما افتكر ديكا الأيام مرة اضحك على نفسي
طيب شوفي مدام هوا ما طلب قولي لمامتك انك تبغي تكلميه عشان تتعرفوا على بعضكم وزي كده يعني لا يكون بينك وبين امك حواجز الا اذا كنتي تستحي من مامتك
يعني مثلا جيبها بأسلوب غير روحي قولي لها غريبة عمتي ماقالت لك العريس يبغا يكلمني لايكون طلب منها وهيا قالت له عيب اصبر بعد الملكه
او يمكن عمتك طلبت من اهلك وهما رافضين يعني كلمي مامتك عادي وشوفي ايش ردها
واذا قالت لك لا عيب ايش تقولي انتي قول ليها عادي في الزمن دا كل العرايس يكلموا العريس عشان يبدأو ياخدوا على بعضهم وبالذات انكم قرايب يعني الوضع عادي
خللي مامتك لما تكلم عمتك تقول لها بالمزح عريسنا مايبغا يسمع صووت عروسته ولا مكسوف
بالنسبه ليا اشوف عادي اذا كلمتيه انا كنت اكلمه ولما اروح عندهم نتقابل كمان يعني مافيها شي
وربنا يسهلك ويوفقك

((حلا الحياة))

08-01-2022 - 09:58 am

أهلين حمامة الحرمين مره فرحت بردك والله, الله يسعدك يارب
عارفة بس نحن عندنا في العيلة مايكلمو الا بعد الملكه هذا هوا الظاهر
صراحة انا اتوقع انو هوا نفسو يكلم أو يطلب إنو يكلم
بس شكلي انا حطلب خلاص
الله يعين
دعواتك

((حلا الحياة))

08-01-2022 - 10:59 am

43 مشاهده ورد 1 عجيب والله

ودو شقاوه

08-01-2022 - 12:00 pm

احنا ممنوع
الا بعد العقد ..
تيب سوو عقد هالشهر ولاحق ع الملكه والحفله ؟؟
واحس صعبه الوحده تطلب ترا الرجاآآآل عقوولهم شينه وتفكريهم
مو لهناك
انتبهي .. وانصحك اشتخيري ^^

(( دلووعة الغربة ))

08-01-2022 - 01:01 pm

انا بعد انصحك لاتطلبيه انتي نهائيآ
بجد انتبهي خليها تجي منه
واذا عنده اخواته كلميهم وسولفي معهم
يعني ممكن تدقين على الثابت ويرد هو وتكون فرصه بس خليك رسميه لابعد حد في البدايه
اما انك انتي تطلبين هالطلب فنصيحتي لاتسوينها ابدآآآآآآآآآآآآآآآآآآآآآآآآ

شوق البوادي

08-01-2022 - 02:02 pm

ياعسل مايجوز انك تكلميه ذحين لانه للان غريب عنك
اعقدوا وبعد العقد كلميه ع راحتك

*ألماسة تبوك*

08-01-2022 - 03:03 pm

أنا مخطوبه لولد عمتي وأكلمه وحلو انه الوحده تكلم خطيبهاعشان تفهم طريقة تفكيرهبس أشوف مو حلو انتي تطلبي تكلميه المفروض هو يبدأ

أوكيجن لكوش الأفراح وتجهيز الحفلات←
فين تروحو في شهر العسل→