صفحه الإستفسارات الخاصه لأفضل ميادين التربيه والتعليم

السلام عليكم ورحمة الله وبركاته
حبيباتي حبيت احد يعرفني بالثانوية 30 بالدفاع الجوي بجدة جاني نقل داخلي وانا جاية من بره جدة
وبسأل في حضانه قريبه ومدارس خاصه بنفس الحي (الاندلس)
ويعطيكم الف عافية

السلام عليكم ورحمة الله وبركاته ..
شخبآركم حبيبآتي .. عسآكم بخير ..
انا الحين في ثآني علمي وفي مدرسة حكوميه ..
وابي اجيب نسبة عشآن المعدل الترآكمي ><"
وبصرآحه عندنا مايسآعدون وغير كذا كله كرف ولا يرحمون ..
والله تعبت نفسياً وجسدياً ..
وقررت اني انقل ل مدرسة اهلية ..
بس ما عندي خبره في المدآرس الاهلية اللى بجده ..
ف اللى تقدر تسآعدني اكون لها شآكره وممتنه ورآح أدعي لهآ في ظهر الغيب ..
العقيق
نجد
حديقة الطفل او الاطفال
منارة المستقبل
الي تعرف مدارس احسن من الي ذكرتها اتمنى انها تفيدني
(المدارس بحي مشرفة او العزيزية )
اهم شي عندي في المدرسة اسلوب المعلمات ؟؟
والبنآت كمان كيف ..؟؟
ما ابي مدرسة مره منفتحه ..
او البنات اللى فيها مو كويسات ..
وابي أعرف الرسوم كم ؟؟
وربي يجزآآآآآآآآآآآآآآآكن كل الخير ويوفقكم دنيا وآخره ..

والله حبيبتي انا مااعرف مدارس بجده
دوري بالنت يمكن تستفيدي
او اسآلي البنات في تجمع المداآرس
وموفقه ي ربي

أهلين وربي انبسطت حييل لما شفت طلبك مدري ليه بس حسيت انه مو انا الوحيدة المهم انا اولى ثانوي ان شاء الله طالعة ثاني وبصراحة نفسي بعلمي مرة ومدرستي حكومة ولا يساعدوا ولا شيء وداائم عندنا نقص بالمعلمات وانا ساكته بحي مشرفة ورحت لأغلب المدارس ألي بحي مشرفة والعزيزية السنة الماضية قبل الاختبارات النهائية بأسبوعين سألت المدارس القريبة من بيتي على اسعارهم ورح اذكر لك كل ألي سألتهم
1- نجد :بصراحة هي كانت الاغلى بينهم سعرها 12 ألف في السنة ويعطوكي معاها مريول واحد يتيم ! والكتب والباص ب2000 يعني آلفين ولاازم قبل ما تبدأ المدارس بأسبوع تروحي تدفعي لهم 500 تسجيل وقيمة طاولة وكرسي !!!
بصراحة انا ما ارتحت لها ابد بس انتي جربي تروحي لهم 7\10 يعني قبل ما تبدأ المدرسة بأسبوع رح تلاقي هناك المعلمات والادارة روحي استفسري اكثر عندهم
2-الخنساء بالعزيزية :سعرها 11 ألف ولو انتي عندك صديقتكي رح تروح معاكي تعمل لكي خصم وممكن تخليه ب9 آلاف
تشمل الكتب ومريول وااحد بسس والباص تبعها 1500 ...ألف وخمس مائه
هاذي انا اعرف كثير من صحباتي يدرسوا فيها بس هي شوي بعيدة من بيتي انا ساكنه قدام مدرسة منارة المستقبل بالضبط كل يوم افتح الشباك واطالع فيها واقول ياريتني ادرس هناك وربي اروح مشي وانا مغمضة عيوني >_<
3-العقيق سعرها 9500 وممكن تخصم لو جبتي معاكي بنت تانية تشمل الكتب , المريول الواحد ب250 ,والباص ب2000
4- الجيل الصالح هادي مدرسة ورى بيتي بالضببط عند سوبر ماركت اندلسية وورى مكتبه تهامة يعني قريبة المهم انا سألتها ورحت اخذت جوله هناك المدرسة صغيرة بس مرتبه عدد طالباتها مرة قليل وهي مع بعض متوسط وثانوي وبرضوا قليل بس بصراحة مرة بيساعدوا في الاختبارات والتأشير والمذاكرة
سعرها حوالي 7800 وقالت لي لو انا جيت مع وحدة صحبتي او لو اعرف احد بالمدرسة رح تعطيني خصم كمان!! المهم هالسعر شامل الكتب ,المريول ب160 والباص اذا بيتك بعيد 2500 اذا بيتك يعني مو مررة بعيد 2000 اذا انتي زي حالتي ساكته قدام ولا ورى ولا حولين المدرسة روحي مشي احسن لك
عموما حاليا انا افكر اروحها لأنه الاقرب والافضل اما منارة المستقبل رحتها مرة وطلعت مسكرة :( واتصلت عليهم اكثر من مرة بس ما يردوا وليا اسبوعين اشوفهم معلقين لوحة كبيرة كاتبيه فتح باب التسجيل للمرحلة الثانوية ما ادري عن اسعارهم بس اتوقع غالية لأنه بنت اختي درست ((روضة)) ب6500 غير الباص واشياء تانية
فإذا الروضة بهالسعر اجل الثانوي وش نقول عليهم؟؟؟؟
عموما انتي حددي واختاري الثانوية ألي تناسبك وياريت لو تخبريني لأنه لو رحنا كبنتين مع بعض رح يعطونا خصم احنا الاتنين وكذا نستفيد ونوفر

يب نسيت اخبرك شيء ترى تبع الجيل الصالح قالت لي انهم احتمال يرفعوا الاسعار لأنه كان فيه قرار من الرئاسة او الوزارة انهم ما يوظفون غير السعوديات وبمعاش غالي فقالت لي انه اذا تطبق هالقرار احتمال يرفعوه ألف زيادة يعني 8800 بس ترى هالشيء احتمال لكن المضمون انه فيه خصم لو كانوا اكثر من بنت وعشان كذا انا كنت متحمسة معاكي وخصوصا انه انا وانتي نفس المرحلة ^_^ والحي كماان

العقيق كثير يمدحونها وكثير من قرايبي وصديقات اخواتي نصحوني بيها يقولوا البنات هناك محترمات والتعليم متشدد بس يقولوا تدخلي هناك تتأسسي تعليم مزبووط ^_^
الخنساء يقبلوكي لو معدلك مرة طايح انا صحبتي اكبر مني بسنة جابت 74 في مدرستي الحكومة سنة اولى ولما طلعت ثاني راحت الخنساء وحطوها علمي ×_× !!
نجد او النصيفية انا مش متأكدة بس المتأكده ان بنت جارتنا نقلت من وحدة منهم عشان البنات هناك كانوا بويات وشاذات وايمو@_@
الجيل الصالح بنت جيراني تخرجت العام من عندهم تقول مرة بيساعدوا وكمان لو كتبتي ببحث قوقل عن اسم المدرسة رح تلاقي السنة الماضية او ألي قبلها ما اتذكر بس المهم كان فيه 4 بنات من هالمدرسة طلعوا الاولى على مستوى مدينة جدة !! 4 بنات جابوا 100% O_o
انتي ما سمعتي عن اي مدرسة تانية قريبة من الحي ألي نحنا ساكنين فيه ؟؟ لأنه بصراحةا نا اكررة الباصات عشت معاها 4 سنين والمدارس الحكومة دائم يا نقص معلمات يا شرح سيء وفي الاختبار الكتاب كله معاكي بدون تأشير وبصراحة ابغى اجيب معدل كويس يعني انا في اولى جبت العيد 89 ونص ومدرستي ما تدخل علمي اي وحدة تحت ال95 !! الله يكون بعوننا ياارب وبعون كل طالبه تعاني معانا

الله يرضى عليكم يا بنات
فين عنوان مدرسة الثانوية الثامنة عشر نظام مقررات بجدة ومتى يبدأ التسجيل بالله ردوا عليا مليت وانا افرفر و ادور بس مالقيت
اللي تعرف بالله عليها ترد بدري

لو تبغى مدرسه يساعدوو بالدرجات روحي الخنساء بالعزيزيه معروفه ان طالباتها مرتاحين
انا كنت بالاخاء الاهليه مايساعدوا مره
لكن بالترم الثاني زادت نسبتي 5 %
يلخصوا بس مو كلهم على حسب المدرسات
وترى في وحده لعينه اسمها مي مديره المدرسه
طبت علينا ونحنا نأشر وبطلت المدرسه تأشر منعت
كل المدرسات من التأشر
لكن اغلب المعلمات يساعدوو ..

السلام عليكم ورحمه الله وبركاته بدخلكم بالموضوع
انا حامل بالشهر الثامن ومالي احد بجده
ونا داخله علمي وباقيلي اخر سنه ثالث ثانوي
ابي اسألكم عن مدرسه الخنساء الاهليه>>اللي بالعزيزيه
هل يوجد بها حضانه ل أطفال الطالبات
واذا مافي!!
هل يوجد حضانه ب
البيت السعيد؟؟!!
او
الحديقه الصغيره ؟!
واذا مافي عطوني اسماء مدارس بالاحياء القريبه من العزيزيه
اشكركم ويعطيكم الف عافيه مقدماَ