صممي غرفة تراثية بيدك خطوة بخطوة بالصور

1. وهذه صورة من ناحية ثانيهطاولة التراث

مرحبا بنات
عيدكم مبارك واتكونون من العايدين والفايزين يا رب
عندي لكم فكرة حلوه انا صممتها ونفذتها مستعينه بصور بيوت قديمة من التراث الكويتي
عندنا بالبيت صالة صغيرة اللي تجي تحت الدرج .. امي تحب سوالف القديمة وبما اني مدرسة رسم وتخصصي المساند ديكور قلت ليش يا بنيه ما تسوين تصميم بيت كويتي قديم حق امي
رحت شريت صبغ من GTC النوع أكرلك ربع لمعة اللي ينشف بسرعة ومن دون ريحة ....شريت درجتين بني وبيج وشريت سطلين كبار من المعجون الأبيض وشريت الحديدة اللي يوزعون فيها المعجون على الطوفة ( طوفه = جدار = حيطة )
اول شي اغرف بالحديدة المعجون وامسحه على الطوفه بشكل غير متساوي يعني كأنج قعد تحطين كريمة على وجه الكيكة . بعدها اخليها تنشف الطوفة
وبعدها بالفرشا الكبيرة اصبغ الطوفة بصبغ البيج المخفف بالماي ...وبعد ما ينشف الصبغ , اخذ إسفنجة واحطها باللون البني المخفف بالماي وامسح على الطوفة وياريت تسوون مثل اللطخات علشان يعطي التأثير القديمابي اوريكم الصوره الشاملة وحبه حبه اقولكم انا شسويت
هذه الصالة اللي تحت الدرج والباب اللي تحت اللوحة باب المطبخ والباب اللي على الجنب باب المخزن
رحت للنجار وقلتله يقصلي لوح خشب وإطار على هيئة شباك مثل ما انتوا شايفيين بعدها رحت البيت ولونتها بأكثر من درجة للبني ....
بعدها رحت لمحل أبو مية فلس وشريت خيزرانات كثيرة ورشيتهم بلون اسود وقصقصتهم ولزقتهم بنص الدريشة علشان يعطي شكل الحدايد .
وأمي الله يخليها لي معلقة سراج أزرق بالسقف..الصورة الثانيه
هذه اللي تحت الدرج .. جبت مثل السدو وطقطقتها بمسامير بسقف الدرج من تحت بس ما شديت السدو لا رخيتها شوي علشان يعطي تأثير الخيمة .
وهذه صورة من تحتالباب القديم
من أول بابنه خشبي ... رحت للنجار وخذيت عرض الباب وقلتله يسويلي نص دائرة مع إطار.. لونته نفس تلوين الشباك ) , وسويت نفس حركة الدريشة بخصوص الخيزران .
وفصلت بعد عند النجار شرايح خشب خفيف بعرض 18 سم عدد 5 حبات رحت ومسمرتهم على الباب وتركت مسافة بين حبة وحبة حوالي 3 سم .. صبغت الباب بلون بني مع لطخات بني محروق مثل الصورة ...
رحت لمحل أبو 100 فلس وشريت حبات قزاز اللي على شكل نص دائرة وبخيتهم بخاخ ذهبي ولزقتهم على بالباب بالصمغ الحراري مثل ما تشوفون بالصورة.
الباب بس ناقصه يدة باب قديمة اللي تجي على شكل دائرة , لفيت السوق ومالقيتها. ياريت ادلوني وين احصلها

وهذه صورة من ناحية ثانيهطاولة التراث

فصلت طاولة خشب وصبغتها وشريت بساط نفس البساط اللي انا راسمته باللوحة الزيتية اللي فوق باب المطبخ ... وحطيت الاغراض التراثية عليها .عندنا بالبيوت القديمة كانوا يسندون السقف بقطع خشب وكانت القطع تطلع من الطوفة من برة ... وانا سويت هذه الحركة شوفوا فوق بالطوفة
هذه الله يسلمكم رحت للأدوات الصحية وشريت ماسورة ( بايب ) بلاستك وقصصتة بالمنشار بطول 20 سم تقريبا ... رحت وشريت من النجار الحدايد اللي على شكل حرف الدال اللي يحطونها تحت الرف ..
هذه الحديدة انا لزقتها بلزاق على الماسورة المقصوصة من الطرف وغلفتها بمعجون وبعد ما نشفت
لونتها بلون بني محروق ... ولاتنسون تقصون كرتونه على شكل دائرة وتلصقونها على الطرف الخارجي علشان يبين انها شجرة مو تتركونها فاضيه اللي يشوفها من قدام يشوف انها ماسورة ( فهمتوا ؟؟)
وبعدين دقوها على الطوفها بالمسامير والطرف الحديد اللي على الطوفه حطو عليه معجون واصبغوه مثل الصورة
الأسهم الحمرا تأشر على أطراف الحديدة اللي على شكل حرف الدالاتمني انها اعجبتكم
وتراه منقول للي حابين يسوون مثله
تحياتي